10-Apr-2022

ବଲାଙ୍ଗୀର ଜିଲ୍ଲାର ସିନ୍ଧେକେଲା ଗ୍ରାମ୍ଯ ଜଳ ଯୋଗାଣ ପମ୍ପ ହାଉସ ର ତାଲା ଭାଙ୍ଗି କେହି ଅଜଣା ଦୁର୍ବୃତ ୦୮ ତାରିଖ ଶୁକ୍ରବାର ବିଳମ୍ବିତ ରାତିରେ ଷ୍ଟାର୍ଟର ଠାରୁ ଇଣ୍ଟେକୱେଳ ପର୍ଯ୍ୟନ୍ତ ଯାଇଥିବା ୩ ଫେଜ ତାର ଚୋରୀ କରି ନେଇ ଯିବାରୁ ଶନିବାର ସିନ୍ଧେକେଲାର ଜଳ ଯୋଗାଣ ଠପ ହୋଇଯାଇଛି। ଅଭିଯୋଗ ଅନୁଯାଇ ଷ୍ଟାର୍ଟର ରୁ ଇଣ୍ଟେକୱେଳ ପର୍ଯ୍ୟନ୍ତ ଯାଇଥିବା ୧୬ ଏମଏମ ର ପାଖାପାଖି ୨ ଶହ ମିଟର ତାର ଚୋରି ହୋଇଥିବା ବେଳେ ତାର ଆନୁମାନିକ ମୂଲ୍ଯ ଏକ ଲକ୍ଷ ଟଙ୍କା ଉପରେ ହେବ । ସିନ୍ଧେକେଲାର ଜୀବନ ବିନ୍ଦୁ କୁହା ଯାଉଥିବା ଏହି ପ୍ରକଳ୍ପ ଦ୍ବାରା ଦିଆ ଯାଉଥିବା ପାଇପ ପାଣୀ ଉପରେ ପଞ୍ଚାୟତ ମୁଖ୍ୟାଳୟର ଅଧାରୁ ଅଧିକ ଲୋକଙ୍କ ପାନୀୟଜଳ ଆବଶ୍ୟକତା ପୂରଣ ହୋଇଥାଏ। ବର୍ତ୍ତମାନ ସମୟରେ ଅତ୍ୟଧିକ ଗରମ ବଢି ଚାଳିଥିବାରୁ ଲୋକେ ପାନୀୟଜଳ ପାଇଁ ଏବେ ଚିନ୍ତାରେ। କାହିଁକିନା ସିନ୍ଧେକେଲା ପଞ୍ଚାୟତ ମୁଖ୍ୟାଳୟର ତିନୋଟି ଦିଗରେ ବଡବଡ ପାହାଡ ଦଣ୍ଡାୟମାନ ଥିବାବେଳେ ଦକ୍ଷିଣ ଦିଗରେ ବିସ୍ତିର୍ଣ୍ଣ ଉନ୍ଦେର ନଦୀର ଶୁଖିଲା ବାଳୁକା ରାଶି ଏହି ଛୋଟିଆ ସହର କୁ ଆହୁରୀ ଗରମ ଅନୁଭୂତ କରାଇବାରେ ସହାୟକ ହୋଇଥାଏ। ଏମିତିରେ ଘର ମାନଙ୍କରେ ଥିବା କୁଅ, ଡିପ ବୋରୱେଳ , ନଳକୂପ ପ୍ରାୟତଃ ଅଚଳ କହିଲେ ଭୁଲହେବ ନାହିଁ ବନ୍ଧ ପୋଖରୀରେ ଅବସ୍ଥା ନ କହିଲେ ଭଲ ଏମିତିରେ ତାର ଚୋରିକୁ ନେଇ ଜନ ଅସନ୍ତୋଷ ପ୍ରକାଶ ପାଇଛି। ଏହାକୁନେଇ ସିନ୍ଧେକେଲା ସରପଞ୍ଚ ନରେଶ ଅଗ୍ରବାଲ ପମ୍ପ ହାଉସରେ ପ୍ରଶାସନ ତରଫରୁ ଏକ ରାତ୍ର ଜଗୁଆଳୀ ବ୍ୟବସ୍ଥା କରିବା ପାଇଁ ଆମ ଜରିଆରେ ଦାବି କରିଛନ୍ତି। ସରପଞ୍ଚଙ୍କ ପରାମର୍ଶ କ୍ରମେ ପମ୍ପ ଡ୍ରାଇଭର ରମେଶ ପଧାନ ସିନ୍ଧେକେଲା ଥାନାରେ ଅଭିଯୋଗ କଲାପରେ ସିନ୍ଧେକେଲା ପୋଲିସ ଅଧିକ ତଦନ୍ତ ଜାରୀ ରଖିଥିବା ଏଏସଆଇ ଆଦିତ୍ଯ ସାହୁ କହିଛନ୍ତି ।