10-Apr-2022

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ସ୍ଥିତ ଗଣେଶ ମନ୍ଦିର ପରିସର ମଧ୍ୟରେ ଆଜି ଶନିବାର ଦିନ ଓଡିଶା ଗୁଡିଆ ସମାଜର ବରଗଡ ଜିଲ୍ଲା କମିଟୀ ଗଠନ କରାଗଲା । ଓଡିଶା ଗୁଡିଆ ସମାଜର ମୁଖ୍ୟ ଉପଦେଷ୍ଟା ରାଜେନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ରାଜ୍ୟ କାର୍ଯ୍ୟକାରୀ ସଭାପତି ବିଶ୍ୱନାଥ ସାହୁ ଏବଂ ଯୁବ ସଂଗଠନର ଉପସଭାପତି ଅର୍ଜୁନ ସାହୁ ସମ୍ମାନୀତ ଅତିଥି ଭାବେ ଯୋଗଦେଇଥିଲେ । ପ୍ରଥମେ ସମସ୍ତ ଅତିଥିବୃନ୍ଦ ଶ୍ରୀଗଣେଶ ଠାକୁର ଙ୍କ ଫଟୋ ଚିତ୍ରରେ ପୁ୍‌ଷ୍ପମାଲ୍ୟ ଅର୍ପଣ କରିବା ସହ ଦୀପ ପ୍ରଜ୍ୱଳନ କରିଥିଲେ । ପରେ ଉପସଭାପତି ଶ୍ରୀଯୁକ୍ତ ସାହୁ ଏହି ବୈଠକର ଉଦ୍ଦେଶ୍ୟ ଜ୍ଞାପନ କରିଥିଲେ । ଉପଦେଷ୍ଟା ରାଜେନ୍ଦ୍ର ଆଜ୍ଞା ଜିଲ୍ଲା କମିଟୀ ଗଠନର ଆବଶ୍ୟକତା ଏବଂ କାର୍ଯ୍ୟକାରୀତା ବିଷୟରେ ଆଲୋକପାତ କରିଥିଲେ । ରାଜ୍ୟ କାର୍ଯ୍ୟକାରୀ ସଭାପତି ବିଶ୍ୱନାଥ ସାହୁ ଜିଲ୍ଲା କମିଟୀ ଗଠନ କରିବା ପାଇଁ ସମସ୍ତ ସଦସ୍ୟମାନଙ୍କୁ ପ୍ରସ୍ତାବ ଦେଇଥିଲେ ।

ପରେ  ସର୍ବ ସମ୍ମତି କ୍ରମେ ବରପାଲି ବ୍ଲକର ମନୋଜ ସାହୁ ବରଗଡ ଜିଲ୍ଲା ସଭାପତି ଭାବେ ପୁନଃ ମନୋନୀତ ହୋଇଥିଲେ । ଉପସଭାପତି ଭାବେ ସୁବ୍ରତ ସାହୁ(ବରଗଡ), ଭବାନୀ ଶଙ୍କର ସାହୁ(ଅମ୍ବାଭୋନା) ଏବଂ ପ୍ରଶାନ୍ତ କୁମାର ସାହୁ(ସୋହେଲା)ଙ୍କୁ ମନୋନୟନ କରାଯାଇଥିଲା । ସେହିପରି ଜିଲ୍ଲାର ସାଧାରଣ ସଂପାଦକ ଭାବେ ବିଜେପୁର ବ୍ଲକର ପହଣ୍ଡି ଗ୍ରାମର ଶିବିଲ ସାହୁଙ୍କୁ ଦାୟିତ୍ୱ ଅର୍ପଣ କରାଯାଇଥିଲା । ସହ ସଂପାଦକ ଭାବେ ଅଶୋକ ସାହୁ(ଭଟଲି) ଏବଂ ବରଗଡର ସୁଶିଲ କୁମାର ସାହୁଙ୍କୁ ମନୋନୀତ କରାଯାଇଥିଲା । କୋଷାଧ୍ୟକ୍ଷ ଭାବେ ବରଗଡର ଅଶୋକ କୁମାର ସାହୁ ମନୋନୀତ ହୋଇଥିବା ସ୍ଥଳେ ଭେଡେନର ରାକେଶ କୁମାର ସାହୁ, ରେମଣ୍ଡାର ସୁବ୍ରତ କୁମାର ସରାଫ ଏବଂ ବରଗଡର ସେବାରାମ ସାହୁଙ୍କ ସଭ୍ୟଭାବେ ମନୋନୀତ କରାଯାଇଥିଲା । ଶେଷରେ ଓଡିଶା ଗୁଡିଆ ସମାଜର ପ୍ରଚାର ପ୍ରସାର ବିଭାଗର ସଦସ୍ୟ ରୀତୁରାଜ ସାହୁ ଧନ୍ୟବାଦ ଅର୍ପଣ କରିଥିଲେ