19-Mar-2022

ବ୍ରହ୍ମପୁର(ଉମା ମହାରଣା) : ହୋଲିରେ  ରଙ୍ଗ ଖେଳିବା ପୂର୍ବରୁ ରକ୍ତ ରଞ୍ଜିତ ହେଲା ଗାଁ ଦାଣ୍ଡ । ଏଭଳି ଏକ ଅଭାବନୀୟ ହୃଦୟ ବିଦାରକ ଘଟଣା ଦେଖିବାକୁ ମିଳିଛି ଗଂଜାମ ଜିଲ୍ଲା ପୋଲସରା ଥାନା ଅନ୍ତର୍ଗତ ବନ୍ଥପଲ୍ଲୀ ପଞ୍ଚାୟତର ମୁକ୍ତାମାଳଦେଇପୁର ଶାସନ ଗ୍ରାମରେ । ଯେଉଁଠି ପୂର୍ବ ଶ୍ରତୃତାକୁ ନେଇ ମୁକ୍ତାମାଳଦେଇପୁର ଶାସନ ଗ୍ରାମର ଅମିତ

ଆଚାର୍ଯ୍ୟ କୁ କିଛି ଦୁର୍ବୁତ ଗତ ରାତିରେ ଗାଁ ରାସ୍ତା ରୁ ବିଲ ମଝିକୁ ଗୋଡ଼ାଇ ଗୋଡ଼ାଇ ଏକ ଧାରୁଆ ଅସ୍ତ୍ରରେ ବେକ କାଟି  ହତ୍ୟା କରାଯାଇଥିବା ଭଳି ଦୃଶ୍ୟ ଦେଖିବାକୁ ମିଳିଛି ।  ଯାହାକୁ ନେଇ ପୋଲସରା ଥାନା ଅଧିକାରୀ ଜିତେନ୍ଦ୍ର କୁମାର ମଲ୍ଲିକ ସଦଳବଳେ ଘଟଣା ସ୍ଥଳରେ ପହଞ୍ଚି ହତ୍ୟାକାଣ୍ଡ ସମସ୍ତ ଦିଗକୁ ପରଖି ଥିବା ଦେଖିବାକୁ ମିଳିଛି । ଅନ୍ୟ ପଟେ ମୁକ୍ତାମାଳଦେଇପୁର ଗ୍ରାମବାସୀ ହତ୍ୟାକାଣ୍ଡର  ପ୍ରକୃତ ରହସ୍ୟକୁ ନେଇ ପୋଲିସର ତଦନ୍ତ କୁ ଅପେକ୍ଷା କରିଥିବା ବେଳେ ମୃତ ପୁଅର ବାପା ଓ ଭାଇ ପୂର୍ବ ଶତୃତା ନେଇ ଏଭଳି ହତ୍ୟାକାଣ୍ଡ କରାଯାଇଥିବା ଅଭିଯୋଗ ଆଣିଛନ୍ତି ।