24-Feb-2022

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲାର ବିନିକା ବ୍ଲକରେ ଗତ ୧୮ତାରିଖ ଶୁକ୍ରବାର ଦିନ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ସକାଶେ ସମସ୍ତ ୧୬ଗୋଟି ପଞ୍ଚାୟତରେ ମତଦାନ ସରିଛି । ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇଥିବା ୨ଜିଲ୍ଲାପରିଷଦ ଜୋନର ସର୍ବମୋଟ ୭ଜଣ ପ୍ରାର୍ଥୀ/ପ୍ରାର୍ଥୀନୀ,୭୫ଜଣ ସରପଞ୍ଚ,୬୧ଜଣ ସମିତିସଭ୍ୟ ଓ ୨୫୩ଜଣ ୱାର୍ଡ ସଭ୍ୟଙ୍କ ଭାଗ୍ୟ ବାଲାଟ ବାକ୍ସରେ ସିଲ ହୋଇ ରହିଛି ।ଆସନ୍ତା ୨୬ଓ୨୭ ତାରିଖ ଭୋଟ ଗଣତି ପରେ କାହା ବେକରେ ଫୁଲମାଳ ପଡ଼ିବ ତାହା ସ୍ଵଷ୍ଟ ଜଣାପଡିବ ।ଆଉ ମାତ୍ର ଗଣତିକୁ ୨ଦିନ ବାକି ଥିବା ବେଳେ କିଏ କେଉଁ ଠାରୁ ଜିତିବ ସେନେଇ ତାଙ୍କ ସମର୍ଥକଙ୍କ ମହଲରେ ଚାଲିଛି ହିସାବ କିତାବ l ଅନ୍ୟପକ୍ଷରେ  ବିନିକା ବ୍ଳକ ଅଧ୍ୟକ୍ଷା ପଦ ଏଥର ମହିଳାଙ୍କ ପାଇଁ ସଂରକ୍ଷିତ ଥିବାରୁ କିଏ ଏହି ପଦ ହାତେଇବ ସେନେଇ ପାନ ଦୋକାନ ଠୁଁ ଆରମ୍ଭ କରି ବ୍ୟବସାୟିକ ଅନୁଷ୍ଠାନ,ରାସ୍ତା ଘାଟ ଏପରିକି ବିଭିନ୍ନ ସରକାରୀ କାର୍ଯ୍ୟାଳୟରେ ମଧ୍ୟ ଚାଲିଛି ଜୋରଦାର ଚର୍ଚ୍ଚା ।ତେବେ ଅଧ୍ୟକ୍ଷା ଆସନ ପାଇଁ ବ୍ଲକର ଗୁରୁତ୍ତ୍ୱପୂର୍ଣ ଚରଦା ପଞ୍ଚାୟତରେ  ୨ଜଣ ହେବିୱେଟ ନେତା ବିନିକା ବ୍ଲକର ଯୁବ ସଂଗଠକ ତଥା ଚାଷିନେତା ଭୀମସେନ ସାହୁଙ୍କ ଧର୍ମପତ୍ନୀ ପୂର୍ବତନ ବ୍ଳକ

ଅଧ୍ୟକ୍ଷା ନଳିନୀ ସାହୁ(୨୦୧୨ରୁ୨୦୧୭) ବନାମ ବିନିକା ବ୍ଲକର ପୂର୍ବତନ ଅଧ୍ୟକ୍ଷ ଅଶୋକ ନନ୍ଦ(୨୦୧୭ରୁ୨୦୨୨)ଙ୍କ ଧର୍ମପତ୍ନୀ ଦୀପ୍ତିରେଖା ନନ୍ଦଙ୍କ ମଧ୍ୟରେ ଲଢେଇ ଜୋରଦାର ହୋଇଛି l ହେଲେ କିଏ ଜିତିବ, କିଏ ହାରିବ ସେନେଇ ଆକଳନ କରିବା ମସ୍କିଲ ହୋଇପଡିଛି ।ତଥାପି ବି ଏହି ଦୁଇ ହେବିୱେଟ ନେତା ନିଜ ନିଜର ବିଜୟ ଆଶା ସୁନିଶ୍ଚିତ ଭାବି ଅଧ୍ୟକ୍ଷା ପଦ ହାତେଇବା ପାଇଁ ନିର୍ବାଚନ ଫଳାଫଳ ଘୋଷଣା ପୂର୍ବରୁ ନିଜ ନିଜ ପ୍ରାର୍ଥୀ/ପ୍ରାର୍ଥୀନୀ ମାନଙ୍କୁ ନେଇ ଅଜ୍ଞାତବାସରେ ଥିବା ଜଣାପଡ଼ିଛି । କା ଭା ସମିତିସଭ୍ୟ ବୁଲୁ ଥିବାର ଦେଖିବାକୁ ମିଳୁଛି । ସମୁଦାୟ ୧୬ସମିତିସଭ୍ୟ ମଧ୍ୟରୁ ବ୍ଳକ ଅଧ୍ୟକ୍ଷା ଆସନ ପଦ ଅଳଙ୍କୃତ ପାଇଁ ୯ଅଙ୍କ ସଂଖ୍ୟା ଆବଶ୍ୟକ ଥିବାରୁ ଯେଉଁ ଶିବିରର ରୁ ଅଧିକ ସଂଖ୍ୟାରେ ସମିତିସଭ୍ୟ ବିଜୟୀ ହେବେ ସେ ହିଁ ଅଧ୍ୟକ୍ଷା ହିଁ ଆସନ ପଦ ଅକ୍ତିଆର କରିବ ବୋଲି ସବୁଆଡେ ଚର୍ଚ୍ଚା ହେଉଛି ।ତେବେ ଦେଖିବାକୁ ବାକି ରହିଲା ହାତୀ କାହା ମୁଣ୍ଡରେ କଳସ ଢାଲୁଛି ।