24-Feb-2022

ବରଗଡ:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଲ ଦେଇ ନୂଆପଡ଼ା ଜିଲ୍ଲା କୁ ସଂଯୋଗ କରିବା ନିମନ୍ତେ ବିଜୁ ଏକ୍ସପ୍ରେସ ଓ୍ୱେ ଅଂଚଳ ର ଜନସାଧାରଣ ଙ୍କ ପାଇଁ ଏକ ମାଇଲଖୁଣ୍ଟ ସଦୃଶ । ଲୋକେ ଗମନାଗମନ ସହ ଆର୍ଥିକ ଉନ୍ନତି ରେ ମଧ୍ୟ ସହାୟକ ହୋଇଛି ।ହେଲେ କୋଟିକୋଟି ଟଙ୍କା ଖର୍ଚ୍ଚ ରେ ନିର୍ମିତ ଏହି ବିଜୁ ଏକ୍ସପ୍ରେସ ଓ୍ୱେ ଜଡ଼ିତ ବିଭାଗୀୟ ଅଧିକାରୀ, ଯନ୍ତ୍ରୀ ତଥା ନିଯୁକ୍ତି ପ୍ରାପ୍ତ ଠିକାଦାର ମାନଙ୍କ ମଧ୍ୟରେ ମଧୁଚନ୍ଦ୍ରିକ ପାଇଁ ରାସ୍ତା ନିର୍ମାଣ ରେ ଅନେକ ସ୍ଥାନରେ ଆବଡାଖାବଡା ପରିଲକ୍ଷିତ ହେବାସହ ବିଭିନ୍ନ ସ୍ଥାନରେ ବଡ଼ବଡ଼ ଗର୍ତ୍ତ ମାନ ଦେଖାଦେଲାଣି ।ଏହି ରାସ୍ତାରେ ପ୍ରତ୍ୟେକ ଛୋଟବଡ ଧରଣର ଦୁର୍ଘଟଣା ଲାଗି ରହୁଥିବାବେଳେ,ପାଇକମାଲ ନାଗରିକ କମିଟି ତଥା ସାମ୍ବାଦିକ ମାନଙ୍କ ପ୍ରଚେଷ୍ଟା ରେ ଆନ୍ଦୋଳନ ପନ୍ଥା ଗ୍ରହଣ ପରେ ରୋଡ ଡିଭାଇଡର ତିଆରି ପାଇଁ ସ୍ୱୀକୃତି ପ୍ରଦାନ କରିଥିଲେ । କିନ୍ତୁ କିଛି ବ୍ୟକ୍ତି ବିଶେଷ ନିଜବା ଗୃହ ସହିତ ଦୋକାନ ଏବଂ ଗୋଦାମ ଗୃହ ସମ୍ମୁଖରେ ଡିଭାଇଡର ମଝିରେ ରାସ୍ତା ର ଆବଶ୍ୟକତା କରୁଥିବା ଅତ୍ୟନ୍ତ ହାସ୍ୟାସ୍ପଦ ର ବିଷୟ ଅଟେ ।ବିଭାଗ ଦ୍ଵାରା ନିର୍ମିତ ଡିଜାଇନ୍ ଲୋକଙ୍କ ସୁରକ୍ଷାଗତ କାରଣ ରୁ ଜନସାଧାରଣ ଙ୍କ ଆବଶ୍ୟକତା କୁ ଦୃଷ୍ଟିରେ ରଖି ଡିଭାଇଡର ମଝି ମଝିରେ ବିଭିନ୍ନ ସ୍ଥାନରେ ସୁରକ୍ଷିତ ସ୍ଥାନ ଚିହ୍ନଟ କରି ରାସ୍ତା ଛଡାଯାଇଛି । କିନ୍ତୁ ନିଜେ ବଞ୍ଚିଲେ ବାପର ନାଁ ନିତି କୁ ଆପଣାଇ ଜନସାଧାରଣ ଙ୍କ ମୂଲ୍ୟବାନ ଜୀବନ କୁ ବିପଦକୁ ଠେଲିବାର ପ୍ରୟାସ ଉଚିତ ନୁହେଁ ।ନିଜ ବ୍ୟବସାୟ କେମିତି ଭଲ ଭାବରେ ଚାଲିବ ତାର ସୁଯୋଗ ରେ ବିଭାଗୀୟ କର୍ମଚାରୀ ତଥା ନିଯୁକ୍ତି ପ୍ରାପ୍ତ ଠିକାଦାର ମାନଙ୍କୁ ଜବରଦସ୍ତ କରିବା କେତେ ଦୂର ନ୍ୟାୟ ସଙ୍ଗତ ।