24-Feb-2022

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ବ୍ଳକ ଫୁଲମୁଠି ଗ୍ରାମର ଜିବର୍ଧନ ଦାଶ ପାଇଥିବା ଏକ ମନିପର୍ଶକୁ ଆଜି ଫେରାଇ ଦେଇ ମାନବିକତାର ପରିଚୟ ଦେଇଛନ୍ତି ।ସୂଚନା ଯୋଗ୍ୟ ଯେ ଚଳିତ ମାସ ୨ତାରିଖରେ ସୋନପୁର ବ୍ଳକ ସରଧାପାଲି ଗ୍ରାମର ଶ୍ୟାମ ଘିବିଲ୍ଲା ନାମକ ଜଣେ ଯୁବକ ବୁର୍ଲା ଡାକ୍ତରଖାନାକୁ ଯାଇ ଜଣେ ରୋଗୀକୁ ରକ୍ତଦାନ କରି ବିନିକା - ସୁବର୍ଣ୍ଣପୁର ମୁଖ୍ୟ ରାସ୍ତାରେ ଫେରୁଥିବା ବେଳେ ସଂଧ୍ୟା ପ୍ରାୟ ୭ଘଣ୍ଟା ସମୟରେ ଚୌକିଜୋର ନିକଟରେ ତାଙ୍କ ପ୍ୟାଣ୍ଟ ପ୍ୟାକେଟରୁ  ମନିପର୍ଶଟି ପଡି ଯାଇଥିଲା l ତାର କିଛି ସମୟ ପରେ ସେହି ରାସ୍ତାଦେଇ  ଫୁଲମୁଠି ଗ୍ରାମର ଜିବର୍ଧନ ଦାଶ ସାଇକଲ ଯୋଗେ ନିଜ ଗ୍ରାମକୁ ଫେରୁଥିବା ବେଳେ ପର୍ଶ ଟିକୁ ପାଇଥିଲେ । ପର୍ଶରେ ୩ଗୋଟି ଏଟିଏମ୍ କାର୍ଡ,ଆଧାର କାର୍ଡ,ଡ୍ରାଇଭିଂ ଲାଇସେନ୍ସ,ନଗଦ ୫୨୦ ଟଙ୍କା ଥିଲା । ନାମ ଓ ଠିକଣା ଥିଲେ ମଧ୍ୟ ଫୋନ ନଂ ନଥିବାରୁ ଯୋଗାଯୋଗ କରିବାରେ ବିଳମ୍ବ ହୋଇଥିଲା ।  ଗ୍ରାମ ନାମକୁ ନେଇ ବିନିକା ଲୀଳାସାହାଜି ବିଦ୍ୟାମନ୍ଦିରରେ ଶିକ୍ଷାଦାନ କରୁଥିବା ତାଙ୍କ ଭିଣେଇ ଅମିତ ଆଡ଼ଜୁଆଡିଙ୍କୁ ଯୋଗାଯୋଗ କରିବାରୁ ସେହି ବ୍ୟକ୍ତିଙ୍କ ସମ୍ପୂର୍ଣ୍ଣ ବିବରଣୀ ମିଳିଥିଲା । ଆଜି ବୁଧବାର ଅମିତ ଓ ପର୍ଶ ପକାଇଥିବା ବ୍ୟକ୍ତି ସୋନପୁର ବ୍ଳକ ସରଧାପାଳି ଗ୍ରାମର ଶ୍ୟାମ ଘିବିଲ୍ଲା ଫୁଲମୁଠି ଗ୍ରାମକୁ ଆସି ଜିବର୍ଧନଙ୍କ ଠାରୁ ପର୍ଶ ସଂଗ୍ରହ କରିଥିଲେ । ପର୍ଶ ଫେରାଇ ମାନବିକତାର ପରିଚୟ ଦେଇଥିବାରୁ ଜିବର୍ଦ୍ଧନକୁ କେବେବି ଭୁଲି ପାରିବେ ନାହିଁ ବୋଲି କହିଥିଲେ ।