22-Feb-2022

ବଲାଙ୍ଗୀର:( ମଳୟ ମିଶ୍ରଙ୍କ ରିପୋର୍ଟ  ) ଆଜି ତ୍ରିସ୍ତରୀୟ ପଞ୍ଚାୟତନିର୍ବାଚନର ଚତୁର୍ଥପର୍ଯ୍ୟାୟ ଭୋଟଗ୍ରହଣ ଜିଲ୍ଲାର ବଲାଙ୍ଗୀର ସଦର , ଦେଓଗାଁ ଓ ଗୁଡଭେଲା ତିନୋଟି ବ୍ଲକ୍ ରେ ହେଉଛି । ସରପଞ୍ଚ , ସମିତିସଭ୍ଯ ଓ ଜିଲ୍ଲାପରିଷଦ ସଭ୍ୟ ପ୍ରାର୍ଥୀଙ୍କ ପାଇଁ ଏ ନିର୍ବାଚନ ହେଉଥିଲେ ହେଁ , ମୁଖ୍ୟତଃ ବ୍ଲକ୍ ଅଧ୍ୟକ୍ଷ ପଦକୁ ଦୃଷ୍ଟିରେ ରଖି ସମିତିସଭ୍ୟ ପ୍ରାର୍ଥୀଙ୍କ ଉପରେ ଅଧିକ ଗୁରୁତ୍ବ ଦିଆଯାଉଥିଲା ପରି ଲକ୍ଷ୍ୟ କରାଯାଉଛି । କେବଳ ଜିଲ୍ଲା ପରିଷଦ ପ୍ରାର୍ଥୀମାନେ ଦଳୀୟ ସଂକେତ ବହନ କରୁଥିବାବେଳେ ସରପଞ୍ଚ ବା ସମିତିସଭ୍ୟ ପ୍ରାର୍ଥୀଙ୍କ କ୍ଷେତ୍ରରେ ଏହି ଦଳୀୟ ସମର୍ଥନ ଖୋଲାଖୋଲି ନଥିଲେ ହେଁ , ବ୍ଲକ୍ ଅଧ୍ୟକ୍ଷ ପଦକୁ ଆଖିଆଗରେ ରଖି ରାଜନୈତିକ ଦଳୀୟ ପ୍ରଚ୍ଛନ ସମର୍ଥନ ବାରିହୋଇ ପଡୁଛି ।  ଟଙ୍କା ଉଠୁଛି । ବିଜଦ , ଭାଜପା , କଂଗ୍ରେସ ପ୍ରାର୍ଥୀମାନେ କ୍ରମାନ୍ୱୟରେ ଅଧିକ , ମଧ୍ୟମ ଓ କମ୍ ଅର୍ଥ ଖର୍ଚ୍ଚ କରୁଥିବା ଚର୍ଚ୍ଚା ହେଉଛି । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥାହେଲା , ଏହି ତିନୋଟି ବ୍ଲକ୍ ରେ  ବଡ ବଡନେତା , ସାଂସଦ , ମନ୍ତ୍ରୀ ଓ ବିଧାୟକଙ୍କ ପତିଆରା ପ୍ରସଙ୍ଗ ।  ଭୋଟଗ୍ରହଣ ପୂର୍ବରୁ ଗୁଡଭେଲା ବ୍ଲକ୍ ରେ ମନ୍ତ୍ରୀ ଟୁକୁନୀ ସାହୁ ,  ସାଂସଦ ସଙ୍ଗୀତା କୁମାରୀ ସିଂଦେଓ , ବଲାଙ୍ଗୀର ବିଧାୟକ ନରସିଂହ ମିଶ୍ର , ପୂର୍ବତନ ମନ୍ତ୍ରୀ ଅନଙ୍ଗ ଉଦୟ ସିଂହଦେଓ , ପୂର୍ବତନ ସାଂସଦ କଳିକେଶ ନାରାୟଣ ସିଂହଦେଓ , ଅର୍କେଶ ନାରାୟଣସିଂଦେଓଙ୍କ ସମେତ ବରିଷ୍ଠ ନେତା ଲକ୍ଷ୍ମଣ ମେହେର ପ୍ରମୁଖ ପ୍ରଚାରରେ ବୁଲିଥିଲେ । ଦେଓଗାଁ ବ୍ଲକ୍ ରେ ଏକଦା ଗୁରୁଚେଲା ଥିବା କଂଗ୍ରେସର ବରିଷ୍ଠନେତା ନରସିଂହ ମିଶ୍ରଙ୍କ ସମର୍ଥକ ଓ ଏବେ ବିଜେଡିକୁ ଆସି ବ୍ଲକ୍ ଅଧ୍ୟକ୍ଷ ଆଶାୟୀ ପୂର୍ବତନ ଅଧ୍ୟକ୍ଷ ଲକ୍ଷ୍ମଣ କୁମାର ମେହେରଙ୍କ ମଧ୍ୟରେ ପତିଆରାର କଡା ସଂଘର୍ଷ ହେଉଥିବା ଚର୍ଚ୍ଚାରେ ରହିଛି । ସେହିପରି ଗୁଡଭେଲା ବ୍ଲକ୍ ରେ ପୂର୍ବ ଅଧ୍ୟକ୍ଷ ଅଶୋକ ଦୋରା ଓ ପ୍ରତିଦ୍ଵନ୍ଦୀଙ୍କ ମଧ୍ୟରେ ଯୋର୍ ଦାର୍ ମୁକାବିଲା ହେଉଛି । ସଦରବ୍ଲକ୍ ର ଭାଗ୍ୟରେ ତ୍ରିମୁଖୀ ପ୍ରତିଦ୍ବନ୍ଦିତା ହେଉଛି । 

ଏହି ତିନୋଟି ବ୍ଲକ୍ ର ଜିଲ୍ଲା ପରିଷଦ ସଭ୍ୟମାନଙ୍କ ମଧ୍ୟରେ ତ୍ରିମୁଖୀପ୍ରତିଦ୍ବନ୍ଦିତା ହେଉଛି ଓ ଏଠାକାର ଯୋନ୍ ଗୁଡିକର ପ୍ରାର୍ଥୀମାନଙ୍କ ମଧ୍ୟରେ ଶାସକଦଳର ପ୍ରାର୍ଥୀ ଓ ଅର୍ଥବଳର ମାହୌଲ୍ ଆଶାଜନକ ରହିଥିବା କୁହାଯାଇଛି । ସରପଞ୍ଚପ୍ରାର୍ଥୀଙ୍କ ମଧ୍ୟରେ ନୂତନପ୍ରାର୍ଥୀଙ୍କ ପ୍ରତି ଏଥର ସମର୍ଥନ ବୃଦ୍ଧି ପାଇଥିବା ଲକ୍ଷ୍ୟ କରାଯାଇଛି । ତେବେ ଫଳାଫଳ ବାହାରିବା ପୂର୍ବରୁ କିଛି କହିହେବନାହିଁ  ।