22-Feb-2022

ପଦ୍ମପୁର:-ଆଜିର ଏହି ଚତୁର୍ଥ ପର୍ଯ୍ୟାୟର ମତଦାନ ପ୍ରକ୍ରିୟାରେ ବରଗଡ଼ ଜିଲ୍ଲାରେ କେବଳ ସୋହେଲା ବ୍ଲକରେ ହିଁ ଚାଲିଛି । ତେବେ ସୋହେଲା  ବ୍ଲକରେ ଥିବା ସମସ୍ତ ପଞ୍ଚାୟତର ଭୋଟର ଆଜି ମତଦାନ କରୁଥିବାବେଳେ ସୋହେଲା ବ୍ଲକର ୨୭ ଗୋଟି ପଞ୍ଚାୟତରେ  ୩୮୬ ଗୋଟି ବୁଥର ଆୟୋଜନ କରାଯାଇଛି ।

ଯେଉଁଥିରେ କି ସମୁଦାୟ ୧ ଲକ୍ଷ ୫ ହଜାର ୭୨୮ ଭୋଟର ମତଦାତା ତାଙ୍କ ମତଦାନ ସାବ୍ୟସ୍ତ କରିବେ । ସୋହେଲା ବ୍ଲକର ୩୮୬ ଗୋଟି ବୁଥ ମଧ୍ୟରୁ ୫୮ ଗୋଟି ସମ୍ବେଦନଶୀଳ ବୁଥ ରହିଥିବାରୁ ବ୍ୟାପକ ପୋଲିସ ମୁତୟନ କରାଯିବା ସହିତ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଥିବା ପୋଲିସ ବିଭାଗ ପକ୍ଷରୁ ସୂଚନା ଦିଆଯାଇଛି । ତେବେ ସୋହେଲା ବ୍ଲକର  ବାଉସେନମୁରା ଗାଁରେ ସୁରୁଖୁରୁ ଓ ସୁଚାରୁରୂପେ ଲୋକେ ଭୋଟ ଦେଉଛନ୍ତି  ଏବଂ ଏହି ବୁଥ ରେ ଶାନ୍ତି ଶୃଙ୍ଖଳାର ବାତାବରଣ ଦେଖାଦେଇଛି ।