31-Dec-2021

ବୀରମହାରାଜପୁର// ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଟିକିରାପଡା ଗ୍ରାମର( ହରିଜନ )ଗଣ୍ଡା ପଡାରେ ଗତକାଲି ବିଳମ୍ବିତ ରାତିରେ ଘଟି ଯାଇଛି ଏକ ହତ୍ୟାକାଣ୍ଡ।
ଅଗ୍ନିକୁ ସାକ୍ଷୀ ରଖି ଯାହାକୁ ଜନମ ଜନମର ସାଥିଭାବେ ହାତ ଧରିଥିଲେ ଶେଷରେ ସେ ସାଜିଲା ତାର ହତ୍ୟାକାରୀ । ସାମାନ୍ୟ ପାରିବାରିକ କଳହରୁ ନିଜ ପତ୍ନୀକୁବି ହତ୍ୟା କରିବାକୁ ପଛଘୁଂଚା ଦେଲାନାହିଁ ହତ୍ୟାକାରୀ ସ୍ବାମୀ । ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଟିକିରାପଡାର ହରିଜନ ସାହିରେ ଘଟିଛି ଏଭଳି ଏକ ବିଭତ୍ସ ହତ୍ୟାକାଣ୍ଡ । ଆଉ ହତ୍ୟାକାଣ୍ଡର ଶିକାର ହୋଇଛନ୍ତି ୨୬ ବର୍ଷୀୟ ସୁନିତା ସିଂ କର । ଗତ ଆଠବର୍ଷ ତଳେ ବିନିକା ଥାନା ସିନ୍ଦୁରପୁର ଗାଁର ସୁନିତା ଟିକିରାପଡା ହରିଜନ ସାହୀର ଲକ୍ଷ୍ମଣ ସିଂକୁ ବିବାହ କରିଥିଲେ । ତାଙ୍କର ୨ଟି ପୁତ୍ର ସନ୍ତାନ ମଧ୍ୟ ଅଛନ୍ତି ସେମାନେ ବର୍ତ୍ତମାନ ମା ଛେଉଣ୍ଡ ଓ ବେସାହାରା ହୋଇପଡିଛନ୍ତି । ପୁର୍ବରୁ ଉଭୟ ସ୍ବାମୀ ସ୍ତ୍ରୀଙ୍କ ମଧ୍ୟରେ କଳହ ହେଉଥିଲେବି ପରେ ସମାଧାନ ହୋଇଯାଉଥିଲା । ତେବେ ଗତକାଲି ଉଭୟଙ୍କ ମଧ୍ୟରେ ହୋଇଥିବା ଝଗଡା ଭୟଙ୍କର ରୁପ ନେଇଥିଲା । ଉତ୍ୟକ୍ତ ସ୍ବାମୀ ଲକ୍ଷ୍ମଣ  ପତ୍ନୀ ସୁନିତାକୁ ଏକ ହାତୁଡିରେ ପିଟି ପିଟି ଅତି ନିର୍ମବ ଭାବେ ହତ୍ୟା କରିଥିଲା । ହତ୍ୟାକାରୀ ପୋଲିସ ବୀରମହାରାଜପୁର ଥାନାରେ ଆତ୍ମ ସମର୍ପଣ କରିଛି ।

ସୁନିତାଙ୍କ ବାପଘର ଲୋକ ଏବେ ସୁବଳୟା ଥାନାରେ ଲକ୍ଷ୍ମଣ ଏବଂ ତାଙ୍କ ବାପା ମାଙ୍କ ବିରୁଦ୍ଧରେ ଏକ ମାମଲା ଦାୟର ସହ ଅଭିଯୁକ୍ତମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବୀ କରିଛନ୍ତି ।  ସେପଟେ ସୁବଳୟା ପୋଲିସ ଥାନା ଅଧିକାରୀ ଅନିତା କିଡୋ  ଶବକୁ ଜବତ କରିବା ସହ ଶବ ବ୍ୟବଚ୍ଛେଦ ପାଇଁ ବୀରମହାରାଜପୁର ଉପଖଣ୍ଡ ଡାକ୍ତରଖାନା କୁ ପଠାଇଥିବା ବେଳେ ସୁବଳୟା ପୋଲିସ କେସ ନମ୍ବର ୧୩୫/୨୧ରେ ଏକ ମାମଲା ରୁଜ୍ଜୁ କରି ଅଧିକ ତଦନ୍ତ ଜାରି ରଖିଥିବା କହିଛନ୍ତି