31-Dec-2021

କେନ୍ଦ୍ରାପଡା (ଶିବପ୍ରସାଦ ସେନାପତି) :  ଗତକାଲି କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଳକ୍ ଅନ୍ତର୍ଗତ କୁଦାନଗରୀ ଉଚ୍ଚ ବିଦ୍ୟାଳୟରେ ଏକ ଦିବସୀୟ ପ୍ରାରମ୍ଭିକ ଭାଷା ଓ ସଂଖ୍ୟା ଜ୍ଞାନ କର୍ମ ଶାଳା ଉଦଯାପିତ ହୋଇଯାଇଛି। ଏହି କର୍ମଶାଳା ରେ ପ୍ରାୟ ପାଞ୍ଚଟି କ୍ଲଷ୍ଟର ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀ ମାନେ ଯୋଗଦେଇଥିଲେ। ଏହି କର୍ମଶାଳା ରେ ପ୍ରଥମ ଶ୍ରେଣୀ ରୁ ତୃତୀୟ ଶ୍ରେଣୀ ପର୍ଯ୍ୟନ୍ତ ଛାତ୍ର ଛାତ୍ରୀ ମାନଙ୍କର ଭାଷା ଓ ସଂଖ୍ୟା ଜ୍ଞାନ ର ଦକ୍ଷତା ବୃଦ୍ଧି ସଂପର୍କରେ ଆଲୋଚନା କରାଯାଇଥିଲା। ଏହି କର୍ମଶାଳା ରେ ସଭାପତିତ୍ବ କରିଥିଲେ କୁଦାନଗରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ସତ୍ୟାନନ୍ଦ ବିଶ୍ଵାଳ। ସେ ଶିକ୍ଷକ ମାନଙ୍କର ସମୟନୁବର୍ତିତା, ଦାୟିତ୍ୱବୋଧତା ଓ ସଂକଳ୍ପ ବଦ୍ଧତା ସମ୍ପର୍କରେ ଗୁରୁତ୍ୱାରୋପ କରିଥିଲେ। 

ଏହି କାର୍ଯ୍ୟକ୍ରମରେ ଗରଦପୁର ବ୍ଲକର ତିନି ଅତିରିକ୍ତ ମଣ୍ଡଳ ଶିକ୍ଷା ଅଧିକାରୀ ଶ୍ରୀଯୁକ୍ତ ବଳଦେବ ପ୍ରସାଦ ଉପାଧ୍ୟାୟ, ଶ୍ରୀ ମନୋରଞ୍ଜନ ପଟ୍ଟନାୟକ , ଶ୍ରୀଯୁକ୍ତ ଗତିକୃଷ୍ଣ ଦାସ , ଶ୍ରୀଯୁକ୍ତ ନୃସିଂହ ଚରଣ ସେନାପତି ଓ ପାଞ୍ଚ କ୍ଲଷ୍ଟର ର ସି.ଆର.ସି.ସି. ଯୋଗଦେଇଥିଲେ।
କର୍ମଶାଳା ଶେଷରେ ମଧୁ ଶାସନ କ୍ଲଷ୍ଟର ର ସି.ଆର.ସି.ସି. ଶ୍ରୀଯୁକ୍ତ ସରୋଜ ରଞ୍ଜନ ଦାସ ଧନ୍ୟବାଦ୍ ଅର୍ପଣ କରିଥିଲେ।