31-Dec-2021

ବୀରମହାରାଜପୁର, ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରେ ଘଟଛି ଏଭଳି ଏକ ଘଟଣା । ଦେହ ଅସୁସ୍ଥ ହେବାରୁ ଗତ ୨୮ ତାରିଖରେ ରଥପୁର ମେହେରପଡାର କାର୍ତ୍ତିକ ମହେରଂକୁ(୪୬) ତାଂକ ପରିବାର ଓ ସଂପର୍କୀୟ ବୀରମହାରାଜପୁରକୁ ଆଣିଥିଲେ । ରଥିପଡାରେ ବଙ୍ଗାଳି ଡାକ୍ତର ନାମରେ ପରିଚିତ ପ୍ରତ୍ୟୁଷ ରୟଙ୍କ କ୍ଲିନିକ କୁ ନେଇଥିଲେ । ଡାକ୍ତର ସାଜିଥିବା ପ୍ରତ୍ୟୁଷ ରୟ ସେଠାରେ ପ୍ରାଥମିକ ଚିକିତ୍ସା ସହ କାର୍ତ୍ତିକଂକୁ ଏକ ଇଂଜେକସନ ଦେବାପରେ ଘରକୁ ନେଇଯିବାକୁ କହିଥିଲେ । ତେବେ ପରେ କାର୍ତ୍ତିକଂକ ଅବସ୍ଥା ଖରାପ ହେବାରୁ ପରିବାର ଲୋକ ପୁନର୍ବାର କାର୍ତ୍ତିକଂକୁ ରୟଂକ ପାଖକୁ ଆଣିଥିଲେ । କିନ୍ତୁ ରୟ ସେ ଲେଖିଥିବା ପ୍ରେକ୍ସିସନ ରଖିନେଇ କାର୍ତ୍ତିକଙ୍କୁ ସୋନପୁର ଡାକ୍ତରଖାନାକୁ ନେବାକୁ କହିଥିଲେ । ଏଣୁ ପରିବାର ଲୋକ କାର୍ତ୍ତିକଙ୍କୁ ପ୍ରଥମେ ସୋନପୁର ଓ ପରେ ବୁର୍ଲା ବଡ ମେଡିକାଲକୁ ନେଇଥିଲେ । ସେଠାରେ ଗତକାଲି ରାତିରେ

କାର୍ତ୍ତିକଙ୍କ ମୃତ୍ୟୁ ହୋଇଗଲା । ପ୍ରତ୍ୟୁଷ ରୟଙ୍କ ଭୁଲ ଇଂଜେକସନ ଯୋଗୁଁ କାର୍ତ୍ତିକଙ୍କ ମୃତ୍ୟୁ ହୋଇଥିବା ଅଭିଯୋଗନେଇ ପରିବାର ଲୋକ ଏବେ ପ୍ରତ୍ୟୁଷ ରୟଙ୍କ ଘର ସାମନାରେ ଶବ ରଖି କ୍ଷତିପୁରଣ ଦାବୀ କରିଥିଲେ। ସେପଟେ ନିଜକୁ ଡାକ୍ତର ସଜାଇ ଦିର୍ଘ ବର୍ଷହେଲା ବୀରମହାରାଜପୁରରେ ଚିକିତ୍ସା ଚଳାଇଥିବା ପ୍ରତ୍ୟୁଷ ଉଭୟ ଘର ଓ କ୍ଲିନିକରେ ତାଲାମାରି କୁଆଡେ ଫେରାର ଅଛନ୍ତି । ଖବରପାଇ ବୀରମହାରାଜପୁର ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।ସେହିଭଳି ସୁବଳୟା ଅଞ୍ଚଳରେ ମଧ୍ୟ ଜଣେ ବଙ୍ଗାଳି ଡାକ୍ତର ନିଜ ଚିକିତ୍ସା ଜାରି ରଖିଥିବା ଜଣା ପଡ଼ିଛି।ଆଗକୁ ଏଭଳି ଭୁଲ ଚିକିତ୍ସା ପାଇଁ କାହାର ଜୀବନ ନଯାଉ ସେ ଦିଗରେ ଜିଲ୍ଲା ପ୍ରଶାସନ ଦୃଷ୍ଟି ଦେବା ସହ ନକଲି ଡାକ୍ତର ମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନେବା ପାଇଁ ଜନସାଧାରଣରେ ଦାବି ହୁଏ ।