06-Dec-2021

ସାଲେପୁର: ଆମେ କେଉଁ ବିଛିନ୍ନା ଅଞ୍ଚଳର କଥା କହୁ ନାହୁଁ ଏ ହେଉଛି ଖୋଦ୍ କଟକ ଜିଲ୍ଲା ସାଲେପୁର ଅଞ୍ଚଳର କଥା ।ଶିଶୁଆ ବଜାର ରୁ ଜଗତସିଂହପୁର ଜିଲ୍ଲାକୁ ସଂଯୋଗ କରୁଥିବା ମୁଖ୍ୟ ରାସ୍ତାର ଦୃଶ୍ୟ। ଏହି ରାସ୍ତା ଦେଇ ପ୍ରତିଦିନ ହାଜର ହଜାର ଗାଡି, ସ୍କୁଲ, କଲେଜ ଛାତ୍ରଛାତ୍ରୀ, ବ୍ୟବସାୟୀ, ଆମ୍ବୁଲାନ୍ସ,ଦମକଳ ଓ ନେତା ମାନଙ୍କ ଗାଡି ଯାଉଥିବା ବେଳେ ସେହି ନେତା ମାନଙ୍କ ଆଖି ଆଗରେ ଏହି ରାସ୍ତାର ଦୃଶ୍ୟ କିପରି ଲୁଚି ଯାଉଛି ।ଏବେ ଏହା ସାଧାରଣରେ ଚର୍ଚ୍ଚର ବିଷୟ ପାଲଟିଛି। ଏବେ ଏହି ରାସ୍ତା ଅବହେଳିତ ଅବସ୍ଥାରେ

ମରଣଯନ୍ତା ପାଲଟିଥିବା ବେଳେ ପ୍ରଶାସନିକ ଅଧିକାରୀ ନିଘୋଡ଼ ନିଦରେ ଶୋଇଛନ୍ତି। ରାସ୍ତା ରେ ବଡ଼ ବଡ଼ ଖାଲ ଥିବା ବେଳେ ଏହି ଖାଲରେ ପଡ଼ି ଲୋକ ମାନେ ଗୁରୁତର ଆହତ ମଧ୍ୟ ହୋଇଛନ୍ତି। ଗାଁ ଯୋଡ଼ି ହେଲେ ସହର ଯୋଡ଼ି ହେବ ସହର ଯୋଡ଼ି ହେଲେ ଦେଶ ଯୋଡ଼ି ହେବ କହୁଥିବା ନେତାଙ୍କ ଉଚ୍ଚାରଣ ଓ ରାସ୍ତା ର ରୋଗିଣା ଚିତ୍ରକୁ ଦେଖିଲେ ଯେ କେହି ତାଜୁବ ହେବା ଥୟ। ସାଲେପୁର ଓ କିଶନନଗରର ଉଭୟ ତହସିଲ ପ୍ରଶାସନିକ ଅଧିକାରୀଙ୍କ ମନମୁଖୀ କାର୍ଯ୍ୟ କୁ ରାଜ୍ୟ ସରକାରଙ୍କ ୫- ଟି ଅଧିକାରୀ ତୀକ୍ଷ୍ଣ ନଜର ଦେବା ଦରକାର। ସରକାର ବାଲି ଘାଟରୁ କୋଟି କୋଟି ଟଙ୍କା ରାଜସ୍ବ ଆଦାୟ କରୁଥିବା ବେଳେ କେମିତି ଉକ୍ତ ଅଞ୍ଚଳର ଗମନାଗମନ ଓ ସାଧାରଣ ଲୋକଙ୍କ ନିରାପତ୍ତା ଉପରେ ଏବେ ଏହା ପ୍ରଶ୍ନବାଚୀ ସୃଷ୍ଟି କରିଛି।