21-Nov-2021

ବଲାଙ୍ଗିର (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ସହର ସବୁ ସମୟରେ ବେଆଇନ କାର୍ଯ୍ୟ କଳାପ ରେ ଚର୍ଚ୍ଚା। କେଉଁ ସ୍ଥାନରେ ନକଲି ପାନ,ଗୁଡାଖୁ,ବିଡି, ସିଗାରେଟ,ଗୁଡଖା ତିଆରି କରାଯାଉଥିବା ଦୃଶ୍ୟ ସାମ୍ନା କୁ ଆସେ ତ କେତେବେଳେ ନକଲି ଔଷଧ ତିଆରି ଘଟଣା ସାମ୍ନା କୁ ଆସେ। କିନ୍ତୁ  ସରକାରୀ ଜମି ଜବରଦଖଲ ରେ ମଧ୍ୟ ଏ ସ୍ଥାନ ପ୍ରସିଦ୍ଧ। ଏଠାରେ ଥିବା ଜଙ୍ଗଲ ଗୁଡିକ ମଧ୍ୟ ସୁରକ୍ଷିତ ନାହିଁ। ଆଗରୁ ରାଜୁ ଜଙ୍ଗଲ ବହୁ ବିଖ୍ୟାତ ଥିଲା ହେଲେ ଆଜି ସେହି ଜଙ୍ଗଲ ମଧ୍ୟ ନଷ୍ଟ ହୋଇଯାଉଛି। ଏଠାରେ ଫନୀଚର କାରବାର ଚାଲିଥିବା ବେଳେ ବନବିଭାଗ ର ନଜର ବହୁ ଦିନରୁ ଥିଲା । କିନ୍ତୁ କଣ୍ଟାବାଞ୍ଜି ରେଞ୍ଜର ଙ୍କ ଅପରାଗତା ଯୋଗୁଁ ସେସବୁ ସଫଳ ହୋଇ ପାରୁନଥିଲା ।  ମଝି ମଝିରେ ଛୋଟ ଛୋଟ କାଠ ବେପାରୀଙ୍କୁ ଧରି   ବାହୋସ୍ପଟ ମାରୁଥିଲେ କଣ୍ଟାବାଞ୍ଜି ବନ ବିଭାଗ।କିନ୍ତୁ ଏବେ ନୂଆ ଡି ଏଫ୍ ଓ ଯୋଗଦେବା ପରେ କାଠ ମାଫିଆ ମାନଙ୍କ ଦୌରାତ୍ମ କମିବାରେ ଲାଗିଛି। ସୂଚନା ଅନୁସାରେ ରବିବାର ସକାଳୁ ଡିଏଫଓଙ୍କ ନିର୍ଦ୍ଦେଶ କର୍ମେ ମୋବାଇଲ ଷ୍ଟାଫ ସହ ଖପ୍ରାଖୋଲ. ପାଟଣାଗଡ଼,ତୁରେକେଲା, ବଲାଙ୍ଗୀର, ସଇଁତଳା, ବନବିଭାଗ ପକ୍ଷରୁ ୪୫ ଜଣିଆ ଟିମ ଗଠନ କରି କଣ୍ଟାବାଞ୍ଜି ସହରର ବିଭିନ୍ନ ସ୍ଥାନରେ ଚଢାଉ କରି ବିପୁଳ ପରିମାଣର କାଠ ତିଆରି ସାମଗ୍ରୀ ଜବତ କରିଛନ୍ତି। ରେଞ୍ଜର ସାର୍ଦ୍ଧାଦେବ ବନମାଲି କାଠ ମାଫିଆ ଙ୍କ ସହ ସୁସମ୍ପର୍କ ରଖିଥିବା ଯୋଗୁଁ ଏଭଳି ବେଆଇନ କାରବାର ବଢ଼ିଚାଲିଛି ବୋଲି ଜନସାଧାରଣରେ ମତ ପ୍ରକାଶ ପାଇଛି । ଏଥିପ୍ରତି ଜିଲ୍ଲା ଜଙ୍ଗଲ ବିଭାଗ ଅଧିକାରୀ ଦୃଷ୍ଟି ଦେବା ସଙ୍ଗେ ସଙ୍ଗେ କାର୍ଯ୍ୟରତ ଥିବା ରେଞ୍ଜର କୁ ଅନ୍ୟତ୍ର ବଦଳି କରିବା ସହ ଦୋଷୀ ଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।