21-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଳକ ଡେବ୍ରିପାଲି ଗାଁ ନେହେରୁ ସ୍ପୋର୍ଟିଂ କ୍ଳବ ତରଫରୁ ପ୍ରଥମ ବର୍ଷ ଫୁଟବଲ ଟୁର୍ଣ୍ଣାମେଣ୍ଟ ର ଫାଇନାଲ ମ୍ୟାଚ ହୋଇଥିଲା।ତା.୧୨/୧୧/୨୧ ରୁ ଆରମ୍ଭ ହୋଇ ୨୦/୧୧/୨୧ ରେ ଫାଇନାଲ ମ୍ୟାଚ ହୋଇଥିଲା। ଏହି ଫୁଟବଲ ପ୍ରତିଯୋଗିତା ରେ ୧୬ ଟି ଦଳ ଭାଗ ନେଇଥିବା

ବେଳେ ସମସ୍ତ ଙ୍କୁ ପରାଜିତ କରି ବାହାବଲ ଓ ଖୁଟନାପାଣି ମଧ୍ୟରେ ଫାଇନାଲ ମ୍ୟାଚ ହୋଇଥିଲା। ଫାଇନାଲ ରଣରେ ବାହାବଲ ଦଳକୁ ଗୋଟିଏ ଗୋଲ ଦେଇ ଖୁଟନାପାଣୀ ବିଜୟ ହାସଲ କରିଥିଲେ। ଏଥିରେ ମୁଖ୍ୟ ଅତିଥି ଭାବେ ବିଧାୟକ ପ୍ରତିନିଧି ଗଣେଶ କୁମ୍ଭାର ଯୋଗଦେଇ ଖେଳାଳି ମାନଙ୍କୁ ପୁରସ୍କାର ବିତରଣ କରିଥିଲେ। ସମ୍ମାନୀତ ଅତିଥି ଭାବେ ତେତେଲମୁଣ୍ଡା ପଞ୍ଚାୟତ ସମିତି ସଭ୍ୟ ଶୁକ୍ରୁ ସୁନାନୀ, ପୂର୍ବତନ ବ୍ଳକ ଅଧ୍ୟକ୍ଷା ଶ୍ରୀମତୀ ବନୀତା ଖମାରୀ ଯୋଗଦାନ କରି ଖେଳାଳି ମାନଙ୍କୁ ଉତ୍ସାହିତ କରୁଥିଲେ। ଏହି ପ୍ରତିଯୋଗିତାରେ ରାଜେନ୍ଦ୍ର ସେଠ ରେଫରି କାର୍ଯ୍ୟ ତୁଲାଇଥିବା ବେଳେ ତ୍ରିନାଥ ଚନ୍ଦନ ଓ ଚୈତନ୍ୟ ସାହୁ ଅମ୍ପେୟାର ଭାବେ କାର୍ଯ୍ୟ ତୁଲାଇଥିଲେ। ଏହି ଫୁଟବଲ ପ୍ରତିଯୋଗିତା କମିଟି ରେ ଗାଁ ର ଫକିର ଖମାରୀ (ସଭାପତି), ନେତ୍ରାନନ୍ଦ ନାଗ (ସମ୍ପାଦକ), କିଶୋର କୁମାର ବିଶି (କ୍ୟାପଟେନ) ଦାୟିତ୍ଵ ଗ୍ରହଣ କରିଥିବା

ବେଳେ ଶାନ୍ତି ଶୃଙ୍ଖଳା ରକ୍ଷା କରିବା ଦାୟିତ୍ବ ରେ ଲୋକନାଥ ନାଏକ, ଲମ୍ବୋଦର ଭୁଏ, ଗଜାନନ ବିଶି,ଭମର ବର୍ଗେ,ଗଦି ଚନ୍ଦନ, ସୁଦାମ ଭୁଏ ସାମିଲ ହୋଇଥିଲେ। ଆଗାମୀ ଦିନରେ ଆହୁରି ସୁନ୍ଦର ଭାବେ ଖେଳ ପ୍ରତିଯୋଗିତା କରିବାକୁ ଫକିର ଖମାରୀ କହିଛନ୍ତି।