11-Dec-2025

ବଲାଙ୍ଗୀର (ପ୍ରେରଣା ଖବର): ଆସନ୍ତା ଡିସେମ୍ବର ୨୦ ତାରିଖ ରୁ ୨୪ ତାରିଖ ପର୍ଯ୍ୟନ୍ତ ୫ଦିନ ଧରି ଉତ୍ତର ପ୍ରଦେଶର ଅଯୋଧ୍ୟା ଠାରେ ଅନୁଷ୍ଠିତ ଜାତୀୟ ଖୋ ଖୋ ପ୍ରତିଯୋଗିତା ରେ ଭାଗ ନେବା ର ଗୌରବ ଲାଭ କରିଛନ୍ତି ବଲାଙ୍ଗୀରର ଝିଅ ହେମପ୍ରଭା ବାରିକ l ବଲାଙ୍ଗୀର ଟାଉନ୍ ବାଳିକା ଉଚ୍ଚ ବିଦ୍ୟାଳୟର ଦଶମ ଶ୍ରେଣୀର ଛାତ୍ରୀ ହେମପ୍ରଭା ଅଣ୍ଡର-୧୭ ଜାତୀୟ ଖୋ ଖୋ ପ୍ରତିଯୋଗିତାରେ ବଲାଙ୍ଗୀରର କେବଳ ଜଣେ  ଜାତୀୟ ସ୍ତରକୁ ମନୋନୀତ ହୋଇଛନ୍ତି l ଅଯୋଧ୍ୟାର ଡ. ବି. ଆର୍.  ଆମ୍ବେଦକର ରାଜ୍ଯ ବିଦ୍ୟାଳୟ କ୍ରୀଡା ସଂସ୍ଥାନ ରେ ଅନୁଷ୍ଠିତ ହେବାକୁ ଥିବା ଏହି ପ୍ରତିଯୋଗିତାରେ ଓଡିଶାରୁ ୧୨ଜଣ ଖେଳାଳି ଓ ବଲାଙ୍ଗୀରୁ ଜଣେ ହେମପ୍ରଭା ମନୋନୀତ ହୋଇଛନ୍ତି l ଏହି ସମସ୍ତ ଖେଳାଳି ଓଡ଼ିଶା କୋଚ୍ ଦାୟିତ୍ଵରେ ଥିବା ସସ୍ମିତା ପୃଷ୍ଟି ଙ୍କ ନେତୃତ୍ଵରେ ଅଯୋଧ୍ୟା ଯିବେ l ଏହି ଅବସରରେ ଆଜି ବଲାଙ୍ଗୀର ଟାଉନ୍ ବାଳିକା ଉଚ୍ଚ ବିଦ୍ୟାଳୟ ପରିସରରେ ହେମପ୍ରଭାଙ୍କୁ ସ୍କୁଲର ପ୍ରଧାନ ଶିକ୍ଷକ ନରେନ୍ଦ୍ରନାଥ ମିଶ୍ରଙ୍କ ସମେତ ସ୍କୁଲର ପି ଇଟି ସୂଜାତା ମଲ୍ଲିକ, ସହକାରୀ ଶିକ୍ଷକ କୃଷ୍ଣଚନ୍ଦ୍ର ବାଗ ଏବଂ ସତ୍ୟାନନ୍ଦ ବିଶ୍ଵାଳ ଫୁଲତୋଡା ଦେଇ ଅଭିନନ୍ଦନ ଜଣାଇଛନ୍ତି l