21-Nov-2021

ବେଲପଡ଼ା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଳକ ଅନ୍ତର୍ଗତ କାନୁଟ ଗ୍ରାମ ସହୀଦ ଭଗତ ସିଂହ ପାଠାଗାର ପକ୍ଷରୁ ୫୦ ତମ ଫୁଟବଲ ଟୁର୍ଣ୍ଣାମେଣ୍ଟ ର ସେମି ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଅଛି। ସୂଚନାଯୋଗ୍ୟ ଯେ ଗତ ତା.୧୦.୧୧.୨୧ ରୁ ଆରମ୍ଭ ହୋଇଥିବା ବେଳେ ୨୪ ଟି ଦଳ ଅଂଶଗ୍ରହଣ କରିଥିଲେ ଏବଂ ଆଜି ମଧ୍ୟପୁର ଓ ଦର୍ଲିମୁଣ୍ଡା ସେମି ଫାଇନାଲରେ ପହଞ୍ଚି ଥିଲେ। ମଧ୍ୟପୁର ଓ ଦର୍ଲିମୁଣ୍ଡା ମଧ୍ୟରେ ରୋମାଞ୍ଚକର ଖେଳ ଚାଲିଥିଲା ଓ ପ୍ଳାନ୍ଟିକ ସୁଟଆଉଟ ରେ ଦର୍ଲିମୁଣ୍ଡା ୨.୧ ଗୋଲ୍ ରେ ବିଜୟ ହାସଲ କରିଛି । ଏଥିରେ ମୁଖ୍ୟ ଅତିଥି ଭାବେ ପୂର୍ବତନ ଆଇନ୍ ମନ୍ତ୍ରୀ ତଥା ବଲାଙ୍ଗିର ନିର୍ବାଚନ ମଣ୍ଡଳୀର ବିଧାୟକ ଶ୍ରୀ ଯୁକ୍ତ ନରସିଂହ ମିଶ୍ର ଯୋଗଦାନ କରି କାର୍ଯ୍ୟକୁ ସାଫଲ୍ୟ ମଣ୍ଡିତ କରିଛନ୍ତି। ତାଙ୍କ ସହ ସମ୍ମାନିତ ଅତିଥି ଭାବେ କଂଗ୍ରେସ ବିଧାୟକ ପ୍ରାର୍ଥୀ ରମେଶ ପୁରୋହିତ, କଂଗ୍ରେସ ଦଳର ବ୍ଳକ ସଭାପତି ନରେନ୍ଦ୍ର ମେହେର ସମେତ ଅନେକ କଂଗ୍ରେସ କର୍ମୀ

ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିବା ସହ ଆଗାମୀ ଦିନରେ ଆହୁରି ସୁନ୍ଦର ଭାବେ ଖେଳିବାକୁ ଉପଦେଶ ଦେଇଥିଲେ। ବିନା ସରକାରୀ ସହାୟତାରେ ଦୀର୍ଘ ୫୦ ବର୍ଷ ଧରି କାନୁଟ ଗାଁ ର ଭଗତ ସିଂହ ପାଠାଗାର ଅନୁଷ୍ଠାନ ବେଲପଡା  ବ୍ଳକ ରେ ଫୁଟବଲ ଟୁର୍ଣ୍ଣାମେଣ୍ଟ ଚଲାଇଥିବା

ବେଳେ ଏହା ଏକ ଉଦାହରଣ ସୃଷ୍ଟି କରୁଛି।ଏହା ପ୍ରତି ପ୍ରଶାସନ ପକ୍ଷରୁ କିଛି ଆର୍ଥିକ ସାହାଯ୍ୟ ମିଳିଯାଏ ତେବେ ଆହୁରି ସୁନ୍ଦର ଭାବେ ଖେଳ ହୁଅନ୍ତା ବୋଲି ଅଞ୍ଚଳର ଲୋକେ ଦାବି କରିଛନ୍ତି।ଏଥର ମ୍ୟାଚ କୁ ୫୦ ବର୍ଷ ପୂରଣ ହୋଇଥିବାରୁ ଏହାକୁ ଫୁଟବଲ ଟୁର୍ଣ୍ଣାମେଣ୍ଟ ର ଗୋଲ୍ଡେନ ଜୁବ୍ଳି ଭାବେ ବିବେଚନା କରାଯାଇଛି ବୋଲି ସଭାପତି ଅମୀୟ ପ୍ରଧାନ ଓ ସମ୍ପାଦକ କ୍ଷୀତିସ ନାୟକ ମନ୍ତବ୍ୟ ଦେଇଛନ୍ତି। ଆସନ୍ତା ୨୩/୨୧/୨୧ ମଙ୍ଗଳବାର ଦିନ ଝରଣୀ ଓ ଦର୍ଲିମୁଣ୍ଡା ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି ଜଣାପଡିଛି। ଶେଷ ପର୍ଯ୍ୟାୟରେ କିଏ ବିଜୟୀ ହୋଇ ପ୍ରଥମ ପୁରସ୍କାର ଲାଭ କରିବ ତାହା ଦେଖିବାକୁ ବାକି ରହିଲା।