20-Nov-2021

 ବିନିକା(ହିମାଂଶୁ ଶେଖର ପୁଟେଲ) ଗଞ୍ଜେଇ ଚୋରା ଚାଲାଣ ର ଭୁସର୍ଗ ପାଲଟିଥିବା ସୁବର୍ଣ୍ଣପୁର-ବିନିକା ରାସ୍ତାରେ ଆଜି ଗାଡ଼ି ସହ ୬୨କେଜି ଗଞ୍ଜେଇ ଜବତ ଓ ଡ୍ରାଇଭର କୁ ଗିରଫ କରି କୋଟ ଚାଲାଣ ଘଟଣା ଗଞ୍ଜେଇ ଚୋରା ଚାଲାଣ ରେ ସଂପୃକ୍ତ ବ୍ୟକ୍ତି ଙ୍କ ଠାରେ କୋକୁଆ ଭୟ ସୃଷ୍ଟି କରିଥିବା ଅନୁମାନ କରାଯାଉଛି । ଘଟଣା ରୁ ପ୍ରକାଶ ଯେ କୌଣସି ସୂତ୍ରରୁ ଖବର ପାଇ ଅବକାରୀ ବିଭାଗ ଏସପି ସାମୁଅଲ୍ ଏକା ଙ୍କ ଆଦେଶ କ୍ରମେ ଅବକାରୀ ଇନ୍ସପେକ୍ଟର ରାଧାକାନ୍ତ ବେହେରା ଙ୍କ ତତ୍ତ୍ଵାବଧାନରେ ଅବକାରୀ ଷ୍ଟାଫ ଗୋବର୍ଦ୍ଧନ ରଣା,ସୁଧୀର କୁମାର ମିଶ୍ର,କେଶବ ଧରୁଆ,ପ୍ରଶାନ୍ତ କୁମାର ପରିଡ଼ା, ପୃଥିୀରାଜ କୁଁଅର,ପିଣ୍ଟୁ ସାହୁ,ମମତା ବାଗ ପ୍ରମୁଖ

ବିନିକା ମୁଖ୍ୟରାସ୍ତାର କର୍ତ୍ତଙ୍ଗ ଛକ ନିକଟରେ  ଲୁଚି ରହିଥିଲେ । ଠିକ ସେହି ସମୟରେ ବୋଲେରୋ CG-O7 8929 ନାମକ ଏକ ଗାଡ଼ି ଆସୁଥିବା ବେଳେ ହଠାତ ଗାଡ଼ିକୁ ଲୁଚିଥିବା ଅବକାରୀ ଷ୍ଟାଫ ଅଟକାଇ ଯାଞ୍ଚ କରିଥିଲେ । ଯାଞ୍ଚ ପରେ ଗାଡିରୁ ୬୨କେଜି ଗଞ୍ଜେଇ ବାହାରିଥିଲା ।ଡ୍ରାଇଭର ବୌଦ୍ଧ ଜିଲ୍ଲା ବହିରା ଵାଉଁଶୁଣି ଗ୍ରାମର ସଞ୍ଜିତ ବାଦି(୨୮) ଙ୍କୁ ଗିରଫ କରାଯାଇ କୋଟ ଚାଲାଣ କରାଯାଇଥିବା ବେଳେ ଗାଡ଼ି ଓ ଗଞ୍ଜେଇ କୁ ଜବତ କରାଯାଇଛି ।