17-Nov-2021

ନୟାଗଡ଼, (ପ୍ରଦୀପ କୁମାର ପଣ୍ଡା) ବୃଦ୍ଧାଙ୍କର ସାହାରା ପାଲଟିଛି ଅନନ୍ୟା ଫାଉଣ୍ଡେସନ । ନୟାଗଡ଼ ଘଡୁଆଳ ପଞ୍ଚାୟତ ର ବଡ ଘଡୁଆଳ ର ସୁଲେଇ ପାତ୍ର । ବୟସ ୮୫ ଛୁଇଁଲାଣି । ଠିକ୍ ସେ ଚାଲି ବି ପାରୁନାହାନ୍ତି , ପନ୍ଦର ବର୍ଷ ତଳୁ ସ୍ୱାମୀ ଙ୍କର ବିୟୋଗ ହୋଇଯାଇଛି । ଏକ ପରିତ୍ୟକ୍ତ ଘରେ ପଡି ରହିଛନ୍ତି ସୁଲେଇ ପାତ୍ର । ତିନି ପୁଅ ଥାଉଥାଉ ବୃଦ୍ଧାବସ୍ଥା ରେ ଜନ୍ମଦାତ୍ରୀ ମା’ କୁ ପର କରି ଦେଇଛନ୍ତି । ପଡ଼ୋଶୀ କିଛି ଖାଇବାକୁ ଦେଲେ ସେତିକି ରେ ସନ୍ତୁଷ୍ଟ ହୁଅନ୍ତି । ସ୍ଥାନୀୟ ତଥା ଜିଲ୍ଲା ପ୍ରଶାସନ ସୁଲେଇ ଙ୍କ ଦୁଃଖ ବୁଝିବା ତଥା ତାଙ୍କ ସୁଯୋଗ୍ୟ ସନ୍ତାନ ଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନେବାପାଇଁ ସାଧାରଣରେ ଦାବୀ ହେଉଛି | ଏ ସମ୍ପର୍କରେ ଖବର ପାଇ ଅନନ୍ୟା ଫାଉଣ୍ଡେସନ ପହଞ୍ଚି ଥିଲା ସୁଲେଇ ପାତ୍ରଙ୍କ ପାଖରେ । ଭେଟି ସାରିବା ପରେ ତାଙ୍କ ସମ୍ପର୍କରେ ସବୁ ବୁଝି ସାରି ସମସ୍ତ  ସହଯୋଗ କରିବ ବୋଲି ପ୍ରତିଶ୍ରୁତି ଦେବା ସହ ପ୍ରତିଦିନ ରନ୍ଧା ଖାଦ୍ୟ ସୁଲେଇଙ୍କ ପାଖରେ ପହଞ୍ଚାଉଛି । ଫାଉଣ୍ଡେସନ ର ଏହି କାର୍ଯ୍ୟ କୁ ଗ୍ରାମବାସୀ ପ୍ରଶଂସା କରିଛନ୍ତି।