18-Nov-2021

ବରଗଡ/ପଦ୍ମପୁର (ନିରଞ୍ଜନ ତ୍ରିପାଠୀ) : :-ବରଗଡ ର ଛାତ୍ର ଶ୍ରୀ ସନ୍ତୋଷ ସୈାରଭ ସାହୁ ରାଷ୍ଟ୍ରୀୟ ବିଜ୍ଞାନ ଶିକ୍ଷା ଓ ଅନୁସନ୍ଧାନ ସଂସ୍ଥାନରେ ଅଧ୍ୟୟନରତ ମଧ୍ୟରେ ଭାରତ ସରକାରଙ୍କ ପରମାଣୁ ଶକ୍ତି ବିଭାଗ ପକ୍ଷରୁ ଆୟୋଜିତ କୋଭିଡ ନିୟନ୍ତ୍ରଣ ରେ ପ୍ଳାଜମା ଓ ଲେଜର୍ ର ପ୍ରୟୋଗ ଶୀର୍ଷକ ଗବେଷଣାତ୍ମକ ନିବନ୍ଧ ପ୍ରତିଯୋଗିତାରେ ଶ୍ରେଷ୍ଠ ୧୦ ଜଣଙ୍କ ମଧ୍ୟରେ ସ୍ଥାନୀତ ହୋଇ ବରଗଡ ଜିଲ୍ଲା ପାଇଁ ଗୋୖରବ ଆଣିବାରେ ସହାୟ ହୋଇ ପାରିଛନ୍ତି  l ତାଙ୍କ ସଫଳତା ପଛରେ ମାଆବାପା, ଗୁରୁଜନଙ୍କ ଆଶ୍ରିର୍ବାଦ ରହିଛି l  ପ୍ରତିଯୋଗିତାରେ ଅଂଶଗ୍ରହଣ କରି   ରାଷ୍ଟ୍ରୀୟ ବିଜ୍ଞାନ ଶିକ୍ଷା ଓ ଅନୁସନ୍ଧାନ ସ°ସ୍ଥାନ ଏଥିପାଇଁ ତାଙ୍କୁ ପରମାଣୁ ଶକ୍ତି ବିଭାଗ ତରଫରୁ ଦଶ ହଜାର ଟଙ୍କା ପୁରସ୍କାର ସ୍ଵରୂପ ପ୍ରଦାନ କରିବେ।ତାଙ୍କର ଉକ୍ତ ସଫଳତା ପାଇଁ ନାଇଜର ର କୁଳପତି ଡକ୍ଟର ଅଭୟ କୁମାର ନାୟକ, ନିର୍ଦ୍ଦେଶକ ଡକ୍ଟର ସୁଧାକର ପଣ୍ଡା,ଡିନ୍ ଡକ୍ଟର ପ୍ରଣୟ ସ୍ଵାଇଁ ଓ ମାର୍ଗ ଦର୍ଶକ ଡକ୍ଟର ଶୁଭଙ୍କର ବେଦାନ୍ତ ତଥା ଅନ୍ୟ ଅଧ୍ୟାପକ ବୃନ୍ଦ ଅଭିନନ୍ଦନ ଜ୍ଞାପନ କରିଛନ୍ତି। ସୂଚନାଯୋଗ୍ୟ ଯେ ଶ୍ରୀମାନ ସାହୁ ପୂର୍ବରୁ ପ୍ରଧାନମନ୍ତ୍ରୀ ଙ୍କ ପ୍ରମାଣ ପତ୍ର ସହ କେତେକ ଜାତୀୟ ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରି ଅନେକ ଥର ପୁରସ୍କୃତ ହୋଇଛନ୍ତି। ଶ୍ରୀ ସାହୁ ବରଗଡ଼ ନିବାସୀ  ଶିଶୁ ସାହିତ୍ୟିକ ଡକ୍ଟର ରବିନାରାୟଣ ସାହୁ ଓ ଜର୍ଜ ହାଇସ୍କୁଲ ର ଶିକ୍ଷୟିତ୍ରୀ ବୀଣାପାଣି ସାହୁଙ୍କ ଏକମାତ୍ର ପୁତ୍ର l