16-Nov-2021

ଧର୍ମଗଡ଼ (ଜ୍ୟୋତିରଂଜନ ବେମାଲ )
କଳାହାଣ୍ଡି ଜିଲ୍ଲା ସଦର ବ୍ଲକ ଅନ୍ତର୍ଗତ  କୁଟୃଖମାର୍ ଗ୍ରାମ ପଞ୍ଚାୟତ ସଭାଗୃହ ଠାରେ  ଡିଜିଟାଲ ଓ ୱେବ୍ ମିଡିଆ  କଳାହାଣ୍ଡି  ସଂଗଠନ ପକ୍ଷରୁ ଜାତୀୟ ପ୍ରେସ୍ ଦିବସ ପାଳିତ ହୋଇଯାଇଛି । ସଂଗଠନର ସଭାପତି ଶ୍ରୀ ଆଦିତ୍ୟ ପ୍ରସାଦ ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ମାନ୍ୟବର ସିତିକଣ୍ଠ ପ୍ରଧାନ, ମାନ୍ୟବର ସଚିବ, କଳାହାଣ୍ଡି ଜିଲ୍ଲା ଆଇନ ସେବା ପ୍ରାଧିକାରଣ, ସମ୍ମାନିତ ଅତିଥି ଭାବରେ ଶ୍ରୀଧର ପଣ୍ଡା ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ, ଭବାନୀପାଟଣା, ଅନ୍ୟତମ ସମ୍ମାନିତ ଅତିଥି ଶ୍ରୀ  ହୃଷିକେଶ ନାଏକ ବ୍ଳକ ସହଶିକ୍ଷା ଅଧିକାରୀ, ସଂଗ୍ରାମ କେଶରୀ ପାତ୍ର ସାଧାରଣ ସମ୍ପାଦକ, ତୁଳମଣି ନାଗ କାର୍ଯ୍ୟକାରୀ ସଭାପତି ପ୍ରମୁଖ ମଞ୍ଚାସିନ ହୋଇ ନିଜ ନିଜ ବକ୍ତବ୍ୟରେ କଳାହାଣ୍ଡି ଜିଲ୍ଲାର ବିକାଶରେ ସାମ୍ବାଦିକ ମାନଙ୍କ ଭୂମିକା,  ଓ୍ବେବ୍ ମିଡିଆକୁ ଗଣ ମାଧ୍ୟମର ମର୍ଯ୍ୟାଦା ପ୍ରଦାନ କରିବା, ସାମ୍ବାଦିକ ବୀମା ପ୍ରଦାନ ରେ ସମସ୍ତ ଓ୍ବେବ୍ ମିଡିଆ କୁ ସାମିଲ୍ କରିବା , ସାମ୍ବାଦିକ ମାନଙ୍କୁ ସ୍ବତନ୍ତ୍ର ସୁବିଧା ସୁଯୋଗ ଦେବା ଆଦି ବିଷୟରେ ମତବ୍ୟକ୍ତ କରିଥିଲେ ।  

ଏହି ସଭାରେ ବରିଷ୍ଠ ସାମ୍ବାଦିକ ଶ୍ରୀ  ଖଗେଶ୍ବର ଧଙ୍ଗଡାମାଝୀ ସଭା ପରିଚାଳନା କରିଥିଲେ । ସୋଭିତ୍ ଗାନ୍ଧୀ, ବ୍ୟୋମକେଶ ପୁରୋହିତ, ସୁବାଷ ବାଗ, ମଧୁସୂଦନ ମହାପାତ୍ର,  ବଳବନ୍ତ ନାୟକ,  ଦିଲିପ ଦୁରିଆ ,ଚିତ୍ତରଞ୍ଜନ ନାଏକ ସେତୁରାମ୍ ଭକ୍ତ ,ରଘୁ ମଣି ପୁଝାରୀ ଜୁନାଗଡ ବ୍ଳକ କମିଟି ସଭାପତି,  ଶିବ ପ୍ରସାଦ ମହାରଣା କଲମପୁର ବ୍ଳକ ସଭାପତି, ରାମ କୁମାର ସେନାପତି ଗୋଲାମୁଣ୍ଡା ବ୍ଳକ ସଭାପତି, ସୁଧିର ଗୋପାଳ ଧର୍ମଗଡ ବ୍ଳକ କମିଟି ସଭାପତି ପ୍ରମୁଖ ଜିଲ୍ଲାର କୋଣ ଅନୁକୋଣ ରୁ ଅନେକ ସାମ୍ବାଦିକ ଭାଇମାନେ  ଯୋଗଦାନ କରିଥିଲେ ।