16-Nov-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) : ଆଜି ସୋନପୁର କଲେଜ ସଭାଗୃହ ଠାରେ ଓଡିଶା ସାମ୍ବାଦିକ ସଂଘ ସୁବର୍ଣ୍ଣପୁର ଶାଖା ପକ୍ଷରୁ ୫୬ ତମ ଜାତୀୟ ପ୍ରେସ ଦିବସ ପାଳିତ ହୋଇ ଯାଇଛି l ଏହି ଅବସରରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଅତିରିକ୍ତ  ଜ଼ିଲ୍ଲାପାଳ (ଜେନେରାଲ )  ନିଶି ପୁନମ ମିଞ୍ଜ  ଯୋଗ ଦେଇ  କାର୍ଯ୍ୟକ୍ରମକୁ ଉଦଘାଟନ କରିଥିଲେ  ଏବଂ ସାମ୍ବାଦିକ ମାନେ  ଆମ  ସମାଜର ଦର୍ପଣ   ବୋଲି ମତ ରଖି  କରୋନା  ମହାମାରୀ ବେଳେ ସୁବର୍ଣ୍ଣପୁର  ପବ୍ଲିକ  ଓ ପ୍ରଶାସନ ପାଈଁ  ଗଣମାଧ୍ୟମ ର ନିଷ୍ଠା  ଓ ଉସ୍ସର୍ଗୀକୃତ ସେବା  ପ୍ରଶଂସନୀୟ  ବୋଲି  ଶ୍ରୀମତୀ ମିଞ୍ଜ  ମତ ରଖିଥିଲେ l ଓଡିଶା ସାମ୍ବାଦିକ ସଂଘ ସୁବର୍ଣ୍ଣପୁର ଜିଲ୍ଲା ଶାଖା ତରଫରୁ ଜ଼ିଲ୍ଲା ର ବରିଷ୍ଠ ସାମ୍ବାଦିକ ବିନୟ ରଂଜନ ପ୍ରଧାନଙ୍କୁ  ଏ ମାସ ର ମାସିକ ପେନସନ ପ୍ରଦାନ କରାଯାଇଛି l ସମ୍ମାନିତ ଅତିଥି ଭାବରେ ସୋନପୁର ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ରାଜୀବ ଲୋଚନ ଆଚାର୍ଯ୍ୟ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ, ଅଧ୍ୟାପକ ଉମାକାନ୍ତ ନାଗ,  ଏନ ସି ସିର ଲେଫ୍ଟନାଣ୍ଟ କର୍ଣ୍ଣେଲ ତଥା ସୂଚନା ପ୍ରଯୁକ୍ତି ବିଦ୍ୟା ବିଭାଗ ର ମୁଖ୍ୟ ଆଶିଷ କୁମାର ଅଗ୍ରୱାଲ,ଓଡିଶା ସାମ୍ବାଦିକ ସଂଘ ସୁବର୍ଣ୍ଣପୁର ଜିଲ୍ଲା ଶାଖା ର ସଭାପତି ମନୋରଞ୍ଜନ ତ୍ରିପାଠୀ, ବରିଷ୍ଟ ସାମ୍ବାଦିକ ଦିଲୀପ ପାତ୍ର, ଜାତୀୟ କାର୍ଯ୍ୟକାରିଣୀ ସଦସ୍ୟ ନୀଳକମଳ ମିଶ୍ର, ଜିଲ୍ଲା ସମ୍ପାଦକ ମହାଦେବ ମଲ୍ଲିକ ଯୋଗ ଦେଇ  ପ୍ରେସ ଦିବସ ର  ଲକ୍ଷ୍ୟ ଓ ଉଦ୍ଦେଶ୍ୟ ଉପରେ  ମତ ରଖିଥିଲେ l  ମୁଖ୍ୟ ବକ୍ତା ଭାବେ ଡ. ଜ୍ୟୋତି ରଞ୍ଜନ ବହିଦାର  ଯୋଗ ଦେଇ  ସାମ୍ବାଦିକ ଏକ ଅଦୃଶ୍ୟ ଶକ୍ତି, ଅଭୟା ଠୁ ମମିତା  ଦୁଷ୍କର୍ମ  ଯାଏ  ପ୍ରତ୍ୟକ ସମ୍ବେଦନଶୀଳ ଘଟଣା ର ପର୍ଦାଫାଶ କରି ସମାଜ ରେ ଗ୍ରହଣୀୟ  ହୋଇ ପାରିଛି  ବୋଲି ମତ ରଖିଥିଲେ l  ଏବଂ କଳ୍ପନା ବଦଳି ଯାଇ ଥାଏ ହେଲେ ଇତିହାସ କେବେ ବଦଳି ନ

ଥାଏ , ଆଉ  ଗୋଟାଏ ଜାତି ର ସମାଜ ର  ଇତିହାସ ସୃଷ୍ଟି କରେ ଏଇ ଗଣମାଧ୍ୟମ  ବୋଲି  ଡ. ବହିଦାର ମତ ରଖିଥିଲେ l ଏଠାରେ ସାମ୍ବାଦିକ ବିବେକା ନନ୍ଦ ମିଶ୍ର, ରାଜକିଶୋର ତ୍ରିପାଠୀ, ଆର୍ତ୍ତତ୍ରାଣ ପାଣିଗ୍ରାହୀ, ଉଗ୍ରସେନ କର୍ମୀ, ତରଣୀ କୁମାର ମେହେର, ମୁରଲୀ ଧର ସାହୁ, ଧ୍ରୁବରାଜ ମିଶ୍ର, ଶ୍ରୀନିବାସ ଚାନ୍ଦ , ସୁଶାନ୍ତ ପଣ୍ଡା  ପ୍ରମୁଖଙ୍କ ସମେତ ସହର ର ଅନେକ ବୁଦ୍ଧିଜୀବୀ ଓ ମହାବିଦ୍ୟାଳୟ  ର  ଅଧାପକ, ଅଧ୍ୟାପିକା  ଓ ଏନ ସି ସି  ଛାତ୍ର ଛାତ୍ରୀ ମାନେ ମଧ୍ୟ ଯୋଗ ଦେଇଥିଲେ l