11-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ମାତୃ ଦେବ ଭବଃ ପିତୃ ଦେବ ଭବଃ ବୋଲି ଲୋକେ କୁହନ୍ତି। କିନ୍ତୁ ଆଜିକାଲି ସମୟ ରେ ପୁଅ ମାନେ ନିଜ ବାପାମାଆଙ୍କୁ ଦୁଃଖ ଦେବା ସହ ନିର୍ଯାତନା ଦେବା ଦେଖିବାକୁ ମିଳୁଛି। ବେଳେ ବେଳେ ଏମିତି ଦୃଶ୍ୟ ଦେଖିବାକୁ ମିଳୁଛି ଯେ ପୁଅ ପାଲଟି ଯାଉଛି ନର ରାକ୍ଷସ ଯିଏକି ନିଜ ବାପାମାଆଙ୍କୁ ହତ୍ୟା କରିବାକୁ ପଛାଉ ନାହାନ୍ତି। ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା

ବ୍ଳକ ଅନ୍ତର୍ଗତ ଘାଗୁର୍ଲି ଗାଁ ର ବୈକୁଣ୍ଠ ମାଝିକୁ ତାର ମଝିଆ ପୁଅ ତଣ୍ଟିଚିପି ମାରିଦେଇଥିବା ଜଣାପଡିଛି। ବୁଧବାର ଦିନ ରାତି ୭:୦୦ ଟାରେ ବୈକୁଣ୍ଠ ଖାଇପିଇ ସାରି ଘରେ ଶୋଇଥିଲା। ସେହି ସମୟରେ ତାଙ୍କ ମଝିଆ ପୁଅ ମହେଶ୍ୱର ମାଝୀ ପ୍ରଚୁର ମଦ୍ୟପାନ କରି ଆସିଥିଲେ ଏବଂ ଏପରି ଅବସ୍ଥା ଦେଖି ବୈକୁଣ୍ଠ ଏଭଳି ମଦ ପିଇ କ'ଣ ପାଇଁ ତୁ ଉତ୍ପାତ ହେଉଛୁ ବୋଲି ପିତା ହିସାବରେ ଉପଦେଶ ଦେଲେ ଏବଂ ଦୁଇ ଚାରି ପଦ ଗାଳିଗୁଲଜ କଲେ ସେଥିରେ ସେ ଉକ୍ତତ୍ୟ ହୋଇ ବାପାଙ୍କ ତଣ୍ଟିଚିପି ମାରିଦେଇଥିବା ମୃତକଙ୍କ ସ୍ତ୍ରୀ ରାଏମତୀ କହିଛନ୍ତି। ମୃତକଙ୍କ ଚାରି ପୁଅ ମଧ୍ୟରୁ ତିନି ଜଣ ନଥିଲେ ବୋଲି ଏଭଳି କାଣ୍ଡ କରିଥିବା ପରିବାର ଲୋକେ କହିଛନ୍ତି। ପରିବାର ଲୋକେ ଆସି ବେଲପଡା ଥାନା ରେ ଅଭିଯୋଗ କରିବା ପରେ ଆସାମୀ କୁ ବେଲପଡା ପୋଲିସ ଗିରଫ କରି ଆଣିଥିବା ସହ ମୃତ ବ୍ୟକ୍ତିଙ୍କୁ ଶବବ୍ୟବଚ୍ଛେଦ ପାଇଁ ପଠାଯାଇଥିବା ଜଣାପଡିଛି।