02-Nov-2021

ରେଢାଖୋଲ ( ଅନିଲ କୁମାର ପୃଷ୍ଟି )   ସମ୍ବଲପୁର ଜିଲ୍ଲା କୁଚିଣ୍ଡା ଅଞ୍ଚଳକୁ ମଙ୍ଗଳବାର ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗସ୍ତ କରି  ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ହିତାଧିକାରୀଙ୍କୁ ସ୍ମାର୍ଟ ସ୍ୱାସ୍ଥ୍ୟ କାର୍ଡ ବଣ୍ଟନ କରିବା ସହ ବିଭିନ୍ନ ବିକାଶ ମୂଳକ ଯୋଜନା ଉପରେ ଉଦବୋଧନ ଦେଇ ଥିଲେ। ଏହି କାର୍ଯ୍ୟକ୍ରମକୁ ମଧ୍ୟ ରେଢାଖୋଲ ସହର ସ୍ଥିତ କଡମ୍ବ ପଡିଆରେ ପ୍ରଶାସନ ପକ୍ଷରୁ  ଭର୍ଚୁଆଲ ମାଧ୍ୟମରେ ଦେଖା  ଯାଇଥିବା ସହ  ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ସ୍ମାର୍ଟ କାର୍ଡ  ବଣ୍ଟନର ଶୁଭାରମ୍ଭ କରା ଯାଇଥିଲା। ଏହି ପରିପ୍ରେକ୍ଷୀରେ ଆୟୋଜିନ କାର୍ଯ୍ୟକ୍ରମ ରେ ମହିଳା ଓ ଶିଶୁ ବିକାଶ ବିଭାଗ ଉପଦେଷ୍ଟା  ସୁଲୋତା ଦେଓ ମୁଖ୍ୟ ଅତିଥି, ବ୍ଲକ ଉପଦେଷ୍ଟା ଅମରେନ୍ଦ୍ର ଦାସ, ରେଢାଖୋଲ ଉପଜିଲ୍ଲାପାଳ ପବିତ୍ର ବେହେରା, ବିଡ଼ିଓ ପରୀକ୍ଷିତ ସାହୁ, ଜିଲ୍ଲା ପରିଷଦ ପ୍ରଦୀପ ପ୍ରଧାନ, ଏନଏସି ନିର୍ବାହୀ ଅଧିକାରୀ କନିକା ଚକ୍ରବର୍ତ୍ତୀ ପ୍ରମୁଖ  ଉପସ୍ଥିତ ଥିଲେ। ଆଜି ଏହାର ଶୁଭାରମ୍ଭ କରି ପ୍ରଥମ ଦିବସରେ ୧୪୪ ଜଣ ହିତାଧିକାରୀଙ୍କୁ ବିଜୁ  ସ୍ୱାସ୍ଥ୍ୟ କଲ୍ୟାଣ ଯୋଜନାରେ  ସ୍ମାର୍ଟ କାର୍ଡ ବଣ୍ଟନ କରା ଯାଇ ଥିଲା।