02-Nov-2021

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଲକ ଅନ୍ତର୍ଗତ ବିଶାଳପାଲି ସମଲେଶ୍ବରୀ ଏଥେଲେଟିକ ଏସୋସିଏସନ ତରଫରୁ ଚାଲିଥିବା ଦୁଇଦିନିଆ ଫୁଟବଲ ଟୁର୍ଣ୍ଣାମେଣ୍ଟ ୍ର ଫାଇନାଲ ମ୍ୟାଚରେ ମାଁ ମେଟାକାନି ଦଳକୁ ୫-୩ଗୋଲରେ ହରାଇ ସୋନପୁର ରାମଧୁମ କ୍ଲବ ଚମ୍ପିୟାନ ହୋଇଛି l ଅନୁଷ୍ଟିତ ଏହି ଟୁର୍ଣ୍ଣାମେଣ୍ଟରେ ୧୬ଟି ଦଳ ଭାଗ ନେଇଥିଲେ l ମ୍ୟାଚକୁ ମାନ୍ୟବର ପରିବହନ ମନ୍ତ୍ରୀ ପଦ୍ମନାଭ ବେହେରା ଉଦଘାଟନ କରିଥିବା ବେଳେ ଏହି ଅବସରରେ ବିଜେଡ଼ି ନେତା ଅଚ୍ୟୁତ କଣ୍ଟା,ବିଜେଡ଼ି ବ୍ଲକ ସଭାପତି ଦ୍ବାରିକାନାଥ ସାହୁ,ଚାଷୀ ନେତା  ଭୀମସେନ ସାହୁ,ପୂର୍ବତନ ସରପଂଚ ମହେଶ୍ୱର ମହାକୁର,ସ୍ବେଚ୍ଛାସେବୀ ମାନସ ମଲ୍ଲିକ,ଉଲୁଣ୍ଡା ବ୍ଲକ ବିଜେଡ଼ି ସମ୍ପାଦକ ବିହାରିଲାଳ ମିଶ୍ର ପ୍ରମୁଖ ଉପସ୍ଥିତ ଥିଲେ l ଖେଳ ଗୁଡ଼ିକୁ ସଞ୍ଜୀବ ସାହୁ ଓ ତାଙ୍କ ସାଥୀ ପରିଚାଳନା କରିଥିଲେ l ସମଲେଶ୍ଵରୀ କ୍ଳବର ସଭାପତି ଟଙ୍କଧର ମେଲ୍କିଙ୍କ ସଭାପତିତ୍ବରେ ଅନୁଷ୍ଠିତ ପୁରସ୍କାର ବିତରଣି ଉତ୍ସବରେ ବିନିକା ବିଜେଡ଼ି ନଗର ସଭାପତି ସୋମନାଥ ମିଶ୍ର ମୁଖ୍ୟ ଅତିଥି,ସାନିଟେସନ‌ ସୁପର ଭାଇଜର ସନ୍ତୋଷ ବଞ୍ଛୋର ସମ୍ମାନିତ ଅତିଥି ଭାବେ ଯୋଗଦେଇ ବିଜୟୀ,ରନସ ଅପ ଓ ବେଷ୍ଟ ଖେଳାଳିଙ୍କୁ ଟ୍ରଫି ପ୍ରଦାନ କରିଥିଲେ l ଟୁର୍ଣ୍ଣାମେଣ୍ଟ ପରିଚାଳନାରେ ସୁରୁ, ଡଗର,ବିରାଟ,ରବୀନ୍ଦ୍ର,ଟିକେଶ୍ୱର୍,କରୁଣାକର,ଚମରୁ,ସାଧବ ପ୍ରମୁଖଙ୍କ ସମେତ କ୍ଲବର ସମସ୍ତ ସଦସ୍ୟ ସହଯୋଗ କରିଥିଲେ l