02-Nov-2021

ଦେଓଗାଁ, ଭିନ୍ନକ୍ଷମଙ୍କୁ ମରଣାନ୍ତକ ଆକ୍ରମଣଜଣେ ଭିନ୍ନକ୍ଷମକୁ ମରଣାନ୍ତକ ଆକ୍ରମଣ କରାଯାଇଥିବା ବେଳେ ଆକ୍ରମଣକାରୀ ମାନଙ୍କୁ ପୋଲିସ ଏ ପର୍ଯ୍ୟନ୍ତ ଗିରଫ କରି ପାରି ନାହିଁ । ଏପରିକି ଭିନ୍ନକ୍ଷମ ଜଣକ ମାନବାଧିକାର କମିଶନର ଦ୍ୱାରସ୍ଥ ହୋଇଥିଲେ ମଧ୍ୟ ଫଳ ଶୁନ୍ ହୋଇଛି ।  ବଲାଙ୍ଗୀର ଜିଲ୍ଲା ତୁଷୁରା ଥାନ୍ତ ଅନ୍ତର୍ଗତ   ବଡବାହାଲ ଗ୍ରାମର ଏହି ଭିନ୍ନକ୍ଷମ ଶିକ୍ଷକ କିଶୋର କୁମାର ସାହୁ(୩୫)ଙ୍କୁ ବାଇକ୍ ରେ ତୁଷୁରା ଯାଉଥିବା ସମୟରେ ଗ୍ରାମର କିଛି ଯୁବକ ମରଣାନ୍ତକ ଆକ୍ରମଣ କରିଥିଲେ ।  ତେବେ ଏ ସଂକ୍ରାନ୍ତରେ ଭିନ୍ନକ୍ଷମ ଶିକ୍ଷକ ଜଣକ ତୁଷରା ଥାନରେ ଲିଖିତ ଅଭିଯୋଗ କରିଥିଲେ । ଏହା ହେଉଛି ଗତ ମେ ମାସର ଘଟଣା । ଆଜକୁ ଦୀର୍ଘ ୬ ମାସ ହେଲା ଏ ଘଟଣାରେ ସଂପୃକ୍ତ ଅପରାଧୀ ମାନଙ୍କୁ ଧରିବାରେ ପୋଲିସ ବିଫଳ ହୋଇଛି । ଭିନ୍ନକ୍ଷମ ଶିକ୍ଷକ ଜଣକ  ପୋଲିସ ଠାରୁ ଆରମ୍ଭ କରି ଜିଲ୍ଲାପାଳ ଏପରିକି ମାନବାଧିକାର କମିଶନଙ୍କ ଦ୍ୱାରସ୍ଥ ହୋ ସାରିଲେଣି । କୁଆଡେ ପୋଲିସ ଅପରାଧୀ ମାନଙ୍କୁ ଘଣ୍ଟ ଘୋଡାଉ ଥିବା ଅଭିଯୋଗ ହେଉଛି । ତେଣୁ ବଲାଙ୍ଗୀର ଜିଲ୍ଲା ପ୍ରଶାସନ ଭିନ୍ନକ୍ଷମ କିଶୋରଙ୍କୁ ନ୍ୟାୟ ପ୍ରଦାନ କରିବା ପାଇଁ ଦାବି ହେଉଛି ।