24-Oct-2021

ବିନିକା(ହିମାଂଶୁ ଶେଖର ପୁଟେଲ): ସୁମଧୁର କଣ୍ଠର ଗୀତ ଆଉ ଶୁଭୁନାହିଁ କି ରିଂ ଝିମ କରୁଥିବା ଗୀତାର ବାଦକ ବାଜୁ ନାହିଁ l ସବୁଦିନ ପାଇଁ ନିରବୀ ଯାଇଥିବା ଗୀତ ଓ ଗୀତାର ଶବ୍ଧ ସତରେ କଣ ଅଫେରା ରାଇଜରେ ବାଜି ଉଠିବ l ଯେଉଁ ରାଇଜରୁ କିଏ କେବେ ବି ଫେରିପାରେ ନାହିଁ l ଜନ୍ମ ହେଲେ ତ ମୃତ୍ୟୁ ନିଶ୍ଚିତ କିନ୍ତୁ ଭଗବାନଙ୍କ ବିଚିତ୍ର ଲୀଳା ଏତେ କମ ସମୟରେ ଧରାପୃଷ୍ଠରେ ଜନ୍ମ ନେଇ ଲୋକଙ୍କ ସେବା ପାଇଁ ଶିକ୍ଷା କ୍ଷେତ୍ରରେ ନିଜ ଜନ୍ମମାଟିକୁ ଛାଡି ବହୁ ଦୂର ଯାଇ ପ୍ରସ୍ତୁତ ହେଉଥିବା ଅଭିଜିତ ମାରାତ୍ମକ ଡେଙ୍ଗୁ ରୋଗରେ ଆକ୍ରାନ୍ତ ହୋଇ ସବୁଦିନ ପାଇଁ ଆମଠାରୁ ବିଦାୟ ନେଇଛନ୍ତି ସତ କିନ୍ତୁ ତାଙ୍କର ପ୍ରତିଭା ଅମର ହୋଇ ରହିବ l ତାଙ୍କରି ସମ୍ପର୍କରେ ଆସିଥିବା ବ୍ୟକ୍ତି ବିଶେଷ,ଗୀତ ଓ ବାଦକ ରେ ମୋହିତ ହେଉଥିବା କଳାପ୍ରେମୀ ଏବଂ ଜ୍ଞାନ ଆହରଣର ପ୍ରତିଯୋଗୀତା ରେ ସାମିଲ ହୋଇଥିବା ଶିକ୍ଷାର୍ଥୀ,ବନ୍ଧୁ ବାନ୍ଧବ,ପାଖ ପୋଡଶୀ ମହଲରେ ସେ ଥିଲା ପରି ଲାଗୁଛି, କଣ୍ଠରୁ ଶୁଭୁ ଥିବା ଗୀତ ଏବଂ ରିମ୍ ଝିମ୍ ବାଦକ ବାଜିଲା ପରି ଶୁଭୁଛି l ପୁଣି ଏଠି ସେଠି ଦେଖିଲା ଭଳି ଲାଗୁଛି l  ତାହା ସ୍ବପ୍ନ କିଛି ଦିନ ପରେ ସମସ୍ତଙ୍କ ପରିଚିତ ଅଭିଜିତ ଆଉ ମନେ ପଡିବନି କିନ୍ତୁ ଦୁନିଆ ପାଇଁ କିଛି ଦାୟିତ୍ଵ ନିଭାଇବା ବୟସରେ ଭଗବାନ ତାକୁ ଯେଉଁ ଅଲଗା ରଖିଲେ ପରିବାର ଓ ବନ୍ଧୁ ବର୍ଗଙ୍କୁ କଷ୍ଠ ସହିବାକୁ ବରଦାନ ଦେଇଚ୍ଛନ୍ତି କି ବୋଲି ମନରେ ଉଙ୍କି ମାରୁଛି ? ତେବେ ସେ ଯାହା ବି ହେଉ ସମସ୍ତଙ୍କର ଆଦରଣୀୟ ଓ ଖୁବ ଅଳ୍ପ ସମୟରେ ବିଭିନ୍ନ କାର୍ଯ୍ୟକ୍ରମରେ ଭାଗ ନେଇ ଜନମାନସରେ ପରିଚିତ ସ୍ବର୍ଗତ ଅଭିଜିତ ପୂଜାହାରୀ ଙ୍କ ଆତ୍ମାର ସଦଗତି  ହେଉ ଏତିକି ଭଗବାନ ଙ୍କ ପ୍ରାର୍ଥନା ବୋଲି ଲୋକଙ୍କ ମୁଖରୁ ଶୁଣିବାକୁ ମିଳୁଛି l ତେବେ    ବିନିକା ଅଞ୍ଚଳର ଏହି ପ୍ରତିଭାବାନ କଣ୍ଠଶିଳ୍ପୀ, ଗୀତାର ବାଦକ,କବି ତଥା ମେଧାବୀ ଛାତ୍ର ଅଭିଜିତ ପୂଜାହାରୀଙ୍କ ଦ୍ୱାଦଶାହ ଦିନରେ ସ୍ଥାନୀୟ ଚନ୍ଦ୍ରମା ହୋଟେଲ କକ୍ଷରେ ରୁମକୁ ଝୁମାନା ତରଫରୁ ଏକ ସ୍ମୁତି ସଭା ଅନୁଷ୍ଠିତ ହୋଇଥିଲା l ଅବସରପ୍ରାପ୍ତ ଶିକ୍ଷକ ପ୍ରମୋଦ ପଣ୍ଡାଙ୍କ ସଭାପତିତ୍ବରେ ଅନୁଷ୍ଠିତ ଏହି ସଭାରେ ବ୍ଲକ ଅଧ୍ୟକ୍ଷ ଅଶୋକ ନନ୍ଦ ମୁଖ୍ୟ ଅତିଥି, ଓଡ଼ିଶା ନାଟକ ଏକାଡେମୀ ସଦସ୍ୟ ଶାଶ୍ଵତ ତ୍ରିପାଠୀ,ସରକାରୀ ଓକିଲ ସୁଧାଂଶୁ ଶେଖର ଦାଶ ସମ୍ମାନିତ ଅତିଥି ଭାବେ ଯୋଗଦେଇ ତାଙ୍କର ସ୍ମୁତି ଚାରଣ କରିଥିଲେ l ଅନ୍ୟ ମାନଙ୍କ ମଧ୍ୟରେ କଣ୍ଠଶିଳ୍ପୀ ଧୀରେନ୍ଦ୍ର ନାୟକ,କବି ଆରୁଣି ତ୍ରିପାଠୀ କବିତା ପଠନ କରି ଅଭିଜିତ କୁ  ଶ୍ରଦ୍ଧାଞ୍ଜଳି ଦେଇଥିଲେ l ସେହିପରି ସୌମିତ୍ରି ପତି,ବୃନ୍ଦାବନ ମିଶ୍ର, ଗୀତା ରାଣୀ ସାହୁ,ଦିଲ୍ଲୀପ ସାହୁ,ଦେବାନନ୍ଦ ଦାଶ ପ୍ରମୁଖ ତାଙ୍କର ଜୀବନୀ ଉପରେ ବକ୍ତ୍ୟବ ରଖିଥିଲେ l ସଭାକୁ ଶିକ୍ଷକ ହିମାଂଶୁ ଭୂଷଣ ପଣ୍ଡା ମଞ୍ଚ ପରିଚାଳନା କରିଥିଲେ l