17-Aug-2021

ସୋନପୁର (ମନୋରଞ୍ଜନ ତ୍ରିପାଠୀ): ଆଜି  ସୁବର୍ଣ୍ଣପୁର ସହର ର ବ୍ଲକ ଛକ, ବୁଢା ରଜା ଛକ, କଚେରୀ ଛକ,  ଏସ ପି ଅଫିସ  ଓ  ଜ଼ିଲ୍ଲାପାଳ ଅଫିସ  ରୋଡ଼ ରେ  ସୁବର୍ଣ୍ଣପୁର ଜ଼ିଲ୍ଲା ପ୍ରଶାସନ ଓ ପୌର ପ୍ରଶାସନ ପକ୍ଷରୁ ଗୋ -ସୁରକ୍ଷା ର  ଦ୍ଵିତୀୟ ଦିନ ର 

ମେଗା ଅଭିଯାନ ପ୍ରତିକୂଳ ପାଣିପାଗ ସତ୍ବେ ବି  ଚାଲୁ ରହିଥିଲା   l ଆଜି ପୌର ଅଧିକାରୀ ଶୁଭ୍ରାଂଶୁ ରୁଟ  ଓ  ଜ଼ିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ଵିନୀ କୁମାର ଭୋଇଙ୍କ ନେତୃତ୍ୱରେ ସ୍ୱଚ୍ଛ ଭାରତ, ରକ୍ତ ଦାତା ସଂଘ, ଓ  ବୁଢା ରଜା ସଂଗଠନର ସହଯୋଗରେ ଯୁଦ୍ଧକାଳୀନ ଭିତ୍ତିରେ ଏହି ଅଭିଯାନ ସନ୍ଧ୍ୟା ୬ ଘଣ୍ଟା ରୁ ରାତି ୯ ଟା ଯାଏ  ଜାରି ରହିଥିଲା l ଗତ କାଲି ଏହି ଅଭିଯାନକୁ  ଅତିରିକ୍ତ ଜ଼ିଲ୍ଲାପାଳ ସୂର୍ଯ୍ୟ ନାରାୟଣ ଦାଶ ମୁଖ୍ୟ ଅତିଥି ଭାବେ ଯୋଗ ଦେଇ  ଶୁଭାରମ୍ଭ କରିଥିବା ବେଳେ ସମ୍ମାନିତ ଅତିଥି ଭାବରେ ଉପଜ଼ିଲ୍ଲାପାଳ ନିହାର ରଞ୍ଜନ କହଁର , ପ୍ରାଣୀ ଚିକିତ୍ସାଧିକାରୀ ଡାକ୍ତର   

ରମେଶ ଚନ୍ଦ୍ର ପ୍ରଧାନ,  ଡାକ୍ତର ସୁନୀଲ ମହାପାତ୍ର, ତହସିଲଦାର ନବୀନ ପାଢୀ, ପୌର ଅଧିକାରୀ ଶୁଭ୍ରାଂଶୁ ରୁଟ,  ସୂଚନା ଲୋକସମ୍ପର୍କ ଅଧିକାରୀ ଅଶ୍ଵିନୀ ଭୋଇ  ଯୋଗ ଦେଇ  ପୌର କର୍ମଚାରୀ  ଓ  ବିଭିନ୍ନ  ସ୍ବେଛାସେବୀ ଙ୍କୁ ଉତ୍ସାହିତ କରିଥିଲେ l ଗତ କାଲି  ପ୍ରଥମ ଦିନ ରେ 3 ଗୋଟି ଗାଈ  ଓ ଆଜି  ଦ୍ଵିତୀୟ ଦିନ ରେ ୮ ଗୋଟି   ବୁଲା ଗାଈ ଗୋରୁ ଙ୍କୁ ଧରା ଯାଇ  ସ୍ଥାନୀୟ ପଟାଭାଡ଼ି କୋଲପଡ଼ା ସ୍ଥିତ  କାଞ୍ଜି ହାଉସ  କେୟାର ସେଣ୍ଟର ରେ ଭର୍ତ୍ତି କରା ଯାଇଛି l ଆଜି ଦ୍ଵିତୀୟ ଦିବସ ରେ ଗୋ ପ୍ରେମୀ ତଥା ଜ଼ିଲ୍ଲା  ସୂଚନା ଲୋକ ସମ୍ପର୍କ ଅଧିକାରୀ ଶ୍ରୀ ଭୋଇ ନିଜେ ଖୁବ କୌଶଳ କ୍ରମେ ନିଜେ 5 ଗୋଟି ଗାଈ ଗୋରୁଙ୍କୁ କାବୁ କରି ଏ ଅଭିଯାନ ରେ  ଆକର୍ଷଣ  ପାଲଟିଥିଲେ l ପୌର ପ୍ରଶାସନ ନିର୍ବାହୀ ଅଧିକାରୀ  ରୁଟ, ସୂଚନା ଅଧିକାରୀ  ଶିବ ପ୍ରସାଦ ସାହୁ,  ନୋଡାଲ ଅଫିସର ଅଜିତ ନାଏକଙ୍କ ତତ୍ୱାବଧାନରେ ସମସ୍ତ କାର୍ଯ୍ୟକ୍ରମକୁ ପରିଚାଳନା କରାଯାଇଥିବା ବେଳେ ବିଶିଷ୍ଟ  ସମାଜସେବୀ ଶ୍ରୀ ବତ୍ସ ମଲ୍ଲିକ,ମହିଳା ସ୍ବେଛାସେବୀ ଇନ୍ଦୁ ମତୀ ପୁରୋହିତ,  ବଜରଙ୍ଗ ଦଳ, କେଶରୀଆ ହିନ୍ଦୁ ବାହିନୀ, ଆର ଏସ ଏସ, ସ୍ୱଚ୍ଛ ଭାରତ, ରକ୍ତ ଦାତା ସଂଘ  ରାମଧୁନ କ୍ଲବ, ଚନ୍ଦ୍ରଶେଖର ପାଠାଗାର,ୟୁଥ ଫର ଏକ୍ସନ,  ବୁଢା ରାଜା ୟୁଥ କ୍ଲବ, ସମେତ ସହର ର ପ୍ରମୁଖ ସ୍ବେଛାସେବୀ ସଂଗଠନ ଏହି ମହତ ଅଭିଯାନରେ ପ୍ରଶାସନକୁ ପୂର୍ଣ୍ଣ ସହଯୋଗ କରି ଜନସାଧାରଣଙ୍କୁ ସଚେତନ ମଧ୍ୟ କରିଥିଲେ  l ଏ ଅଭିଯାନକୁ ସଫଳ କରିବା  ପାଇଁ ଗତ ସପ୍ତାହ ରେ ପ୍ରଶାସନ ପକ୍ଷରୁ ସହରର  ବିଭିନ୍ନ ସାମାଜିକ ସଂଗଠନ, ବୁଦ୍ଧିଜୀବୀଙ୍କୁ ନେଇ ଜ଼ିଲ୍ଲାପାଳ, ଏ ଡ଼ି ଏମ, ପୌର ଅଧିକାରୀଙ୍କ ଅଧ୍ୟକ୍ଷତାରେ ବାରମ୍ବାର  ପ୍ରସ୍ତୁତି ବୈଠକ କରାଯାଇଥିବା ବେଳେ ଗତ କାଲି ସହର ପ୍ରାୟ ସମସ୍ତ ୱାର୍ଡ ମାନଙ୍କ ରେ ପ୍ରଶାସନିକ ଅଧିକାରୀ ମାନଙ୍କ ଉପସ୍ଥିତିରେ ୱାର୍ଡ କମିଟି ମାନ ଗଠନ କରାଯାଇଥିଲା l