17-Aug-2021

ସୋନପୁର(ମନୋରଞ୍ଜନ ତ୍ରିପାଠୀ): ସୁବର୍ଣ୍ଣପୁର ଜିଲ୍ଲା ଶିଶୁ ଓ ମାତୃ ସ୍ବାସ୍ଥ୍ୟ କେନ୍ଦ୍ର ରାସ୍ତାକଡରେ ଥିବା ଜବର ଦଖଲକାରୀଙ୍କୁ ଉଛେଦ କରିଛି ଆଜି  ରାଜସ୍ବ ବିଭାଗ  l ଦୀର୍ଘ ଦିନରୁ ଉକ୍ତ ନୂତନ  ସ୍ବାସ୍ଥ୍ୟ କେନ୍ଦ୍ର ରାସ୍ତାର ଉଭୟ ପାର୍ଶ୍ବରେ ଲୋକେ ସରକାରୀ ଜମି ଜବରଦଖଲ କରି ରହି ଆସୁଥିଲେ l  ନୂତନ ଭାବେ  ୧୮ କୋଟି ଟଂକା ବ୍ୟୟ ଅଟକଳରେ ସ୍ବାସ୍ଥ୍ୟ କେନ୍ଦ୍ର ନିର୍ମାଣ ହେବା ପରେ ଉଭୟ ରାଜସ୍ବ ବିଭାଗ ଓ ପୌର ପରିଷଦ ପକ୍ଷରୁ ଜବରଦଖଲକାରୀଙ୍କୁ ସରକାରୀ ଯାଗା ଛାଡି ଦେବା ପାଇଁ  ପୂର୍ଵ ରୁ ବାରମ୍ବାର ସୂଚନା ଦିଆ  ଯାଇଥିଲା   l ହେଲେ ଅମାନିଆଁ ଜବରଦଖଲକାରୀ ମାନେ ରାଜସ୍ବ ବିଭାଗର ତାଗିଦ କୁ ଅବମାନନା କରି ଆସୁଥିଲେ l   ଫଳରେ ଆଜି ରାଜସ୍ବ ବିଭାଗ ଓ ପୌର ପରିଷଦ ପକ୍ଷରୁ ଜବରଦଖଲ କାରୀଙ୍କୁ ଉଛେଦ କରାଯାଉଛି  l ଘଟଣା ସ୍ଥଳରେ ପ୍ରବଳ ଉତ୍ତେଜନା ସୃଷ୍ଟି ଯୋଗୁଁ  ଜିଲ୍ଲା ପୋଲିସ ପକ୍ଷରୁ ଅପ୍ରୀତିକର ପରିସ୍ଥିତିକୁ ଏଡେଇବା ପାଇଁ ବ୍ୟାପକ ପୋଲିସ ମୁତୟନ କରାଯାଇଥିଲା l ପୌର ପରିଷଦର କର୍ମଚାରୀ,  ସଦର ତହସିଲଦାର ନବୀନ ପାଢୀ ଓ  କାର୍ଯ୍ୟାଳୟର ଅନ୍ୟ  କର୍ମଚାରୀଙ୍କ ସମେତ ସ୍ଥାନୀୟ ରାଜସ୍ବ ନୀରିକ୍ଷକ କାର୍ଯ୍ୟାଳୟର କର୍ମଚାରୀଙ୍କ ଉପସ୍ଥିତିରେ ଏହି ଉଛେଦ ଅଭିଯାନ ଚାଲିଥିଲା  । ଜ଼ିଲ୍ଲାର  ଏକ ମାତ୍ର ଶିଳ୍ପାନୁଷ୍ଠାନ  ସୁତାକଳ ଟି ବନ୍ଦ ହେବା ପରେ ଦୀର୍ଘ ବର୍ଷରୁ  ଘର ଓ ଦୋକାନବାଡି କରି ରହି ଆସୁଥିବା ବେସାହାରା ପରିବାର  (ଜବରଦଖଲକାରୀ )ମାନେ ଏବେ  ସହରର ଅନ୍ୟ ଯାଗାରେ ତାଙ୍କୁ ତୁରନ୍ତ  ଥଇଥାନ କରିବା ପାଇଁ ପ୍ରଶାସନ କୁ ଦୃଢ଼  ଦାବୀ କରିଛନ୍ତି  ।ରାଜସ୍ବ ବିଭାଗର ଏହି ଜବରଦଖଲ ଉଛେଦ ଅଭିଯାନର ପ୍ରତିବାଦ କରିବା ସହିତ ଜବରଦଖଲକାରୀମାନେ ପ୍ରଥମେ ତାଙ୍କୁ  ଥଇଥାନ କରିବା ପାଇଁ ଦାବୀ କରିଛନ୍ତି  l ରାଜସ୍ବ ଅଧିକାରୀଙ୍କ ସହିତ ଜବରଦଖଲକାରୀ  ମହିଳା ମାନେ ମଧ୍ୟ  ଯୁକ୍ତିତର୍କ କରୁଥିବା ଦେଖିବାକୁ ମିଳିଥିଲା l   ତେବେ ରାଜସ୍ବ ବିଭାଗ ପକ୍ଷରୁ ଯୋଗ୍ୟ ଜବରଦଖଲକାରୀଙ୍କୁ ଚିହ୍ନଟ

କରି ଯାଗା ମିଶନ ଯୋଜନାରେ ଘରଡିହ  ଓ ପ୍ରଧାନମନ୍ତ୍ରୀ ଆବାସ ଯୋଜନାରେ ପ୍ରଶାସନ ପକ୍ଷରୁ  ଘର ଯୋଗାଇ ଦେବା ପାଇଁ ନିଷ୍ପତ୍ତି ନିଆଯାଇଥିବା ଆଜି  ଜଣା ପଡିଛି  । ନୂତନ ଭାବେ ସ୍ବାସ୍ଥ୍ୟ କେନ୍ଦ୍ରଟି ତିଆରି ହୋଇଥିବା ବେଳେ ଏହା କାର୍ଯ୍ୟକ୍ଷମ ହେଲେ ଗମନାଗମନ ସୁବିଧା ଦୃଷ୍ଟିରୁ ଏହି ଜବରଦଖଲକାରୀଙ୍କୁ ଉଛେଦ କରାଯାଉଥିବା ପୌର ଓ  ରାଜସ୍ବ ବିଭାଗ ସୂଚନା ଦେଇଛି l