06-Jul-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : କେ ବି କେ ଯୁଗ୍ମ ପ୍ରଶାସକ ଶ୍ରୀଯୁକ୍ତ ନୃପରାଜ ସାହୁ ଆଜି ସୁବର୍ଣ୍ଣପୁର ଜିଲ୍ଲା ଗସ୍ତରେ ଆସି ଜିଲ୍ଲାପାଳ ଙ୍କ ସମ୍ମିଳନୀ କକ୍ଷ ରେ ଅନୁଷ୍ଠିତ ସମୀକ୍ଷା ବୈଠକରେ ଜିଲ୍ଲାରେ କେ ବି କେ ଅନୁଦାନ ପ୍ରାପ୍ତ ବିଭିନ୍ନ ପ୍ରକଳ୍ପ ଗୁଡିକର ଅଗ୍ରଗତି ଓ କାର୍ଯ୍ୟକାରିତା ର ସମୀକ୍ଷା କରିଛନ୍ତି l ସେ ଏହି ବୈଠକରେ ଜିଲ୍ଲାରେ କାର୍ଯ୍ୟକାରୀ ହେଉଥିବା ମହାତ୍ମାଗାନ୍ଧୀ ନିଶ୍ଚିତ  କର୍ମନିଯୁକ୍ତି ଯୋଜନା, ଓଡିଶା ମିଶନ ଶକ୍ତି ର କାର୍ଯ୍ୟକାରିତା, ସ୍ୱାସ୍ଥ୍ୟ ବିଭାଗ ଅଧୀନରେ ଚାଲିଥିବା ଜିଲ୍ଲାର ବିଭିନ୍ନ ସି ଏଚ ସି ଓ ପି ଏଚ ସି ସହ ମୁଖ୍ୟ ଡାକ୍ତରଖାନାରେ ନିର୍ମାଣଧୀନ  କୋଠା, ଆନୁସଙ୍ଗିକ ଭିତିଭୂମି, ଗ୍ରାମ୍ୟଞ୍ଚଳରେ ନିର୍ମାଣଧୀନ ପାନୀୟ ଜଳ ଯୋଗାଣ ପ୍ରକଳ୍ପ,କ୍ଷୁଦ୍ର ଜଳ ସେଚନ ବିଭାଗ ର କାର୍ଯ୍ୟକାରିତା, ସହ  ସାମାଜିକ ସୁରକ୍ଷା ବିଭାଗ,  ଜିଲ୍ଲା ମଙ୍ଗଳ ବିଭାଗ, ଜିଲ୍ଲା ଶିକ୍ଷା ବିଭାଗ ପ୍ରଭୁତି ର କାର୍ଯ୍ୟକାରିତା ଉପରେ ବିଭାଗୀୟ ସମ୍ପୃକ୍ତ ଅଧିକାରୀଙ୍କୁ ପଚାରି ବୁଝିଥିଲେ l ବିଭାଗ ଗୁଡିକରେ ଚାଲିଥିବା ପ୍ରକଳ୍ପ ଗୁଡିକୁ ଧାର୍ଯ୍ୟ ସମୟ ମଧ୍ୟରେ ସମାପନ କରିବା ଓ ବିଭାଗୀୟ କାର୍ଯ୍ୟକ୍ରମ ଗୁଡିକୁ ସଫଳତାର ସହ ଲୋକଙ୍କୁ ପହଞ୍ଚାଇବା ନିମନ୍ତେ ଗୃରୁତ୍ବ ଦେବାକୁ ପରାମର୍ଶ ଦେଇଛନ୍ତି lସମୀକ୍ଷା ବୈଠକ ପରେ ଡ଼ଃ ସାହୁ ଜିଲ୍ଲପାଳ ଅଵୋଲୀ ସୁନିଲ ନରୱଣେ ଙ୍କୁ ସୌଜନ୍ୟ ମୂଳକ ସାକ୍ଷାତ କରି ସମ୍ପୃକ୍ତ ବିଭାଗୀୟ ଆଲୋଚନା କରିଥିଲେ l ତତ ପରେ ଡ଼ଃ  ସାହୁ ସୋନପୁର ବ୍ଲକ କାର୍ଯ୍ୟାଳୟ କୁ ଯାଇ ସେଠାରେ ମଧ୍ୟ ବିଭାଗୀୟ କାର୍ଯ୍ୟକାରିତାର ସମୀକ୍ଷା କରିଥିଲେ l ଆଜିର ଏହି ସମୀକ୍ଷା ବୈଠକରେ ଉପ ନିର୍ଦେଶକ ଯୋଜନା ଓ ପରିସଂଖ୍ୟନ, ସୁବର୍ଣ୍ଣପୁର, ଶ୍ରୀ ସୁକାନ୍ତ କୁମାର ଜେନା , ଗ୍ରାମ୍ୟ ଜଳ ଯୋଗାଣ ନିର୍ବାହୀ ଯନ୍ତ୍ରୀ, ବିଭୁ ପ୍ରସାଦ ପଣ୍ଡା, ନିର୍ବାହୀ ଯନ୍ତ୍ରୀ ଏମ ଆଇ-କିଶୋର ଚନ୍ଦ୍ର ଆଚାର୍ଯ୍ୟ, ଇନଚାର୍ଜ ଡ଼ିଏସ ଡବ୍ଲୁ ଓ  ଅନିତା ଗୁରୁ, ଡ଼ି ଇ ଓ ଲକ୍ଷ୍ମଣ ଭୋଇ, ମୁଖ୍ୟ ଚିକିତ୍ସା ଅଧିକାରୀ ଡ଼ଃ ଦିଲୀପ କୁମାର ପଣ୍ଡା, ଡ଼ି ଡବ୍ଲୁ ଓ ପାଲାକା ରବୀନ୍ଦ୍ର, ନିର୍ବାହୀ ଯନ୍ତ୍ରୀ ଆରଡବ୍ଲୁଡ଼ି- ବୈକୁଣ୍ଠ ନାଥ ଷଡ଼ଙ୍ଗୀ, ରୋଶନ ଗାନ୍ଧୀ-ଏଡ଼ି ପ୍ଲାନିଂ, ଦ୍ୟୁଳକଦ୍ୟୁତି ପ୍ରଧାନ -ଏଇ ଏନ.ଏଚ.ଏମ, ସଞ୍ଜୟ କୁମାର ପଣ୍ଡା -ଡେପୁଟି ମ୍ୟାନେଜର ଏନ.ଏଚ.ଏମ, ପ୍ରମୁଖ ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ l