06-Jul-2021

ନୟାଗଡ଼, (ପ୍ରଦୀପ କୁମାର ପଣ୍ଡା): ନୟାଗଡରେ ବହୁଚର୍ଚିତ ବିନିକା ସମ୍ବାଦିକଙ୍କୁ ମାଡ ମାରିବା ଘଟଣା |  ସାମ୍ବାଦିକ ସଂଘର ଆନ୍ଦୋଳନ ଆଜି ସଫଳ ହୋଇଛି | ନକଲି ମଦ ଧରିବା ଘଟଣାରେ ଖବର ସଂଗ୍ରହ ପାଇଁ ଯାଇଥିବା ବରିଷ୍ଠ ସାମ୍ବାଦିକ ବୈଦ୍ୟ ଭୂଷଣ ମହାପାତ୍ର ଏବଂ ଲୋକନାଥ ଦାଶଙ୍କୁ ଏସ ଆଇ ମାଡ ମାରିଥିବା ଅଭିଯୋଗ ହୋଇଥିଲା | ଏସଆଇଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଜିଲ୍ଲା ସାମ୍ବାଦିକ ସଂଘ ଥାନା ଠାରୁ ଆରମ୍ଭ କରି ଜିଲ୍ଲାପାଳଙ୍କ ବାସ ଭବନ ଆଗରେ ଧାରଣା ଦିଆ ଯାଇଥିଲା | ଜିଲ୍ଲାପାଳ ଏସଆଇଙ୍କ ବିରୋଧରେ ଉପରିସ୍ଥ ଅଧିକାରୀଙ୍କୁ ରିପୋର୍ଟ କରିଥିବାରୁ ସଂଘ ପକ୍ଷରୁ ପ୍ରଶାସନକୁ ୭ ଦିନର ମହଲତ ଦିଆଯାଇଥିଲା | ବୁଧବାର ୭ ଦିନିଆ ଅବଧି ଶେଷ ହେବାକୁ ଥିବା ବେଳେ ଆଜି ଅଭିଯୁକ୍ତ ଏସଆଇ ଧନଞ୍ଜୟ ପାତ୍ରଙ୍କୁ ବଦଳି ହୋଇଥିବା 

ଅବକାରୀ ଅଧିକ୍ଷକ ଦିବ୍ୟ କିଶୋର ତଣ୍ଡେଲ ସୂଚନା ଦେଇଛନ୍ତି | ଅଭିଯୁକ୍ତ ଶ୍ରୀ ପାତ୍ରଙ୍କୁ ନୟାଗଡ ଜିଲ୍ଲାରୁ ଗଞ୍ଜାମ ଜିଲ୍ଲାକୁ ବଦଳି କରାଯାଇଛି | ତାଙ୍କ ବଦଳରେ ଇନ୍ସିପେକ୍ଟର ନବସ୍ମିତା ନାୟକଙ୍କୁ ନିଯୁକ୍ତ କରାଯାଇଛି | ଏଇ ଖବର ପାଇଁ ସାମ୍ବାଦିକଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି |ତାଙ୍କ ବିରୋଧରେ ଆହୁରି ମଧ୍ୟ  ଦୃଢ କାର୍ଯ୍ୟାନୁଷ୍ଠାନ ନିଆଯାଇ ପାରିଥାନ୍ତା, କାହିଁକି ତାଙ୍କୁ ଗିରଫ କରାଗଲା ନାହି କେବଳ ବଦଳି କରାଗଲା ଏଇ ନେଇ ବୁଦ୍ଧିଜୀବୀ ମହଲରେ ଚର୍ଚା ଜୋର ଧରିଛି |