02-Jul-2021

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ମହାନଗର ନିଗମ କ୍ଷେତରାଜପୁର, ଚନ୍ଦନନଗର ରେ ରହିଛି ଶ୍ରୀ ବ୍ରହ୍ମମଣ୍ଡପ ପଣ୍ଡିତ ମହାସଭା କାର୍ଯ୍ୟାଳୟ I ତେବେ ଆଜକୁ ଦୀର୍ଘ ୨୦ ବର୍ଷ ହେବ ଏଠାରେ ଶ୍ରୀ ବ୍ରହ୍ମମଣ୍ଡପ ପଣ୍ଡିତ ମହାସଭା ଦ୍ୱାରା ପରିଚାଳିତ ଏକ ଆଶ୍ରମ ଚାଲୁଥିବା ବେଳେ ଏହି ପରିସରରେ ଏବେ ମହାନଗର ନିଗମ ପକ୍ଷରୁ ଅଙ୍ଗନୱାଡି କେନ୍ଦ୍ର ନିର୍ମାଣ କାର୍ଯ୍ୟ ଆରମ୍ଭ ହୋଇଛି I ଏହି ନିର୍ମାଣ କାର୍ଯ୍ୟକୁ ବିରୋଧ କରିଛନ୍ତି ଶ୍ରୀ ବ୍ରହ୍ମମଣ୍ଡପ ପଣ୍ଡିତ ମହାସଭା ର କର୍ମକର୍ତ୍ତା I ଅଙ୍ଗନୱାଡି କେନ୍ଦ୍ର ଅନ୍ୟତ୍ର ନିର୍ମାଣ କରିବାକୁ ସେମାନେ ଜ଼ିଲ୍ଲା ପ୍ରଶାସନ ଠାରେ ନିବେଦନ କରିଛନ୍ତି I ଏହି ମର୍ମ ରେ ଆଜି ଜ଼ିଲ୍ଲାପାଳ ଶୁଭମ ସକସେନା ଙ୍କୁ ଏକ ଦାବି ପତ୍ର ପ୍ରଦାନ କରାଯାଇଛି I ସ୍ୱତନ୍ତ୍ର ଭୁ ଅର୍ଜନ ଅଧିକାରୀ ସରୋଜ ମିଶ୍ର ଏହି ଦାବି ପତ୍ର ଗ୍ରହଣ କରିଥିଲେ I ଏହି ଦାବି ପତ୍ର ପ୍ରଦାନ ସମୟରେ ଶ୍ରୀ ବ୍ରହ୍ମମଣ୍ଡପ ପଣ୍ଡିତ ମହାସଭା ର ସମ୍ପାଦକ ପଣ୍ଡିତ ଚନ୍ଦ୍ରକାନ୍ତ ପାଣିଗ୍ରାହୀ, ପଣ୍ଡିତ ସରିତ କୁମାର ପାଢ଼ୀ , ପଣ୍ଡିତ ରାକେଶ ମିଶ୍ର, ନିରଞ୍ଜନ ପୂଜାହାରୀ, ସୁଜିତ ମିଶ୍ର, ଅରବିନ୍ଦ ନାୟକ, ଧର୍ମେଦ୍ରୀୟ ମିଶ୍ର, ପ୍ରମୁଖ ଉପସ୍ଥିତ ଥିଲେ I