23-Aug-2026

କଟକ,(ତପନ ମହାନ୍ତି ସାମ୍ବାଦିକ ):କେବଳ ବ୍ୟବସାୟ ନୁହେଁ ଲୋକଙ୍କ  ସହିତ ସୁଖ ଦୁଃଖ ର ସାଥୀ ହୋଇ ଆସିଛି ଭାରତ ମସଲା କମ୍ପାନୀ। ସାମାଜିକ  ଦାୟିତ୍ୱବୋଧତାକୁ କମ୍ପାନୀର ଏକ ଅଙ୍ଗ ଭାବେ ଗ୍ରହଣ କରି ଦୈବ ଦୁର୍ବିପାକ ସମୟରେ ଲୋକଙ୍କ ସେବା ପାଈଁ ନିଜର କର୍ତ୍ତବ୍ୟ ସମ୍ପାଦନା କରିଆସୁଛି। ଏହି ପରିପ୍ରେକ୍ଷୀରେ ୪ ଟି ଜିଲ୍ଲାର ବନ୍ୟା ପ୍ରପୀଡିତ ପରିବାରଙ୍କୁ ସାଧ୍ୟମତେ ୧୦,୦୦୦ ପ୍ୟାକେଟ୍ ଶୁଖିଲା ଖାଦ୍ୟ ସାମଗ୍ରୀ ଯୋଗାଇ ଦିଆଯାଇଛି। ଵିଶେଷ କରି କେନ୍ଦ୍ରାପଡ଼ା, ବାଲେଶ୍ୱର, ଯାଜପୁର ଓ ଭଦ୍ରକ ଜିଲ୍ଲାର ବନ୍ୟାରେ ପ୍ରଭାବିତ ହୋଇଥିବା ପରିବାର ଙ୍କୁ ଏହି ଖାଦ୍ୟ ବଣ୍ଟାଯାଇଛି।

ସମ୍ପୃକ୍ତ ଜିଲ୍ଲାର ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ୍‌ଙ୍କ ମାଧ୍ୟମରେ ଏହି ରିଲିଫ୍ ସାମଗ୍ରୀ ବନ୍ୟା ପ୍ରଭାବିତ ବିଭିନ୍ନ ବ୍ଲକ୍‌କୁ ପଠାଯାଇଛି। ବନ୍ୟାରେ ପ୍ରଭାବିତ ପରିବାରଗୁଡ଼ିକ ଯେପରି ଆବଶ୍ୟକ ଖାଦ୍ୟ ସାମଗ୍ରୀ ସମୟୋଚିତ ଭାବେ ପାଇପାରିବେ, ସେଥିପାଇଁ ଜିଲ୍ଲା ପ୍ରଶାସନ ସହ ସମନ୍ୱୟ ରକ୍ଷା କରି ଏହି ସହାୟତା ପ୍ରଦାନ କରାଯାଇଛି। ୧୯୯୯ ମସିହା ମହାବାତ୍ୟା ରେ କମ୍ପାନୀ ସହଯୋଗ ର ହାତ ବଢ଼ାଇ ଏକ ବିରାଟ ଦାୟିତ୍ୱ ସମ୍ପାଦନା କରିଥିବା ବେଳେ ଆଗକୁ ସବୁବେଳେ ଏହି ଧାରା ଅବ୍ୟାହତ ରହିବ ବୋଲି କମ୍ପାନୀର ଅଧ୍ୟକ୍ଷ ଶ୍ରୀଯୁକ୍ତ ସୁରେନ୍ଦ୍ର ନାଥ ପଣ୍ଡା କହିଛନ୍ତି|