27-Jun-2021

ଭୁବନେଶ୍ୱର(ଶୁଭାଶିଷ ନାୟକ): ଦେଶରେ କ୍ରମାଗତ ତେଲ ଦର ବୃଦ୍ଧି ପାଇବାରେ ଲାଗିଛି । ଦର ବଢିବା ଯୋଗୁ ଜନ ଅସନ୍ତୋଷ  ବଢିଚାଲିଥିବା ସତ୍ତ୍ୱେ ଦର ବୃଦ୍ଧିରେ ବିରାମ ଲାଗୁନାହିଁ  । ରବିବାର ପୁଣି ଦେଶରେ ପେଟ୍ରୋଲ ଲିଟର ପିଛା ୩୫ ପଇସା ଓ ଡିଜେଲ ଲିଟର ପିଛା ୨୬ ପଇସା ବୃଦ୍ଧି ପାଇଛି  ।
ଆଜିର ବୃଦ୍ଧି ପରେ ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୯୯ ଟଙ୍କା ଟପିଯାଇଛି  । ଏହି ହାରରେ ବୃଦ୍ଧି ଜାରି ରହିଲେ ଆସନ୍ତା ୨ରୁ ୩ ଦିନ ମଧ୍ୟରେ ଭୁବନେଶ୍ୱରରେ ପେଟ୍ରୋଲ ୧୦୦ ଟପିଯିବ  ବୋଲି ଆଶା କରାଯାଉଛି । 
ଭୁବନେଶ୍ୱରରେ ଆଜି ପେଟ୍ରୋଲ ଲିଟର ପିଛା ରେକର୍ଡ ସ୍ତର ଟ.୯୯.୨୪ ରେ ପହଞ୍ଚିଯାଇଛି  । ସେହିପରି ଡିଜେଲ ଦର ୯୬.୮୮ ରେ ପହଞ୍ଚିଛି  । 
ଭାଟ ଅନୁସାରେ ରାଜ୍ୟର ଅନ୍ୟ ଜିଲ୍ଲାରେ ଦରରେ ତାରତମ୍ୟ ପରିଲକ୍ଷିତ ହେଉଛି  । ସମ୍ବଲପୁରରେ ପେଟ୍ରୋଲ ଟ.୯୯.୮୪ ଓ ଡିଜେଲ ଟ.୯୭.୪୮ରେ ବିକ୍ରି ହେଉଛି  । ମାଲକାନଗିରିରେ ପେଟ୍ରୋଲ ଟ.୧୦୪.୩୧ ଓ ଡିଜେଲ ୧୦୧.୭୯ରେ ବିକ୍ରି ହେଉଛି  । ସେହିପରି ବାଲେଶ୍ୱରରେ ପେଟ୍ରୋଲ ଟ. ୯୯.୨୪ ଓ ଡିଜେଲ ଟ.୯୬.୮୯ରେ ବିକ୍ରି ହେଉଛି  । କୋରାପୁଟରେ ପେଟ୍ରୋଲ ଟ.୧୦୩.୫୫ ଓ ଡିଜେଲ ଟ. ୧୦୧.୦୬ରେ ବିକ୍ରି ହେଉଛି  ।