19-Jun-2021

 ସମ୍ବଲପୁର,(ସଂଜୀବପାଣିଗ୍ରାହୀଙ୍କରିପୋର୍ଟ): କରୋନା ମହାମାରୀ ଯୋଗୁଁ ବସ ସେବା ବ୍ୟାହତ ହେବା ସହିତ ବସ ଚାଳକ, କଣ୍ଡକ୍ଟର ଓ ଶ୍ରମିକମାନଙ୍କ ରୋଜଗାର ବାଟ ବନ୍ଦ ହୋଇଛି I ତେଣୁ, ବସ କର୍ମଚାରୀ ସଂଘ ଶୁକ୍ରବାର ମୁଖ୍ୟମନ୍ତ୍ରୀଙ୍କୁ ଜ଼ିଲ୍ଲାପାଳଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଛି। ସେଥିରେ କୁହାଯାଇଛି ଯେ କରୋନା ମହାମାରୀ ଯୋଗୁଁ ରୋଜଗାର ବନ୍ଦ ହୋଇଯାଇଥିବାରୁ ସେମାନେ ବହୁବିଧ ସମସ୍ୟା ଭୋଗୁଛନ୍ତି । ପରିବାର ଭରଣପୋଷଣରେ ଅସୁବିଧା ହେଉଛି। ଛୁଆପିଲାଙ୍କ ପାଠପଢ଼ା ବ୍ୟାହତ ହୋଇଛି। ତାଲା ବନ୍ଦକୁ ଉଠା ଯାଇଥିଲେ ମଧ୍ୟ ବସ ସେବା ବାତିଲ ରଖାଯାଇଥିବାରୁ ଜୀବନ ଦୁର୍ବିସହହୋଇ ପଡ଼ିଲାଣି। ତେଣୁ ବସ ଚାଳକ, କଣ୍ଟକ୍ଟର ମାନଙ୍କୁ ନିର୍ମାଣ ଶ୍ରମିକର ମାନ୍ୟତା, ବସ ସହାୟକ ମାନଙ୍କୁ ଶ୍ରମିକ ମାନ୍ୟତା, ପରିଚୟ ପତ୍ର ପ୍ରଦାନ, ୬ ମାସର ରାସନ ସାମଗ୍ରୀ ପ୍ରଦାନ, ଛୁଆମାନଙ୍କୁ ମାଗଣା ଶିକ୍ଷା ବ୍ୟବସ୍ଥା, ଆର୍ଥିକ ସହାୟତା ପ୍ରଦାନ କରିବାକୁ ରେଙ୍ଗାଲି ବିଧାୟକ ନାଉରୀ ନାଏକ, ବିଜେପି ଜିଲା ସଭାପତି ଗିରୀଶ ପଟେଲ, ବସ କର୍ମଚାରୀ ସଂଘର ସାଧାରଣ ସମ୍ପାଦକ ସୁବେଶ ମୁଣ୍ଡା, ଉପ ସଭାପତି ଏମଡି ଏକଲାଖ (ସଲିମ), ସହ ସମ୍ପାଦକ ଦେବେନ୍ଦ୍ର ବେହୁରିଆ, ଧର୍ମୁ ପାଢ଼ୀ, ଅମ୍ବର ବୀର ସିଂ,  ପ୍ରଦୀପ ପ୍ରଧାନ, ଚରଣ ରାଉତ, ସନ୍ତୋଷ ସାହୁ, ନୀଳକଣ୍ଠ ପ୍ରଧାନ, ଚତୁର୍ଭୁଜ ସାହୁ, ବିଦ୍ୟାଧର ରାଉତ, ରମେଶ କୁମାର, ରମେଶ ଚନ୍ଦ୍ର ବେହେରା ପ୍ରମୁଖ ଉପସ୍ଥିତ ଥିଲେ I