19-Jun-2021

ସୁବର୍ଣ୍ଣପୁର, ବିନିକା (ପ୍ରେରଣା ଖବର) : ୧୯ ତାରିଖ ଠାରୁ ୨୨ତାରିଖ ପର୍ଯ୍ୟନ୍ତ ସୁବର୍ଣ୍ଣପୁର ଜିଲ୍ଲାର ୧୫ ଗୋଟି ସ୍ଥାନରେ ୪୫ ରୁ ଊର୍ଦ୍ଧ୍ବ ବ୍ୟକ୍ତିଙ୍କୁ ଟୀକାକରଣa: ସୁବର୍ଣ୍ଣପୁର ଜିଲ୍ଲା ପ୍ରଶାସନ ଓ ଜିଲ୍ଲା ସ୍ୱାସ୍ଥ୍ୟ ବିଭାଗ  ତରଫରୁ ଜିଲ୍ଲାରେ କେବଳ  ଦ୍ଵିତୀୟ ଡୋଜ ନେବାକୁ ଥିବା ୪୫ ବର୍ଷ ଓ ତଦୁର୍ଧ୍ୱ ବୟସ୍କ  ଯେଉଁମାନଙ୍କ ପ୍ରଥମ ଡୋଜ ଟୀକା ନେବାର ୮୪ଦିନ ସମ୍ପୂର୍ଣ୍ଣ ହୋଇ ସାରିଥିବ ସେହି ହିତାଧିକାରୀଙ୍କୁ ଜୁନ୍  ୧୯  ରୁ  ୨୨ ତାରିଖ ପର୍ଯ୍ୟନ୍ତ ଜିଲ୍ଲାରେ ବ୍ୟବସ୍ଥିତ ବିଭିନ୍ନ ୧୫ ଗୋଟି ଟୀକାକରଣ କେନ୍ଦ୍ର ଯଥା ବିଭିନ୍ନ ବ୍ଲକ ଅନ୍ତର୍ଗତ ୧୪ ଟୀକାକରଣ କେନ୍ଦ୍ର ସହ ଜିଲ୍ଳା ମୁଖ୍ୟ  ଚିକିତ୍ସାଳୟ ର ଚକ୍ଷୁ ଚିକିତ୍ସାକେନ୍ଦ୍ର ରେ ବ୍ୟବସ୍ଥିତ ଗୋଟିଏ   ଟୀକାକେନ୍ଦ୍ରରେ ଟୀକାପ୍ରଦାନ କରାଯିବ  l 

ଏହି ପରିପ୍ରେକ୍ଷୀରେ ଜୁନ୍ ୧୯ ତାରିଖରେ ବୀରମହାରାଜପୁର ବ୍ଲକର ୧ଟି କେନ୍ଦ୍ର, ବିନିକା ବ୍ଲକର ୨ଟି କେନ୍ଦ୍ର, ଡୁଙ୍ଗୁରିପାଲି ବ୍ଲକ ର ଗୋଟିଏ କେନ୍ଦ୍ର ଓ ତରଭା ବ୍ଲକର ୨ଟି କେନ୍ଦ୍ର, ରେ ଟୀକାକରଣ କରାଯିବ l ପୁନଶ୍ଚ ଜୁନ୍ ୨୧ ତାରିଖରେ  ୮ଟି ବ୍ୟବସ୍ଥିତ ଟୀକାକରଣ କେନ୍ଦ୍ର ଯଥା- ବିନିକା  ବ୍ଲକ ର-୩ଟି କେନ୍ଦ୍ର,ତରଭା ବ୍ଲକ ର-୨ଟିକେନ୍ଦ୍ର, ଡୁଙ୍ଗୁରିପାଲି ବ୍ଲକ ଅନ୍ତର୍ଗତ-୩ଟିକେନ୍ଦ୍ରରେ ଟୀକାକରଣ ଚାଲୁରହିବ l 

ସେହିପରି  ଜୁନ୍ ୧୯, ୨୧  ଓ  ତା ୨୨ ତାରିଖରେ ରେ  ଜିଲ୍ଳା ମୁଖ୍ୟ ଚିକିତ୍ସାଳୟ ର ଚକ୍ଷୁ ଚିକିତ୍ସାକେନ୍ଦ୍ର ଠାରେ ବ୍ୟବସ୍ଥିତ ଟୀକାକରଣ କେନ୍ଦ୍ର ରେ  ଟୀକାକରଣ  ଚାଲୁରହିବ l
ଉକ୍ତ ଦିନ ଗୁଡିକରେ ଟୀକା ର ତତ୍କାଳ ମହଜୁଦ କୁ ଦୃଷ୍ଟିରେ ରଖି ସକାଳ ୮ ଘଣ୍ଟା ରୁ ୯ ଘଣ୍ଟା ମଧ୍ୟରେ ୪୫ ବର୍ଷରୁ ଉର୍ଦ୍ଧ ଙ୍କୁ ପ୍ରଥମ ଡୋଜ ଟୀକାକରଣ ପାଇଁ  ଓ ଯୋଗ୍ୟ ହିତାଧିକାରୀଙ୍କୁ ଦ୍ଵିତୀୟ ଡୋଜ ଟୀକାକରଣ ନିମନ୍ତେ ଟୀକାକେନ୍ଦ୍ର ଠାରେ ବ୍ୟକ୍ତିଗତ ଟୋକନ ପ୍ରଦାନ କରାଯିବ, ଯେଉଁମାନେ ଟୋକନସଂଗ୍ରହ କରିଥିବେ ସେମାନେ  ନିର୍ଦ୍ଧାରିତ ସମୟରେ ଉଦ୍ଧିଷ୍ଟ ଟୀକାକରଣ କେନ୍ଦ୍ରକୁ ପହଂଚି ଟୀକା ଗ୍ରହଣ କରିବେ l ବିନା କୌଣସି ସୂଚନା ରେ ଟୀକାକେନ୍ଦ୍ର କୁ ଯାଇ ହଇରାଣ ନ ହେବା କିମ୍ବା କେନ୍ଦ୍ର ରେ ଅଯଥାରେ ଭିଡ଼ ନ କରିବାକୁ ସ୍ୱାସ୍ଥ୍ୟ ବିଭାଗ ତରଫରୁ ଅନୁରୋଧ କରାଯିବା ସହ ଯେତେବେଳେ ଯାହାର ପାଳି ଆସୁଛି ସେମାନେ କେବଳ କେନ୍ଦ୍ରକୁ ଆସିବାକୁ ପରାମର୍ଶ ଦିଆଯାଉଛି l ଏହି ଟୀକାକରଣ ସକାଳ ୦୮ ରୁ ଅପରାହ୍ନ ୧୨ ଘଂ ଓ ଅପରାହ୍ନ ୦୩ ରୁ ସନ୍ଧ୍ୟା ୦୬ ଘଣ୍ଟା ପର୍ଯ୍ୟନ୍ତ ଚାଲୁ ରହିବ l