14-Jun-2021

ଡୁଙ୍ଗୁରିପାଲିି,(ତୁଳସୀ ପ୍ରସାଦ ଦାସ): ବିଜେପି ପକ୍ଷରୁ ଡୁଙ୍ଗୁରିପାଲି ବ୍ଲକର ଡୁଙ୍ଗୁରିପାଲି, ସହଲା, ତମାମୁରା, ଦିଗସିରା, ଚେରୁପାଲି ପେକ୍ସ ସହିତ ଏସଏଚଜି ଗୁଡିକରେ ଧାନ କିଣୁଥିବା ମଣ୍ଡିକୁ ଭାରତୀୟ ଜନତା ପାର୍ଟୀର ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ଗତ ବିଧାନସଭା ନିର୍ବାଚନରେ ସୋନପୁର ବିଧାନସଭାର ବିଜେପି ପ୍ରାର୍ଥୀ ଅଶୋକ କୁମାର ପୁଜାରୀଙ୍କ ନେତୃତ୍ୱରେ ଏକ ଟିମ ପରିଦର୍ଶନ କରିଥିଲେ ।  ଡୁଙ୍ଗୁରିପାଲି  ପେକ୍ସ କ୍ରୟ କରୁଥିବା ସ୍ଥାନରେ ଓଜନ ମେସିନ ଖରାପ ହୋଇଥିବା ଅଭିଯୋଗ ଆସିଥିବା ବେଳେ ସବୁଠାରୁ ଅଧିକ ଧାନ ସହଲା ପେକ୍ସରେ ରହିଥିଲା । ଏଠାରେ ଥିବା ପେକ୍ସ ସଂପାଦକ ନିତାଇ ପଣ୍ଡା ନିଳମ୍ବିତ ହୋଇଥିବା ବେଳେ  ପ୍ରଦୀପ ପଧାନଙ୍କୁ ଦାୟିତ୍ୱ ପ୍ରଦାନ କରାଯାଇଛି । ତାଙ୍କ ସହିତ ଆଲୋଚନା ବେଳେ ସେଠାରେ ଧାନ ବିକ୍ରୀ ସୁରୁଖୁରୁରେ ଚାଲିଥିବା ପ୍ରକାଶ କରିଥିଲେ । ତମାମୁରା ମଣ୍ଡିରେ  ଗୋଦାମ ଘରେ ଧାନ  ନଥିବା ସଂପାଦକ କହିଥିବା ବେଳେ ବିଭିନ୍ନ ସ୍ଥାନରେ ଥିବା ଧାନ ଉଠୁଥିବା ବେଳେ କିଛି ଚାଷୀ ସମସ୍ୟା ଏଥିରେ ସମସ୍ୟା ରହିଥିବା ଅଭିଯୋଗ କରିଥିଲେ । ଟୋକନ ଲେପ୍ସ, ଅଖାବସ୍ତା, ଜରିବସ୍ତାରେ ଦ୍ୱନ୍ଦ,ଧାନ ଉଠିବାରେ ବିଳମ୍ବ ହେଉଥିବା ଚାଷୀମାନେ ଅଭିଯୋଗ କରିଥିଲେ ।ଏହାର ସମାଧାନ କିପରି କରାଯିବ ସେଥିପାଇଁ ଶ୍ରୀଯୁକ୍ତ ପୁଜାରୀ ଫୋନ ମାଧ୍ୟମରେ ତହସିଲଦାରଙ୍କ ସହିତ ଆଲୋଚନା କରିଥିଲେ ।  ଅନ୍ୟମାନଙ୍କ ମଧ୍ୟରେ ମଣ୍ଡଳ ସଭାପତି ନିତେଇ ପାଲ, ଜିଲ୍ଲା କୃଷକ ସେଲ ସଭାପତି ଶିବ ବେହେରା, ସୁବଳ ପଧାନ, ପର୍ଶୁରାମ ପୁଜାରୀ, ସୁରେଶ ପଧାନ ପ୍ରମୁଖ ସାମିଲ ଥିଲେ ।