31-Jul-2026

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅଞ୍ଚଳ ରେ ଲଗାଣ ବର୍ଷା ଯୋଗୁଁ ବନ୍ୟା ସ୍ଥିତି ଦେଖାଯାଇଛି l ଲଗାଣ ବର୍ଷା ହେତୁ ଚାରିଆଡେ ପାଣି ର ଲହରୀ l ଏହା ଫଳରେ ଲୋକଙ୍କ ଘର ଗୁଡିକ ଭୁଶୁଡି ଯିବାସହ ଖରିଫ ଚାଷ ପାଇଁ ଚାଷୀ ଧାନରୁଆ ଆରମ୍ଭ କରିଥିବା ବେଳେ ବନ୍ୟା  ଜଳ ଯୋଗୁଁ ଧୋଇହୋଇ ବାଲିଚର ହୋଇଯାଇଛି l ଏହି ପରିପ୍ରେକ୍ଷୀ ରେ କଣ୍ଟିପାଲି , ବାଇଗଣ ଖାରି, ତେଲେନ୍ ପାଲି , ଘୁଚେଇପାଲି ଅଞ୍ଚଳ ରେ ଲୋକ ମାନଙ୍କୁ ସ୍କୁଲ , କ୍ଳବ, କମ୍ୟୁନି ଟି କେନ୍ଦ୍ର ରେ ରଖାଯାଇଛି l   ଏହାସହ ବାଞ୍ଜିପାଲି, ଲାଡଶର, ଝାଙ୍କରପାଳି ରେ ବ୍ଲକ ପ୍ରଶାସନ ପକ୍ଷରୁ ରିଲିଫ ବଣ୍ଟନ କରାଯାଇଛି l ଯାହାକି ଜଳ ବନ୍ଦୀ ରୁ ମୁକ୍ତ କରାଯାଇ ଥିବା ପ୍ରଶାସନିକ ସୁତ୍ରରୁ ପ୍ରକାଶ । ଏହିପରିକି ଘୂଚେଇପାଲି ହରିଜନ ପଡ଼ା ର କେତେକ ଲୋକଙ୍କୁ ଜିଲ୍ଲାପରିଷଦ ଅଧ୍ୟକ୍ଷା ଦେବକି ସାହୁ  ଜଳ ପ୍ରବାହିତ ରୁ ଉଦ୍ଧାର କରି ସ୍ଥାନୀୟ ସ୍କୁଲ ରେ ସ୍ଥାନ ଦେଇଥିବା ବେଳେ କଣ୍ଟିପାଲି ଓ ବାଇଗଣଖାରୀ ଅଞ୍ଚଳ କୁ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି ଓ ସ୍ୱାସ୍ଥ୍ୟମନ୍ତ୍ରୀ ଡ଼. ମୁକେଶ ମହାଳିଙ୍ଗ ପହଂଚି ଲୋକଙ୍କୁ ଜଳ ପ୍ରବାହିତ ରୁ ଉଦ୍ଧାର କରି କମ୍ୟୁନିଟି କେନ୍ଦ୍ର ,କ୍ଳବ୍ ମାନଙ୍କ ରେ ରଖାଯାଇ ସରକାରୀ ରିଲିଫ ଖାଦ୍ୟ ବଣ୍ଟନ କରିଥିଲେ l

ଏହାସହ ଗ୍ରାମ ଗୁଡିକୁ ବୁଲି ବନ୍ୟା ସ୍ଥିତି ପରିଦର୍ଶନ କରିଥିଲେ l ଏହିପରି ଛେଲଖାଇ ଜୋର ବ୍ରିଜ ର କୁଳ।ରୀ ନାଲ ପାର୍ଶ୍ଵ ରେ ବନ୍ୟା ଜଳ ଧୋଇହୋଇ ରାସ୍ତା ବିଚ୍ଛିନ୍ନ ହୋଇଯାଇଛି ଯାହାକି ଅଞ୍ଚଳ ର ଲୋକ ଗମନା ଗମନ ରେ ବ୍ୟାପକ ଅସୁବିଧା ର ସମ୍ମୁଖୀନ ହେଉଛି l ସ।ଲେଭଟ୍ଟ। ରୁ ଆଗଲପୁର ରାସ୍ତା ଓ ଆଗଲପୁର ରୁ ନଅଗାଁ (କ) ରାସ୍ତା ବିଚ୍ଛିନ୍ନ ହୋଇଯାଇଛି l ଛୋଟ ବଡ଼ ଘାଇ ଗୁଡ଼ିକ ଶୀଘ୍ର ମରାମତି କରିବା ସହ ବନ୍ୟା ରେ ଲୋକ ଙ୍କ କ୍ଷୟକ୍ଷତି ପୂରଣ ପାଇଁ ଲୋକେ ଦାବୀ କରିଛନ୍ତି l