25-May-2021

କେନ୍ଦ୍ରlପଡା(ପ୍ରେରଣା ଖବର ବ୍ୟୁରୋ): କୋରନାର ପୁଣି ଏକ କରୁଣ କାହାଣୀ ! ବାପା ବାଙ୍ଗାଲୋରରେ ମୃତ୍ୟୁ ହୋଇ ଥିବା ବେଳେ ମା,ଙ୍କର କଟକରେ ମୃତ୍ୟୁ ଖବର ଏବେ ସାରା ଜିଲ୍ଲାକୁ ସ୍ତବ୍ଧ କରିଦେଇଛି । ବାଙ୍ଗାଲୋର ରେ ରହୁଥିବା ଏହି ଯୁବକଙ୍କର ଏକ ଘରୋଇ ହସ୍ପିଟାଲରେ ମୃତ୍ୟୁ ଘଟିଛି । ତାଙ୍କ ମା ଓ ତିନି ପିଲାଙ୍କୁ ତାଙ୍କ ସମ୍ପର୍କୟ ତାଙ୍କୁ ମୃତ୍ୟୁ ଖବର  ନ ଜଣାଇ ଓଡ଼ିଶା ନେଇ ଆସୁ ଥିବା ସମୟରେ ତାଙ୍କ ମାଙ୍କ ଦେହ ଅସୁସ୍ଥ ହୋଇ ପଡିଥିଲା | କଟକ ବଡ ମେଡିକାଲରେ  ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। କାନ୍ଦୁଛନ୍ତି ତାଙ୍କର କୁନିକୁନି ଦୁଇ ଝିଅ ସାଇପ୍ରିୟ -୧୪ ବର୍ଷ,ଶୁଭ ପ୍ରିୟା- ୧୨ ବର୍ଷ ସହିତ ୭ ବର୍ଷର ପୁଅ | କାନ୍ଦୁଛନ୍ତି ତାଙ୍କର ଗାଁରେ ଥିବା ବୃଦ୍ଧ ପିତାମାତା ନିଜର ପୁଅ ବୋହୂ କୁ ହରେଇ ଭାଙ୍ଗି ପଡିଛନ୍ତି, କାନ୍ଦୁଛନ୍ତି ପରିବାର ଲୋକମାନେ। ଯୁବ ବୟସରେ ପରିବାରର ଲୋକଙ୍କ ଠାରୁ  ଛଡାଇନେଇଛି କରୋନା । ଏବେ ସାରା ଗାଁରେ ଶୋକାକୁଳ ପରିବେଶ ।କେନ୍ଦ୍ରାପଡା ଜିଲ୍ଲା ଆଳି ବ୍ଲକ ଚଣ୍ଡିଆଗଡି ପଞ୍ଚାୟତର ବଟ କୃଷ୍ଣ ରଥଙ୍କ ପୁଅ କିଶୋର ରଥ। 

   ତବେ ବାପା ମା ଅନାଥ କରି ଛାଡି ଚାଲି ଯାଇ ଥିବା ୩ ପିଲାଙ୍କୁ ନେଇକି ପରିବାର ଲୋକେ ଚିନ୍ତିତ, ସରକାରୀ ସହାୟତା ପାଇଁ ପରିବାର ଲୋକେ ଦାବି କରିଛନ୍ତି !