20-Oct-2020

କମନ ପିଜି ପ୍ରବେଶିକା ପରୀକ୍ଷା ଟାଇମଲାଇନରେ ସଂଶୋଧନ। ନଭେମ୍ବର 2 ତାରିଖ ସୁଦ୍ଧା ଉତ୍କଳ ବିଶ୍ଵବିଦ୍ୟାଳୟ ସଂଯୋଜନାରେ OCAC ପାଖରେ ଛାତ୍ରଛାତ୍ରୀଙ୍କ ମାର୍କ ଦାଖଲ କରାଯିବ। ନଭେମ୍ବର 5 ତାରିଖ ରାତି 11.45 ସୁଦ୍ଧା ଛାତ୍ରଛାତ୍ରୀ ନିଜ କ୍ୟାରିଅର ମାର୍କ SAMS ପୋର୍ଟାଲରେ ଉପଲୋଡ କରିବେ। ନଭେମ୍ବର 10 ତାରିଖରେ ରାଜ୍ୟବ୍ୟାପୀ ମେରିଟ ଲିଷ୍ଟ ପ୍ରକାଶ ପାଇ 30 ନଭେମ୍ବର ସୁଦ୍ଧା ନାମଲେଖା ପ୍ରକ୍ରିୟା ସରିବ। ଏ ନେଇ ଉଚ୍ଚଶିକ୍ଷା ବିଭାଗର ପର୍ଫୋରମାନ୍ସ ଟ୍ରାକିଂ ସେଲ ଦ୍ୱାରା ସମସ୍ତ ବିଶ୍ୱବିଦ୍ୟାଳୟ ପିଜି କାଉନ୍ସିଲ ଅଧ୍ୟକ୍ଷ, ପରୀକ୍ଷା ନିୟନ୍ତ୍ରକ ଓ ଡିଗ୍ରୀ କଲେଜ ଅଧ୍ୟକ୍ଷଙ୍କୁ ପତ୍ର ଲେଖାଯାଇଛି। ସୂଚନାଯୋଗ୍ୟ ଯେ ଦେଶରେ ଓଡ଼ିଶା ପ୍ରଥମ ରାଜ୍ୟ ଯିଏ ସବୁ ବିଶ୍ୱବିଦ୍ୟାଳୟ ପାଇଁ ଗୋଟାଏ ହି ପ୍ରବେଶିକା ଚଳିତ ବର୍ଷରୁ ଆରମ୍ଭ କରିଛି।