20-Oct-2020

ବରଗଡ଼, ତା୨୦/୧୦/: ଚଳିତ ୨୦୧୯-୨୦ ଶିକ୍ଷାବର୍ଷ ରେ ପ୍ରଥମ ଥର ପାଇଁ ବିପିୟୁଟି ଦ୍ୱାରା ଅନୁଷ୍ଠିତ ନଲେଜ୍ ବେସ୍‌ଡ୍ ଓପନ୍ ବୁକ୍ ଅନ୍‌ଲାଇନ୍ ଇଞ୍ଜିନିୟରିଂ ପରୀକ୍ଷା ରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ୍ ଓ ରିମୋଟ୍ ପ୍ରୋକ୍ଟରିଂ ବେସ୍‌ଡ୍ ମନିଟରିଂ ବ୍ୟବସ୍ଥା ବ୍ୟବହୃତ ହୋଇଥିବାବେଳେ ଏହି ପରୀକ୍ଷାରେ ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଛାତ୍ରଛାତ୍ରୀ ଉତ୍କୃଷ୍ଟ ସଫଳତା ହାସଲ କରିଛନ୍ତି । ଏହି ପରୀକ୍ଷାରେ କମ୍ପ୍ୟୁଟର ସାଇନ୍ସ୍ ଓ ଇଞ୍ଜିନିୟରିଂ ବିଭାଗର ରିଶିତା ପଧାନ ୯.୩୫ ଏସ୍‌ଜିପିଏ ଓ ଇଲେକ୍ଟ୍ରିକାଲ୍ ଏଣ୍ଡ୍ ଇଲେକ୍ଟ୍ରୋନିକ୍ସ୍ ଇଞ୍ଜିନିୟରିଂ ବିଭାଗର ଟ୍ୱିଙ୍କିଲ୍ କୁଷ୍ଟା ୯.୩୫ ଏସ୍‌ଜିପିଏ ମାର୍କ୍ ସହ କଲେଜ ଟପ୍ପର୍ ହୋଇଥିବାବେଳେ ସିଭିଲ୍ ଇଞ୍ଜିନିୟରିଂ ବିଭାଗର ବିନିତା ପଟେଲ୍ ୯.୨୨ ଏସ୍‌ଜିପିଏ, ମେକାନିକାଲ୍ ଇଞ୍ଜିନିୟରିଂ ବିଭାଗର କରନ୍ ଭରାସାଗର ୮.୯୬ ଏସ୍‌ଜିପିଏ ମାର୍କ ରଖି ସମ୍ପୃକ୍ତ ବିଭାଗରେ ପ୍ରଥମ ସ୍ଥାନ ଅଧିକାର କରିଛନ୍ତି ବୋଲି ବିକାଶ ଗ୍ରୁପ୍‌ର ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀଯୁକ୍ତ ଡି.ନାଗେଶ୍ୱର ରାଓ ସୂଚନା ଦେଇଛନ୍ତି । ଅନ୍ୟମାନଙ୍କ ମଧ୍ୟରେ କମ୍ପ୍ୟୁଟର ସାଇନ୍ସ୍ ଓ ଇଞ୍ଜିନିୟରିଂ ବିଭାଗର ଓମ୍‌କାର୍ ନାୟକ ୯.୨୨ ଏସ୍‌ଜିପିଏ, ଆୟୁଷ କୁମାର ଟୁଙ୍ଗୋ ୯.୨୨ ଏସ୍‌ଜିପିଏ, ମାନସୀ ପଣ୍ଡା ୯.୦୯ ଏସ୍‌ଜିପିଏ, ଯଶୋବନ୍ତ ବରିହା ୮.୮୭ ଏସ୍‌ଜିପିଏ, ଗନ୍ନି ସାଇ ଭେଙ୍କଟ ୮.୭ ଏସ୍‌ଜିପିଏ, ପ୍ରିୟଙ୍କା ଡନ୍‌ସେନା ୮.୫୭ ଏସ୍‌ଜିପିଏ, ରୋଶନ କୁମାର ଜେନା ୮.୫୭ ଏସ୍‌ଜିପିଏ, ପଲ୍ଲବୀ ସିଂହ ୮.୪୩ ଏସ୍‌ଜିପିଏ, ସୌମ୍ୟଶ୍ରୀ ବାଗ ୮.୨୬ ଏସ୍‌ଜିପିଏ, ସିଭିଲ୍ ଇଞ୍ଜିନିୟରିଂ ବିଭାଗର ଶ୍ରେୟାଶ ପଣ୍ଡା ୮.୭୮ ଏସ୍‌ଜିପିଏ, ସତ୍ୟମ ଭୋଇ ୮.୩ ଏସ୍‌ଜିପିଏ, ଇଲେକ୍ଟ୍ରିକାଲ୍ ଏଣ୍ଡ୍ ଇଲେକ୍ଟ୍ରୋନିକ୍ସ୍ ଇଞ୍ଜିନିୟରିଂ ବିଭାଗର ଆଲୋକ କୁମାର ମେହେର ୮.୪୩ ଏସ୍‌ଜିପିଏ, ଶିଶିର କୁମାର ଭୋଇ ୮.୪୩ ଏସ୍‌ଜିପିଏ, ବିକାଶ ଖର୍ସେଲ୍ ୮.୨୬ ଏସ୍‌ଜିପିଏ ମାର୍କ ରଖି ସଫଳ ହୋଇଛନ୍ତି । ମୋଟ୍ ୬ଜଣ ୯ ଏସ୍‌ଜିପିଏରୁ ଉର୍ଦ୍ଧ୍ୱ, ୧୨ଜଣ ୮ଏସ୍‌ଜିପିଏ ରୁ ୯ଏସ୍‌ଜିପିଏ ମଧ୍ୟରେ ମାର୍କ ରଖି ସଫଳ ହୋଇଛନ୍ତି । କମ୍ପ୍ୟୁଟର ସାଇନ୍ସ୍ ଓ ଇଞ୍ଜିନିୟରିଂ ବିଭାଗର ୪ଜଣ, ସିଭିଲ୍ ଇଞ୍ଜିନିୟରିଂ ବିଭାଗର ୧ଜଣ, ଇଲେକ୍ଟ୍ରିକାଲ୍ ଏଣ୍ଡ୍ ଇଲେକ୍ଟ୍ରୋନିକ୍ସ୍ ଇଞ୍ଜିନିୟରିଂ ବିଭାଗର ୧ଜଣ ଛାତ୍ରଛାତ୍ରୀ ୯ଏସ୍‌ଜିପିଏ ରୁ ଉର୍ଦ୍ଧ୍ୱ ମାର୍କ ରଖି ସଫଳ ହୋଇଛନ୍ତି । ଏହି ଅନନ୍ୟ ସଫଳତାରେ ଅନୁଷ୍ଠାନର ଚେୟାରମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ଛାତ୍ରଛାତ୍ରୀମାନଙ୍କ କଠିନ ପରିଶ୍ରମ, ଅଧ୍ୟବସାୟ ଏବଂ ବିକାଶ ର ନିଜସ୍ୱ ପ୍ରସ୍ତୁତ ଭି-ଲର୍ଣ୍ଣିଂ ପୋର୍ଟାଲ୍ ଦ୍ୱାରା ଛାତ୍ରଛାତ୍ରୀମାନଙ୍କୁ ନିୟମିତ ନଲେଜ୍ ବେସ୍‌ଡ୍ ମଲ୍ଟିପୁଲ୍ ଚଏସ୍ ପ୍ରଶ୍ନପତ୍ର ଅଭ୍ୟାସ ଏପରି ଅଭୂତପୂର୍ବ ଫଳାଫଳ ପାଇଁ ବିଶେଷ ସହାୟକ ହୋଇଛି ବୋଲି ମତବ୍ୟକ୍ତ କରିଛନ୍ତି । ଅନୁଷ୍ଠାନର ମ୍ୟାନେଜିଂ ଡାଇରେକ୍ଟର ଶ୍ରୀ ଜି.ଭାସ୍କର ରାଓ, ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଭି.ଶ୍ରୀନିବାସ, ଡାଇରେକ୍ଟର ଏକାଡେମିକ୍ସ୍ ଶ୍ରୀ ଜି.ରାମକ୍ରୀଷ୍ଣା, ଡାଇରେକ୍ଟର ଏଡ୍‌ମିନିଷ୍ଟ୍ରେସନ୍ ଶ୍ରୀ ଡି.ବିବେକ ଛାତ୍ରଛାତ୍ରୀମାନଙ୍କ ଶୃଙ୍ଖଳିତ ଆଚରଣ ଓ ଦୃଢ଼ସଂକଳ୍ପ ପାଇଁ ଛାତ୍ରଛାତ୍ରୀମାନଙ୍କୁ ଉଚ୍ଚପ୍ରଶଂସା କରିଛନ୍ତି । ବିକାଶ ଗ୍ରୁପ୍‌ର ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା ଛାତ୍ରଛାତ୍ରୀମାନଙ୍କୁ ଅଭିନନ୍ଦନ ଜ୍ଞାପନ କରିବା ସହ ଆଗାମୀ ଦିନରେ ବିକାଶ ଅନୁଷ୍ଠାନ, ବୈଷୟିକ ଶିକ୍ଷା କ୍ଷେତ୍ରରେ ଏକ ଅଗ୍ରଣୀ ଅନୁଷ୍ଠାନ ହେବା ସହ ଦକ୍ଷତା ଭିତ୍‌ତିକ ଶିକ୍ଷାରେ ଦୃଷ୍ଟାନ୍ତ ସୃଷ୍ଟି କରିବ ବୋଲି ଆଶାପୋଷଣ କରିଛନ୍ତି । ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍‌ନୋଲୋଜି ଅଧ୍ୟକ୍ଷ ଇଂ.ଅଜୟ ମହାପାତ୍ର ଏହି ସଫଳତାରେ ସନ୍ତୋଷ ବ୍ୟକ୍ତ କରିବା ସହିତ ଏଡ୍‌ମିନିଷ୍ଟ୍ରେଟର୍ ଇଂ.ପୂର୍ଣ୍ଣେନ୍ଦୁ ମିଶ୍ର, ସମସ୍ତ ବିଭାଗର ମୁଖ୍ୟ, ଏକାଡେମିକ୍ କୋଅର୍ଡିନେଟର୍ ତଥା ସମସ୍ତ ଅଧ୍ୟାପକ-ଅଧ୍ୟାପିକା ଏବଂ ଛାତ୍ରଛାତ୍ରୀ ତଥା ତାଙ୍କର ଅଭିଭାବକମାନଙ୍କୁ ପ୍ରଶଂସା କରିବା ସହିତ ସାଧୁବାଦ ଜଣାଇଛନ୍ତି ।