14-Apr-2021

ନୂଆଦିଲ୍ଲୀ(ପ୍ରେରଣା ଖବର ବ୍ୟୁରୋ) ଅସମ୍ଭାଳ ହେଉଛି ସ୍ଥିତି । ଦେଶରେ ବୋଲମାନୁନି କରୋନା ସଂକ୍ରମଣ । ଦୈନିକ ଆକ୍ରାନ୍ତ ସଂଖ୍ୟା ଆଶାଠାରୁ ଅଧିକ ଭାବେ ବଢିବାରେ ଲାଗିଛି । ଏହାକୁ ନଜରରେ ରଖି ମହାରାଷ୍ଟ୍ର ଆଜିଠୁ ୧୫ ଦିନ ଧରି ମହାରାଷ୍ଟ୍ରରେ ୧୪୪ ଧାରା ଜାରି କରାଯାଇଛି । ସେହିପରି ଗୁଜରାଟ, ମଧ୍ୟପ୍ରଦେଶ ସମେତ ଅନେକ ରାଜ୍ୟରେ ଲକଡାଉନ୍, ନାଉଟ୍ କର୍ଫ୍ୟୁ ବି ଲାଗିଛି। ତଥାପି ସଂକ୍ରମଣରେ ଲାଗିପାରୁନି ବ୍ରେକ୍ । ଗତ ୨୪ ଘଣ୍ଟା ମଧ୍ୟରେ ଦେଶରେ ୧ ଲକ୍ଷ ୮୪ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ପ୍ରଥମ ଥର ଲାଗି ହଜାର ଟପିଛି ମୃତ୍ୟୁ ସଂଖ୍ୟା ।

ସ୍ୱାସ୍ଥ୍ୟ ମନ୍ତ୍ରଣାଳୟର ରିପୋର୍ଟ ଅନୁସାରେ, ୨୪ ଘଣ୍ଟାରେ ୧ ଲକ୍ଷ ୮୪ ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦେଶରେ କରୋନା ଜନିତ ଦୈନିକ ମୃତ୍ୟୁ ସଂଖ୍ୟା ୧୦୦୦ ଟପିଛି । ଗତକାଲି ମୃତ୍ୟୁ ସଂଖ୍ୟା ୮୭୯ ଥିଲା । ସେହିପରି ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ ସମୁଦାୟ ସଂକ୍ରମିତଙ୍କ ସଂଖ୍ୟା ୧ କୋଟି ୩୮ ଲକ୍ଷ ପାର୍ କରିଛି । ଏତତ୍ ବ୍ୟତୀତ  ମୋଟ୍ ଆକ୍ଟିଭ କେସ୍ ରହିଛି ୧୩ ଲକ୍ଷ ୬୫ ହଜାର, ୫୦୪ ଓ ମୃତ୍ୟୁସଂଖ୍ୟା ୧ ଲକ୍ଷ ୭୨ ହଜାର ଟପିଛି ।

India reports 1,84,372 new #COVID19 cases, 82,339 discharges and 1,027 deaths in the last 24 hours, as per Union Health Ministry

Total cases: 1,38,73,825
Total recoveries: 1,23,36,036     
Active cases: 13,65,704     
Death toll: 1,72,085      
 
Total vaccination: 11,11,79,578