18-Mar-2021

ଉଲୁଣ୍ଡା(ଗୌର ଚନ୍ଦ୍ର ପରିଛା) ରାଜ୍ୟ ତଥା କେନ୍ଦ୍ର ସରକାର ଗ୍ରାମାଂଚଲ ମାନଙ୍କରେ ଶୁଦ୍ଧ ପାନୀୟଜଳ ଯୋଗାଇ ଦେବାପାଇଁ ଲକ୍ଷାଧିକ ଟଙ୍କା ଖର୍ଚ କରି ପ୍ରକଳ୍ପ ନିର୍ମାଣ କରୁଛନ୍ତି । ମାତ୍ର ବିଭାଗର ଖାମଖିଆଲି ମନୋଭାବ ତଥା ରକ୍ଷଣା ବେକ୍ଷଣ ଅଭାବରୁ ପ୍ରକଲ୍ପଟି ପଡି ରହିଛି । ଫଳରେ ଗ୍ରାମବାସୀ ପାଣି ଟୋପାଏ ପାଇଁ ଡହଲ ବିକଲ ହେଉଛନ୍ତି । ଏଭଲି ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ଉଲୁଣ୍ଡା ବ୍ଲକ ଜଉଁରାଭଉଁରା ଗାଁରେ । ଏହି ଗ୍ରାମରେ ୨୦୦ରୁ ଉର୍ଦ୍ଧ ପରିବାର ବଶବାସ କରୁଛନ୍ତି । ମାତ୍ର ପ୍ରକଲ୍ପଟି ପ୍ରାୟ ୬  ମାଶ ହେବ ଅଚଲ ହୋଇପଡିଥିବାରୁ ଗ୍ରମବାସୀ ବହୁ ଅସୁବିଧାର ସମ୍ମୁଖିନ ହେଉଛନ୍ତି । ବିଭିନ୍ନ ସ୍ଥାନରେ   ଷ୍ଟାଣ୍ଡପୋଷ୍ଟ ଗୁଡିକ ଭାଙ୍ଗିରୁଜି ଯାଇଥିବା ବେଳେ ଅଲିଆ ଅବର୍ଜନାରେ ଭରି ରହିଛି । ଏପରିକି ସ୍ଲୁଇସ ପଏଂଟରେ ଉଇହୁଙ୍କା ଲାଗିଯାଇ ନଷ୍ଟ ହେବାକୁ ବସିଲାଣି ।  ଗ୍ରାମରେ ଥିବା ଏକ ନଲକୂଅ ଉପରେ ଗ୍ରାମବାସୀ ନିର୍ଭର କରୁଥିବା ବେଳେ ଲାଲ ପାଣି ବାହାରୁଥିବାରୁ ବ୍ୟବହାର ଉପଯୋଗୀ ହୋଇପାରୁନାହିଁ । ଫଳରେ ଲୋକେ ପାଣି ଟୋପାଏ ପାଇଁ ଅସୁବିଧାର ସମ୍ମଖିନ ହେଉଛନ୍ତି । ଏନେଇ ଗ୍ରାମବାସୀ ଅଭିଯୋଗ କରୁଥିଲେ ମଧ୍ୟ କେହି କର୍ଣ୍ଣପାତ କରୁନଥିବା ଅଭିଯୋଗ ହେଉଛି । ଖରାର ପ୍ରକୋପ ଦିନକୁ ଦିନ ବଢିବାରେ ଲାଗିଥିବାରୁ ଯଥାଶିଘ୍ର ଏଥିପ୍ରତି ବିଭାଗୀୟ କତୃପକ୍ଷ ଦୃଷ୍ଟି ଦେବାକୁ ଦାବି ହେଉଛି । ଏନେଇ ବିଭାଗୀୟ ଯନ୍ତ୍ରୀ ବଳରାମ ମାôଝଙ୍କୁ ପଚାରିବାରୁ ଟ୍ରାନ୍ସଫର୍ମର ପୋଡିଯାଇଥିଲା । ଗତକାଲି ନୂତନ ଟ୍ରାନ୍ସଫର୍ମର ଲଗାଯାଇଛି । ଯଥାଶିଘ୍ର ଜଲ ଯୋଗାଣ ସ୍ୱାଭାବିକ ହେବ ବୋଲି ପ୍ରକାଶ କରିଥିଲେ ।