15-Mar-2021

କଟକ, (ପ୍ରେରଣା ଖବର) ଜଗତପୁର ଶିଳ୍ପାଞ୍ଚଳରେ ଥିବା ପେପ୍ସି କମ୍ପାନୀରେ ଶ୍ରମିକ ଅସନ୍ତୋଷ ଦେଖାଦେଇଛି।ଵରୁଣ ଵେଭ୍ରେଜ ଦ୍ବାରା ପରିଚାଳିତ ଏହି ପେପ୍ସି ବଟଲିଂ ପ୍ଲାଣ୍ଟର ପରିଚାଳନା କମିଟିର ମନମୁଖି କାମକୁ ଵିରୋଧ କରି ଶତାଧିକ ଶ୍ରମିକ କମ୍ପାନୀ ଫାଟକ ଆଗରେ ଧାରଣା ଦେଇଛନ୍ତି।

ଶ୍ରମିକମାନଙ୍କ ଅଭିଯୋଗ ଅନୁସାରେ, ୨୦ରୁ ୩୦ଵର୍ଷ ଧରି ଏହି କମ୍ପାନୀରେ କାମ କରୁଥିବା ଶ୍ରମିକ ମାନଙ୍କୁ କୌଣସି ନୋଟିସ ନଦେଇ କମ୍ପାନୀ ଛଟେଇ କରିବା ଆରମ୍ଭ କରିଛି।ଏହା ସହ କମ୍ପାନୀ ଶ୍ରମିକ ମାନଙ୍କର ଵକେୟା ପାଉଣା ମଧ୍ୟ ଦେଉ ନାହିଁ।ପ୍ରାୟ ପାଞ୍ଚ ଵର୍ଷର ଵୋନସ୍ ପଇସା କମ୍ପାନୀ ଏଯାଏ ଦେଇନଥିବା ଶ୍ରମିକମାନେ ଅଭିଯୋଗ କରିଛନ୍ତି।ସେପଟେ ଏସଵୁ ଅଭିଯୋଗ ସମ୍ପର୍କରେ କମ୍ପାନୀ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରି ନାହିଁ।