15-Mar-2021

ସାନଖେମୁଣ୍ଡି(ପ୍ରେରଣା ଖବର) : ଗଞ୍ଜାମ ଜିଲ୍ଲାର ଦିଗପହଣ୍ଡି ସ୍ଥିତ ଖେମୁଣ୍ଡି ପରିବହନ ମିନିବସ ଓ ମ୍ୟାଜିକ ଗାଡି ମାଲିକ ସଂଘର ନୂତନ କର୍ମକର୍ତ୍ତା ମନୋନୀତ ହୋଇଛନ୍ତି । ସଭାପତି ରୂପେ ଆଇନଜୀବି ଅଶେଷ ନାଥ ମିଶ୍ର, କାର୍ଯ୍ୟକାରୀ ସଭାପତି  ପ୍ରମୋଦ କୁମାର ପାତ୍ର, ଉପସଭାପତି  ଶ୍ରୀକାନ୍ତ ଚୌଧୁରୀ,ସମ୍ପାଦକ ପ୍ରତାପ କୁମାର ସାହୁ,ସହ ସମ୍ପାଦକ ସୁରେଶ କୁମାର ସାହୁ, ସାଙ୍ଗଠନିକ ସମ୍ପାଦକ  ରାଜୀବ ସ୍ବାଇଁ, ହିସାବ ସମୀକ୍ଷକ ଉମାକାନ୍ତ ମହାପାତ୍ର, ମୁଖ୍ୟ ଉପଦେଷ୍ଟା ଅଳକ ନାଥ ମିଶ୍ରଙ୍କୁ ମନୋନୀତ କରାଯାଇଛି ।

ସଂଘର କାର୍ଯ୍ୟକାରୀ କମିଟି ସଦସ୍ୟ ଭାବେ ପ୍ରଦୀପ କୁମାର ସେନାପତି,ସୁଶାନ୍ତ କୁମାର ଅଧିକାରୀ,କେ. ଗଣେଷ, ସୀମାଞ୍ଚଳ ସେଠୀ, ସଞ୍ଜୟ କୁମାର ସେଠୀଙ୍କୁ ସର୍ବସମ୍ମତକ୍ରମେ ମନୋନୀତ କରାଯାଇଥିବା ଜଣାପଡିଛି। ରବିବାର ସ୍ଥାନୀୟ କମା ପଡିଆ ସ୍ଥିତ ଶ୍ରୀ ନୀଳକଣ୍ଠେଶ୍ଵର ଶୈବପୀଠ ପରିସର ରେ ଥିବା ସଭା ଗୃହରେ ଗାଡି ମାଲିକ ସଙ୍ଘ ପକ୍ଷରୁ  ଆୟୋଜିତ ଆଲୋଚନା ସଭାରେ ଆଇନଜୀବି ଅଶେଷ ନାଥ ମିଶ୍ର ଅଧ୍ୟକ୍ଷତା କରିଥିଲେ। ସଙ୍ଘର ନୂତନ କର୍ମକର୍ତ୍ତା ଚୟନ ନେଇ  ପ୍ରସ୍ତାବକୁ ସଭାରେ ବିଧିବଦ୍ଧ ଭାବେ ଅନୁମୋଦିତ କରାଯାଇଥିଲା।

ପରେ ନବନିର୍ବାଚିତ କର୍ମକର୍ତ୍ତାମାନଙ୍କ ନାମ ତାଲିକା ଘୋଷଣା କରାଯିବା ପରେ ଉପସ୍ଥିତ ସଙ୍ଘର ସମସ୍ତ ସଦସ୍ୟ କରତାଳି ମାଧ୍ୟମରେ ସମର୍ଥନ କରିଥିଲେ। ସଙ୍ଘର ବିବିଧ ସମସ୍ୟା ଓ ତାର ସ୍ଥାୟୀ ସମାଧାନ ପାଇଁ ସଭାରେ ବିସ୍ତୃତ ଆଲୋଚନା କରାଯାଇଥିଲା।ସାଙ୍ଗଠନିକ ଅଭିବୃଦ୍ଧି ଏବଂ ସଂଘକୁ ରେଜିଷ୍ଟ୍ରିଭୁକ୍ତ କରାଯିବା ନିମନ୍ତେ ଆଗତ ପ୍ରସ୍ତାବକୁ ସଭାରେ ଅନୁମୋଦନ କରାଯାଇଥିଲା। ଟୁନା ଚୌଧୁରୀ,  ମନୋଜ କୁମାର ପଟ୍ଟନାୟକ,ପ୍ରଦୀପ କୁମାର ପାଣି,ହରିଶ୍ଚନ୍ଦ୍ର ପ୍ରଧାନ,ସୁନୀଲ ରାଓ,ସରୋଜ ଦାସ, ପ୍ରଦୀପ କୁମାର ପାଣିଗ୍ରାହୀ, ସତ୍ୟବାଦୀ ମହାରଣା, ଦୁର୍ଯ୍ୟୋଧନ ସାହୁ, ନିଳାଞ୍ଚଳ ବେହେରା,ସୁନୀଲ କୁମାର ରଥ,ମିଟୁ ଗୌଡ, ଚିନୁ ଦୋରା ପ୍ରମୁଖ ସଂଘର ସଦସ୍ୟ ବୃନ୍ଦ ବିଭିନ୍ନ ଆଲୋଚନାରେ ଅଂଶ ଗ୍ରହଣ କରିଥିଲେ।