10-Mar-2021

ସୁନ୍ଦରଗଡ(ପ୍ରେରଣା ଖବର ବ୍ୟୁରୋ) : ସୁନ୍ଦରଗଡ ଜିଲ୍ଲା ବଡଗାଁରେ ଗତ ୧ ତାରିଖରେ ଘଟିଥିବା ସୁନା ବ୍ୟବସାୟୀ ହତ୍ୟାକାଣ୍ଡ ଓ ଲୁଟ୍ ମାମଲାର ପର୍ଦ୍ଦାଫାଶ କରିଛି ସୁନ୍ଦରଗଡ ପୋଲିସ । ବିଭିନ୍ନ ସ୍ଥାନରେ ଚଢଉ କରି ଅପରାଧରେ ସମ୍ପୃକ୍ତ ଜଣେ ମହିଳା ସମେତ ୫ ଜଣଙ୍କୁ ଗିରଫ କରିଛି ପୋଲିସ ।  ଏମାନଙ୍କ ମଧ୍ୟରେ କିଛି ସ୍ଥାନୀୟ ଲୋକ ଥିବା ସାମ୍ବାଦିକ ସମ୍ମିଳନୀରେ ଏସପି ସାଗରିକା ନାଥ ସୂଚନା ଦେଇଛନ୍ତି। 

ସୂଚନାଯୋଗ୍ୟ ଯେ, ସୁନ୍ଦରଗଡ ଜିଲ୍ଲା ବଡଗାଁରେ ଗତ ମାର୍ଚ୍ଚ ୧ ତାରିଖରେ ସକାଳ ୯ ଟାରେ କିଛି ଦୁର୍ବୃତ୍ତ ସୁନା ବ୍ୟବସାୟୀ ରୋହିତ ବର୍ମାଙ୍କ ଉପରକୁ ଗୁଳିମାଡ କରିଥିଲେ । ତାପରେ ସେ ଧରିଥିବା ବ୍ୟାଗ୍ ଲୁଟି ଫେରାର ହୋଇ ଯାଇଥିଲେ ।  ଗୁରୁତର ଆହତ ରୋହିତ ବର୍ମା ରାଉରକେଲାରେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଥିଲେ। 

ଘଟଣାର ତଦ ପାଇଁ ୩ଟି ସ୍ଵତନ୍ତ୍ର ଟିମ୍ ଗଠନ କରାଯାଇ ରାଜ୍ୟ ସମେତ ପଡୋଶୀ ରାଜ୍ୟରେ ମଧ୍ୟ ଛାନଭିନ୍ ଆରମ୍ଭ କରାଯାଇଥିଲା । 

ବିହାର ଓ ଝାଡଖଣ୍ଡ ପୋଲିସ ସହଯୋଗରେ ସୁନ୍ଦରଗଡ ପୋଲିସ ଚଢଉ କରି ଜଣେ ମହିଳା ସମେତ ୫ ଜଣ ଅପରାଧୀଙ୍କୁ ଗିରଫ କରିଛି ।  ତାଙ୍କ ନିକଟରୁ ନଗଦ ଦୁଇ ଲକ୍ଷ ଟଙ୍କା ଏବଂ ୩ ଶହ ଗ୍ରାମ ସୁନା ଅଳଙ୍କାର ଜବତ କରାଯାଇଛି।