10-Mar-2021

ଲୋଇସିଂହା, (ବିନୋଦ କୁମାର ଦୀପ): ଆଜି ଲୋଇସିଂହା ଆଞ୍ଚଳିକ ବିକାଶ ପରିଷଦ ତରଫରୁ ଲୋଇସିଂହା କୁ ଏନ୍ ଏ ସି ମାନ୍ୟତା ଦାବିରେ ଆନ୍ଦୋଳନ କୁ ଜୋରଦାର୍ କରାଯାଇଥିଲା  l ଲୋଇସିଂହା ପଞ୍ଚାୟତ ସମିତି କାର୍ଯ୍ୟଳୟ ସମ୍ମୁଖରେ ଆଞ୍ଚଳିକ ବିକାଶ ପରିଷଦ ତରଫରୁ ଦିଆଯାଇଥିଲା ଗଣଧାରଣା ଆଜି 15 ଦିନରେ ପହଂଚିଛି, ଉକ୍ତ ଆନ୍ଦୋଳନରେ ପ୍ରତ୍ୟେକ ରାଜନୈତିକ ଦଳ, ସଂଗଠନ ଓ 25ଟି ଅନୁଷ୍ଠାନ ସାମିଲ ହୋଇଥିଲେ l ଲୋଇସିଂହା ଅଞ୍ଚଳରେ ଏନ୍ ଏ ସି ଦାଵୀକୁ ସରକାର କର୍ଣ୍ଣପାତ କରୁ ନ ଥିବାରୁ ଆଜି ସକାଳ 6 ଟା ରୁ ସନ୍ଧ୍ୟା 6 ଟା ପର୍ଯ୍ୟନ୍ତ ଲୋଇସିଂହା ବନ୍ଦ ଡାକରା ଦିଆଯାଇଥିଲା l ଆଞ୍ଚଳିକ ବିକାଶ ପରିଷଦ ଏହି ପରିପ୍ରେକ୍ଷୀରେ ଆଜି ଲୋଇସିଂହାର ସ୍କୁଲ, କଲେଜ, ସରକାରୀ ବେସରକାରୀ  ଅଫିସ, ଦୁକାନ ବଜାର ଓ ବ୍ୟାଙ୍କ ଲୋଇସିଂହା ମାଜିଷ୍ଟ୍ରେଟକୁ ଲିଖିତ କାଗଜପତ୍ର ଦେଇ କୋର୍ଟକୁ ବନ୍ଦ କରାଯାଇଥିଲା l ଏଥି ସହିତ ସମ୍ବଲପୁର ବଲାଙ୍ଗୀର 26 ନମ୍ବର ଜାତୀୟ ରାଜପଥକୁ ଦୀର୍ଘ 12 ଘଣ୍ଟା ପର୍ଯ୍ୟନ୍ତ ଅବରୋଧ କରି ଚକାଯlମ  କରାଯାଇଥିଲା l ଆଜିର ଏହି ଲୋଇସିଂହା ଏନ୍ ଏ ସି ମାନ୍ୟତା ଦାବୀରେ  ଧାରଣା ଦେଉଥିବା ସମୟରେ ଆନ୍ଦୋଳନକାରୀ ଅନେକ ମହିଳା ଓ ପୁରୁଷଙ୍କୁ ପୋଲିସ  ଜୋର ଜବରଦସ୍ତ ଥାନାକୁ  ଉଠେଇନେଇ ଅଟକ ରଖିଥିଲା l