08-Mar-2021

ଉଲୁଣ୍ଡା,(Goura Chandra Parichha)ଉଲୁଣ୍ଡା ବ୍ଲକ ଲସ୍ତଲା ପଂଚାୟତର ଅନନ୍ତପାଲି ଗ୍ରାମରେ ଅଷ୍ଟପ୍ରହରୀ ନାମ ଯଜ୍ଞ ଅନୁଷ୍ଠିତ ହୋଇଯାଇଛି । ଗ୍ରାମବାସୀଙ୍କ ମିଳିତ ଆନୁକୁଲ୍ୟରେ ଆୟୋଜିତ ହୋଇଥିବା ଏହି ନାମ ଯଜ୍ଞର ପ୍ରଥମ ଦିନରେ ଗାଁର ମହିଲା ମାନଙ୍କ ଦ୍ୱାରା କଳଶ ଯାତ୍ରା କରାଯାଇ ମଣ୍ଡପରେ ସ୍ଥାପନ କରାଯାଇଥିଲା ।  ପଦ୍ମନାଭ ପୁଝାରୀ ପୁଜାର୍ଚନା କରିଥିବା ବେଳେ ସୌମିତ୍ରୀ ପଣ୍ଡା ହୋମ ଯଜ୍ଞ କରିଥିଲେ ।  ହେମାନନ୍ଦ କର୍ଣ୍ଣ ସପତ୍ନୀକ କର୍ତା ଦାଇତ୍ୱ ତୁଲାଇଥିଲେ । ଦଶରଥ ମହାପାତ୍ର ଓ ମଂଟୁ ମହାପାତ୍ର ଜପକ କାର୍ଯ୍ୟ ତୁଲାଇଥିଲେ । ଏଥିରେ ୬ଟି  ମହିଲା କିର୍ତନ ଦଳ ଅଂଶଗ୍ରହଣ କରି ସଂର୍କୀତନ ପରିବେଷଣ କରିଥିଲେ । ଆଜି ସକାଲୁ ଅନନ୍ତପାଲିର କିର୍ତନ ମଣ୍ଡଲି ନଗର ପରିକ୍ରମା କରିଥିଲେ । ପରେ ତେନ୍ତେଲଖୋଲ, ଜଉଁରାଭଉଁରା, ହାତୀପାହୁଲ, ଗଇଲମୁରା ଆଦି ମହିଲା କିର୍ତନ ଦଳ ବୈଠକୀ କିର୍ତନ ପରିବେଷଣ କରିଥିଲେ । ବହୁ ଭକ୍ତଙ୍କ ସମାଗମ ହୋଇଥିଲା ।