23-Feb-2021

ଫୁଲବାଣୀ(ପ୍ରେରଣା ଖବର ବ୍ୟୁରୋ) :ଲୁଟ୍‌ ଅଭିଯୋଗରେ ଗିରଫ ହେଲେ ପୂର୍ବତନ ବିଧାୟକ। ଫୁଲବାଣୀର ପୂର୍ବତନ ବିଧାୟକ ଦେବେନ୍ଦ୍ର କହଁରଙ୍କୁ ଗିରଫ କରିଛି ପୋଲିସ୍। ଜଣେ ବ୍ୟକ୍ତିଙ୍କୁ ମାଡ଼ ମାରି ଟଙ୍କା ଲୁଟ୍ ଅଭିଯୋଗରେ ଦେବେନ୍ଦ୍ରଙ୍କ ସହ ତାଙ୍କର ଅନ୍ୟ ଜଣେ ସହଯୋଗୀ ମଧ୍ୟ ଗିରଫ ହୋଇଛନ୍ତି।

ଗିରଫ କରିବା ପରେ ବିଧାୟ ଓ ତାଙ୍କ ସହଯୋଗୀଙ୍କୁ କୋର୍ଟ ଚାଲାଣ କରିଛି ଟାଉନ୍ ଥାନା ପୋଲିସ୍।ଗିରଫ ଅନ୍ୟ ସହଯୋଗୀ ଜଣଙ୍କ IRBNର ହାବିଲଦାର ଶ୍ରୀନିବାସ କହଁର ବୋଲି ସୂଚନା ମିଳିଛି।

ଗତ ୧୧ ତାରିଖରେ ଉରୁମାଗଡ଼ ରାସ୍ତାରେ ଲୁଟ୍ ହୋଇଥିବା ଅଭିଯୋଗ ହୋଇଥିଲା। ଲୁଟ୍‌ର ଶିକାର ବ୍ୟକ୍ତି ଢେଙ୍କାନାଳ ପର୍ଜଙ୍ଗ ଅଞ୍ଚଳର କାମାକ୍ଷୀ ବେହେରା। ବନ୍ଧୁ ଘରକୁ ଯାଉଥିବା ବେଳେ ରାସ୍ତାରେ ଲୁଟ୍‌ର ଶିକାର ହୋଇଥିଲେ ବୋଲି କାମାକ୍ଷୀ ଥାନାରେ ଅଭିଯୋଗ କରିଥିଲେ। ଠିକଣା ପଚାରିବା ବେଳେ ଦେବେନ୍ଦ୍ର ମାଡ଼ ମାରି ଲୁଟ୍ କରିଥିବା ଥାନାରେ ଅଭିଯୋଗ କରିଥିଲେ କାମାକ୍ଷୀ।