09-Sep-2026

ସଇଁତଲା (ପ୍ରେରଣା ଖବର): ସଇଁତଲା ବ୍ଲକରେ ଜିଲ୍ଲାସ୍ତରୀୟ କ୍ରିକେଟ ପ୍ରତିଯୋଗିତା ଅକ୍ଟୋବର ମାସ ୨୯/୩୦ ଓ ନଭେମ୍ବର ୧ ତାରିଖରେ ଆୟୋଜନ ପାଇଁ ନିଷ୍ପତି ହୋଇଛି।  ଗୋଷ୍ଠୀ ଶିକ୍ଷା ଅଧିକାରୀ ଦିଲ୍ଲୀପ କୁମାର ଯୋଶୀ ଙ୍କ ସଭାପତିତ୍ୱରେ ଆୟୋଜିତ ଏହି ବୈଠକରେ ମୁଖ୍ୟ ଅତିଥି ଭାବରେ କେରମେଲୀ ର ପ୍ରଧାନଶିକ୍ଷକ ସରୋଜ ମିଶ୍ର, ପ୍ରଧାନଶିକ୍ଷକ ସୁନିତା ବୋଇପାଇଁ, ବ୍ଲକ ସମ୍ପାଦିକା ରଞ୍ଜିତା ମିଶ୍ର ମଂଚାସୀନ ଥିଲେ। ସରସ୍ବତୀ ମାଆ ଙ୍କ ପୂଜା ଓ ବନ୍ଦନା କରି କାର୍ଯ୍ୟକ୍ରମ ଟି ଆରମ୍ଭ ହୋଇଥିଲା। ଗତ ବର୍ଷ ରେ ହୋଉ ଥିବା ଜିଲ୍ଲା ସ୍ତରୀୟ ଖେଳକୁଦ ପ୍ରତିଯୋଗିତାର ଆୟବ୍ୟୟ, ସୁବିଧା ଅସୁବିଧା ଉପରେ ପ୍ରଥମେ ଆଲୋଚନା ହୋଇଥିଲା।ତା ପରେ ଏଇ ବର୍ଷ କାର୍ଯ୍ୟକ୍ରମ କିପରି ଭାବରେ ସୁରୁଖୁରୁରେ ସଫଳତା ର ସହ କରାଯିବ ତା ଉପରେ ସବିଶେଷ ଆଲୋଚନା କରି ସମସ୍ତ ପ୍ରଧାନ ଶିକ୍ଷକ ଓ ଶିକ୍ଷୟତ୍ରୀ, ଶାରୀରିକ ଶିକ୍ଷା ଶିକ୍ଷକ ଓ ଶିକ୍ଷୟତ୍ରୀ ସେମାନଙ୍କ ସୁଚିନ୍ତିତ ମତାମତ ଦେଇଥିଲେ। ସଭାପତି ତଥା ଗୋଷ୍ଠୀ ଶିକ୍ଷା ଅଧିକାରୀ ଦିଲ୍ଲୀପ କୁମାର ଯୋଶୀ ତାଙ୍କ ଅଭିଭାଷଣ ରେ ଅନେକ ଉଦାହରଣ ଦେଇ ଏହି କାର୍ଯ୍ୟକ୍ରମର ସଫଳ ତା ଆଶା କରିଥିଲେ। ବ୍ଲକ ସମ୍ପାଦକ ଶ୍ରୀମତୀ ରଞ୍ଜିତା ମିଶ୍ର ଙ୍କ ସୂଚନା ଅନୁଯାଇ ଆସନ୍ତା ଅକ୍ଟୋବର ମାସ ୨୯/୩୦/ଓ

ନଭେମ୍ବର-୧ତିନି ଦିନ ଧରି ଜିଲ୍ଲାସ୍ତରୀୟ ୧୭ ବର୍ଷ ରୁ କମ ବାଳକଙ୍କ କ୍ରିକେଟ ପ୍ରତିଯୋଗିତା ସଇଁତଲା ପଂଚାୟତ ସମିତି ସ୍କୁଲ ଶିଷକେଲାରେ ପ୍ରଧାନ ଶିକ୍ଷକ ମନୋଜ ବେହେରାଙ୍କ ତତ୍ଵାବଧାନ ଅନୁଷ୍ଠିତ ହେବ। ଏଥିରେ ବ୍ଲକର ସମସ୍ତ ପ୍ରଧାନ ଶିକ୍ଷକ, ଶିକ୍ଷୟତ୍ରୀ, ଖେଳ ଶିକ୍ଷକ, ଶିକ୍ଷୟତ୍ରୀ, ଓ ବ୍ଲକ ରେ ଥିବା ସମସ୍ତ ଶିକ୍ଷକ ଓ ଶିକ୍ଷୟତ୍ରୀଙ୍କ ସମ୍ପୂର୍ଣ ସହଯୋଗ ରହିଛି।  ସଭା ଶେଷରେ  କଁସର ର ପ୍ରଧାନ ଶିକ୍ଷକ ଘନଶ୍ୟାମ ଦଣ୍ଡସେନା ଧନ୍ୟବାଦ ଅର୍ପଣ କରିଥିଲେ।