25-Jul-2026

ନିଟ୍ ୟୁଜି ପେପର୍ ଲିକ୍ ଏବଂ ଦିଲ୍ଲୀରେ ଛାତ୍ର ପ୍ରତିବାଦକାରୀଙ୍କ1ଙ୍କ ଉପରେ ପୁଲିସର ବର୍ବରତାକୁ ନିନ୍ଦା କରି ସମ୍ବଲପୁର ଜିଲା କଂଗ୍ରେସ କମିଟି ପକ୍ଷରୁ ପ୍ରତିବାଦ 

ସମ୍ବଲପୁର : ୨୩ /୭  : ନିଟ୍ ୟୁଜି ପେପର୍ ଲିକ୍ ଏବଂ ଦିଲ୍ଲୀରେ ଛାତ୍ର ପ୍ରତିବାଦକାରୀଙ୍କ1ଙ୍କ ଉପରେ ପୁଲିସର ବର୍ବରତାକୁ ନିନ୍ଦା କରି ସମ୍ବଲପୁର ଜିଲା କଂଗ୍ରେସ କମିଟି ପକ୍ଷରୁ ଗୁରୁବାର ସନ୍ଧ୍ୟାରେ ଗୋଲବଜାର ଛକରେ ପ୍ରତିବାଦ ପ୍ରଦର୍ଶନ କରାଯାଇଛି । ଦଳର ନେତା ଏବଂ କର୍ମୀମାନେ କେନ୍ଦ୍ର ସରକାରଙ୍କ ବିରୋଧରେ ସ୍ଲୋଗାନ ଦେବାସହ ଏହି ପ୍ରଘଟ ମାମଲାରେ ବିଭାଗୀୟ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉତ୍ତରଦାୟିତ୍ୱ ନେଇ ଇସ୍ତଫା ଦିଅନ୍ତୁ ବୋଲି ଦାବି କରିଥିଲେ। ଗଣତାନ୍ତ୍ରୀକ ଉପାୟରେ ପ୍ରତିବାଦ କରୁଥିବା ବିରୋଧୀ ଦଳର ନେତା ରାହୁଲ ଗାନ୍ଧୀଙ୍କ ସହ । ଅନ୍ୟାନ୍ୟ ନେତୃବୃନ୍ଦଙ୍କୁ ଦିଲ୍ଲୀରେ ପୁଲିସ ଉଠାଇ ନେଇ ଗିରଫ କରିବାର ଦୃଢ଼ ପ୍ରତିବାଦ କରାଯାଇଥିଲା। ଜାତୀୟ ପରୀକ୍ଷାରେ ବାରମ୍ବାର ଅନିୟମିତତା ଜନସାଧାରଣଙ୍କ ବିଶ୍ୱାସକୁ କ୍ଷୁଣ୍ଣ କରିଛି
ଏବଂ ଲକ୍ଷ ଲକ୍ଷ ଆଶାୟୀ ପକାଇଛି। ଇଛି। ତା'ଛଡ଼ା ୩୫ରୁ ଅଧୂକ ନିରୀହ ଛାତ୍ରଛାତ୍ରୀଙ୍କ ମୃତ୍ୟୁର କାରଣ ସାଜିଛି। ଦିଲ୍ଲୀରେ ଛାତ୍ରଙ୍କ ବିରୋଧରେ ବଳ ପ୍ରୟୋଗକୁ କଂଗ୍ରେସ ନେତାମାନେ ନିନ୍ଦା କରି ଏହା ଗଣତାନ୍ତ୍ରିକ ଅଧିକାରର ଉଲ୍ଲଙ୍ଘନ ବୋଲି କହିଥିଲେ। ଜିଲା ସଭାପତି ଇଂ. ଅମିତ୍ ଗୁରୁ, ନିରଞ୍ଜନ ତ୍ରିପାଠୀ, ପୂର୍ବତନ ଜିଲା ସଭାପତି ଜୟ ଶଙ୍କର ମିଶ୍ର, ସୁଧୀର ପଣ୍ଡା, ଜିଲା ଉପସଭାପତି ଜିତେନ ମହାନନ୍ଦ, ପିସିସି ସଭ୍ୟ ସୁବାସ ବିଶ୍ବାଳ, ଗୋବିନ୍ଦ ମିଶ୍ର, ଚତୁର୍ଭୁଜ ଝାଙ୍କର, ଶଙ୍କର୍ଷଣ ନାଥ, ସଞ୍ଜୟ ଛୁରିଆ, ମୋହନ ଶାହା, ରବି ରାଉତ, ଗିରିଜା ନାଏକ, ତପନ ବେହେରା, ଦୀନେଶ ସାନବଡ଼, ଫିଲିପ୍ କୁମାର, ସୁମିତ୍ ନାଏକ, ନକୁଳ ବେହେରା, ସାମା ସିଂ, ସୋମନାଥ ବେହେରା ପ୍ରମୁଖ ଯୋଗଦେଇଥିଲେ ।